AA မှပုဏ္ဏားကျွန်းမြို့နယ်၏ မြို့နယ်အုပ်ချုပ်ရေးမှူးနှင့်ကားမောင်းသူတို့အား ပြန်လွတ်ပေးခဲ့
ရခိုင်ပြည်နယ်၊ပုဏ္ဏားကျွန်းမြို့နယ်၊မြို့နယ်အ ထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူးဦးလှရွှေ(၅၃)နှစ်နှင့်၎င်း၏ ကားမောင်းသူမောင်ကျော်နိုင်(၃၀)နှစ်တို့အား AA မှမေးမြန်းရန်ခေါ်ဆောင်သွားပြီးနောက် ဇူလိုင် ၂၃ ရက်(ယနေ့)မွန်းတည့်ပိုင်းတွင် ပြန်လွတ်ပေးခဲ့ကြောင်း သိရသည်။
AA ၏ထုတ်ပြန်ချက်တွင် “လိုအပ်ချက်အရ ဦးလှရွှေနှင့်မောင်ကျော်နိုင်တို့အား စစ်ရေးနှင့် ပတ်သက်မှုရှိ၊မရှိ ခေါ်ယူမေးမြန်းခြင်းဖြစ်သည်”ဟု ရေးသားထားသည်။
ထိုသို့ ခေါ်ယူမေးမြန်းပြီးနောက် ဦးလှရွှေနှင့်မောင်ကျော်နိုင်တို့အား ယနေ့မွန်းတည့် ၁၂ နာရီ ၁၅ မိနစ်၌ ပုဏ္ဏားကျွန်းမြို့နယ်၊ယိုးငူနှင့်ကျောက်ဆိပ်ရွာကြား၌ ကောင်းမွန်စွာပြန်လွှတ်ပေးခဲ့ကြောင်း AA မှထုတ်ပြန်ရေးသားထားသည်။
အလားတူ ULA/AA အနေဖြင့် ဝန်ထမ်းအချို့အား အခြေအနေနှင့်လိုအပ်ချက်အရ ခေါ်ယူစစ်ဆေးမေးမြန်းမှုများပြုလုပ်လေ့ရှိပြီး စစ်ဖက်နှင့်မသက်ဆိုင်ပါက ကောင်းမွန်စွာပြန်လွှတ်ပေးသည်ဟု ထုတ်ပြန်ချက်၌ရေးသားထားသည်။
ပုဏ္ဏားကျွန်းမြို့နယ်အုပ်ချုပ်ရေးမှူးဦးလှရွှေနှင့်ကားမောင်းသူမောင်ကျော်နိုင်တို့အား AA မှ ဇူလိုင် ၁၇ ရက်တွင်မေးမြန်းရန်ရှိသည်ဟုဆိုကာ ခေါ်ဆောင်သွားခဲ့ခြင်းဖြစ်သည်။
