YBS ကားများပြေးဆွဲမှုနည်းပါး၍ အခက်အခဲဖြစ်နေသည့် ခရီးသည်များအား လူမှုကူညီရေးအသင်းများမှကူညီပို့ဆောင်ပေးနေ
ရန်ကုန်တိုင်းအတွင်း၌ ပြေးဆွဲလျက်ရှိသည့် YBS ခရီးသည်တင်ကားများမှာ ဇူလိုင် ၂၂ ရက်မှစတင် ၍ CNG Gas ရရှိမှုလျော့နည်းသဖြင့် ခရီးသည်တင်၍ပြေးဆွဲပေးနေသည့်ကားများနည်းပါးလျက်ရှိသည်။
ထိုသို့ YBS ကားများပြေးဆွဲမှုနည်းပါးသဖြင့် လုပ် ငန်းခွင်သို့သွားရောက်မည့် ခရီးသွားများအဆင် ပြေစေရန် လူမှုကူညီရေးအသင်းများမှ လူမှုကူညီရေးကားများဖြင့် ခရီးသည်များအားကူညီပို့ ဆောင်ပေးလျက်ရှိကြောင်း သိရသည်။
“အခုလက်ရှိသတင်းတွေအရ YBS တွေက Gas ထည့်ဖို့အခက်အခဲတွေရှိတယ် လို့ကြားရသလို ခရီးသည်တွေလည်း အိမ်ပြန်ဖို့အဆင်မပြေတာတွေကြောင့် မနေ့ကညပိုင်းထဲကစပြီး ခရီးသည်တွေအိမ်ပြန်လို့အဆင်ပြေအောင် ကူညီပြီးပို့ ဆောင်ပေးပါတယ် အနီးစပ်ဆုံးမှတ်တိုင်အထိပို့ပေးပါတယ် လက်ရှိလည်းကျွန်မတို့လူနာလမ်း ကြောင်းတွေမရှိသေးတဲ့အချိန်မှာ ကူညီပေးနေပါတယ်”ဟု ရွှေပြည်သာမြို့နယ်အခြေစိုက် ရွှေမေ တ္တာ(အခမဲ့)လူမှုကူညီရေးအသင်းမှ မရွှေလဲ့ကပြောသည်။
ထိုသို့ လူမှုကူညီရေးအသင်းများမှ ခရီးသည်များအဆင်ပြေစေရန် ကူညီပို့ဆောင်ပေးခြင်းများအား ရန်ကုန်မြို့အတွင်းရှိ မြို့နယ်အသီးသီးမှ လူမှုကူညီရေးအသင်းများက သက်ဆိုင်ရာမြို့ နယ်အလိုက် ကူညီပို့ဆောင်ပေးလျက်ရှိသည်။
“အလုပ်သွားဖို့ လိုင်းကားစောင့်နေတာ တော်တော်နဲ့မလာဘူး ကားစောင့်နေတုန်း လူနာတင်ကားတစ်စီးကရပ်ပြီး မြို့ထဲကိုလိုက်ပို့ပေးမယ်ဆိုပြီး ကားစောင့်နေတဲ့လူတွေကိုပြောတာနဲ့ လိုက်လာခဲ့လို့သာအလုပ်ကိုရောက်လာတာ ပရဟိတအသင်းတွေလည်း အတော်ကူညီပေးနေကြတာတွေ့တယ်”ဟု မြို့ထဲတွင်အလုပ်ဆင်းရသူတစ်ဦးကပြောသည်။
ထိုသို့ ကူညီပေးရာတွင် မြို့နယ်အလိုက် လူမှုကူ ညီရေးအသင်းများမှ လူနာပို့ဆောင်ရမည့်လမ်း ကြောင်းမရှိသည့် ကားများစုပေါင်း၍ ကူညီပို့ ဆောင်ပေးလျက်ရှိခြင်းဖြစ်သည်။
Photo-သုခကာရီလူမှုကူညီရေးအသင်း
ရွှေမေတ္တာလူမှုကူညီရေးအသင်း