အမျိုးသားခေါင်းဆောင်ကြီး ဦးရာဇတ်၏ သား ဦးတင်မြင့် ကွယ်လွန်
အာဇာနည်ခေါင်းဆောင်ကြီး ဦးရာဇတ်၏ သားဖြစ်သူ ဦးတင်မြင့် (၈၃) နှစ်သည် ယနေ့ ဇူလိုင်လ (၂၁) ရက် နံနက် ပိုင်းတွင် ရန်ကုန်မြို့ရှိ ဝိတိုရိယ ဆေးရုံတွင် ကွယ် လွန်ခဲ့သည်။
ဦးတင်မြင့်သည် မြန်မာ့ရေနံနှင့် သဘာဝဓာတ်ငွေ့လုပ် ငန်း (ကမ်းလွန်) ညွှန်ကြားရေးမှူး(ငြိမ်း) တစ်ဦးဖြစ်ပြီး မြန်မာနိုင်ငံ ဘူမိသိပ္ပံအသင်း နာယကတစ်ဦးလည်းဖြစ် သည်။
“ကိုတင်မြင့်က အစ်ကိုအရင်းတစ်ယောက်လိုပဲ အရမ်းခင်ပါတယ်။ သူဟာ တိုင်းပြည်ကို သူ့အဖေလိုပဲ အရမ်းချစ်ပါတယ်။ နောက်ပြီးတော့ ခေါင်းဆောင်ကြီးတွေရဲ့ သားတွေ တစ်ယောက်ပြီး တယောက် ကွယ်လွန်ကုန်တော့ နှမြောတာပေါ့ကွယ်။ ခေါင်းဆောင်ကြီး ဦးရာဇတ်ရဲ့ သားအနေနဲ့သော်လည်း ကောင်း၊ မိသားစုအချင်းချင်း အရမ်းရင်းနှီးတဲ့ အစ်ကိုတစ်ယောက်အနေဲ့သော်လည်း ကောင်း၊ သူ့မိန်းမနဲ့လည်း အစ်မတစ်ယောက်လို အရမ်းရင်းနှီးတဲ့အတွက်ကြောင့် အန်တီအနေနဲ့ကတော့ ပြောမပြတတ်အောင် အရမ်း ဝမ်းနည်းပါတယ်” ဟု မြန်မာနိုင်ငံ၏ ဝန်ကြီးချုပ်ဟောင်း ဦးကျော်ငြိမ်း၏ သမီး ဖြစ်သူ ဒေါ်ချိုချိုကျော်ငြိမ်းက ပေါ်ပြူလာနယူးစ်သို့ ပြောသည်။
၎င်းကွယ်လွန်ချိန်တွင် ဇနီးသည်ဖြစ်သူ ဒေါ်ရှယ်လီနှင့် သား (၂) ဦး ၊ သမီး(၁) ဦး၊ မြေး (၁) ဦး ကျန်ရစ်ခဲ့ကြောင်း သိရသည်။
အာဇာနည် ခေါင်းဆောင်ကြီး ဦးရာဇာတ်၏ သားဖြစ်သူ ဦးတင်မြင့်သည် နာမကျန်းဖြစ်ကာ ဆေးကုသမှု ခံယူနေရသဖြင့် ယခုနှစ် (၇၅) နှစ်မြောက် အာဇာနည်နေ့ အခမ်း အနားသို့ တက်ရောက် ဂါရဝမပြုနိုင်ခဲ့ပေ။
ဦးတင်မြင့်သည် ၂၁.၀၇.၂၀၂၂ ကြာသပတေးနေ့ နံနက် (၆:၄၀)နာရီအချိန်ခန့်တွင် ဝိတိုရိယ ဆေးရုံတွင် အလ္လာအရှင်မြတ်အမိန့်တော်ခံယူသွားပါသဖြင့်နေ့လည်ဇုဟိုရ်ဆွာလာသ်အပြီးတွင်ရေးဝေးမွတ်စ်လင်မ်ဥယျာဉ်တော်တွင်ဒဖ်နာပြုလုပ်ပြီးဖြစ်ပါကြောင်းသိရသည်။
