သမိုင်းတလျှောက် အငြင်းပွားမှုများကို ဖြေရှင်းရန် တောင်ကိုးရီးယားနဲ့ ဂျပန် နိုင်ငံခြားရေးဝန်ကြီးများ တွေ့ဆုံခဲ့
ဆိုးလ်၊ ဇူလိုင် ၁၈ ရက်
တောင်ကိုရီးယား နိုင်ငံခြားရေးဝန်ကြီး ပတ်ဂျင်သည် ဇူလိုင်လ ၁၈ ရက် တနင်္လာနေ့၌ တိုကျိုမြို့တွင် ဂျပန်နိုင်ငံခြားရေးဝန်ကြီးနှင့် တွေ့ဆုံ ဆွေးနွေးခဲ့သည်။
ပတ်ဂျင်က နှစ်နိုင်ငံကြား သမိုင်းတစ် လျှောက်ဖြစ်ပွားခဲ့သော သဘောထားကွဲလွဲမှုများကို ကျော်လွှား၍ တင်းမာသောဆက်ဆံရေးကို ပြန်လည်ပြင်ဆင်နိုင်ရန် မျှော်လင့်ချက်ဖြင့် ပြန်လည်သင့်မြတ်ရေး သဝဏ်လွှာကိုပါ သယ်ဆောင်သွားခဲ့ကြောင်း သိရသည်။
၁၉၁၀ ခုနှစ်မှ ၁၉၄၅ ခုနှစ် အတွင်း ဂျပန်တို့ ကိုရီးယားအား သိမ်းပိုက်ခဲ့သည့် သမိုင်း ကြောင်းကြောင့် နှစ်နိုင်ငံ ဆက်ဆံရေး သည်နှစ်ပေါင်းများစွာ ပြတ်တောက်နေခဲ့ခြင်း ဖြစ်သည်။
အဆိုပါခရီးစဉ်သည် တောင်ကိုရီးယား သမ္မတသစ် ယွန်းဆော့ယို တက်လာပြီးနောက်ပိုင်း ပတ်၏ ပထမဆုံးဂျပန် ခရီးစဉ်ဖြစ်ပြီး ပတ်သည် ဂျပန်ဝန်ကြီးချုပ် ယိုရှီမာဆာ ဟာရာရှီနှင့် တွေ့ဆုံခဲ့သည်။
အစည်းအဝေးနှင့်ပတ်သက်၍ ၎င်းတို့၏မှတ်ချက်များအား အသေးစိတ် ဖော်ပြထားခြင်း မရှိသေးချေ။
တိုကျိုမသွားရောက်မီ ဆိုးလ်မြို့ရှိ သတင်းထောက်များနှင့် ပြောကြားရာ၌ ပတ်က ၎င်း၏ ခရီးစဉ်သည် အလွန်လေးနက်ပြီး သမ္မတ ယွန်းသည် နှစ်နိုင်ငံ ဆက်ဆံရေးကိုတိုးတက်စေလို့သည့် ဆန္ဒအပြည့်အဝရှိကြောင်း ဂျပန်ဘက်သို့ ပြောကြားသွားမည်ဟု ဆိုသည်။
အဆိုပါဆွေးနွေးပွဲသည် ပြီးခဲ့သည့်လ မက်ဒရစ်မြို့၌ ကျင်းပသော နေတိုးအစည်းအဝေး ပြင်ပတွင် အမေရိက၊ တောင်ကိုရီယားနှင့် ဂျပန် ခေါင်းဆောင်များ သီးခြားတွေ့ဆုံခဲ့ပြီးနောက်ပိုင်း ပေါ်ပေါက်လာခြင်းဖြစ်သည်။
ဂျပန်ဝန်ကြီးချုပ်ဟောင်း ရှင်ဇို အာဘေး သေဆုံးမှုနှင့် ပတ်သက်၍ ဂျပန်နိုင်ငံ၏ ဦးစားပေးမူဝါဒများ ပြောင်းလဲသွားမည်ကို စိုးရိမ်နေသော်လည်း အဆိုပါ ခရီးစဉ်အတွင်း သဘောထားကွဲလွဲမှုများအား ဖြေရှင်းနိုင်ရန်အတွက် ဆွေးနွေးပွဲများ စတင်နိုင်မည်ဟု တောင်ကိုရီးယားတာဝန်ရှိသူများက မျှော်လင့်ထားသည်။
ယင်းခရီးစဉ်သည် သမ္မဟောင်း မွန်ဂျယ်အင် လက်ထက်က ရပ်တန့်သွားခဲ့သော အဓ္ဓမ ခိုင်းစေမှု ကိစ္စများကိုအလေးအနက်ဆွေးနွေးရန် ရည်ရွယ်ထားကြောင်း ဂျပန်မူဝါဒ ရေးရာအကြီးတန်းအရာရှိတစ်ဦးက ပြီးခဲ့သည့်အပတ်တွင် ရိုက်တာသတင်းဌာန သို့ ပြောကြားခဲ့သည်။
ဂျပန်အရာရှိများကလည်း ဆက်ဆံရေးတိုးမြှင့်ရန် အရေးကြီးသော်လည်း ကိုလိုနီခေတ် အလုပ်သမားအချို့ကို လျော်ကြေးမပေးဟု စွပ်စွဲခံထားရသော ဂျပန်ကုမ္ပဏီများ၏ ပိုင်ဆိုင်မှုများကို သိမ်းယူရန် တောင်ကိုရီးယား တရားရုံးက အမိန့်ပေးခြင်းကဲ့သို့သော အငြင်းပွားမှုများကို ဖြေရှင်းပေးရန် ဆိုးလ်ထံမှ မျှော်လင့်နေကြောင်း ပြောကြားခဲ့သည်။
တောင်ကိုရီးယားတရားရုံးချုပ်သည် ဩဂုတ်လ သို့မဟုတ် စက်တင်ဘာလတွင် ပိုင်ဆိုင်မှုများဖျက်သိမ်းခြင်းဆိုင်ရာ အပြီးသတ်ဆုံးဖြတ်ချက်ကို ချမှတ်နိုင်ဖွယ်ရှိပြီး အထက်ပါ အမိန့်သည် ကြီးလေး သော အကျိုးဆက်များကိုဖြစ် စေနိုင်ကြောင်း တိုကျိုက သတိပေးထားသည်။
Source: Reuters
