စက်သုံးဆီစျေးနှုန်းအနည်းငယ်ပြန်တက်လာ 92 Ron တစ်လီတာလျင် ၁၈၀၀ ကျော်ဖြစ်ပေါ်

စက်သုံးဆီစျေးနှုန်းအနည်းငယ်ပြန်တက်လာ 92 Ron တစ်လီတာလျင် ၁၈၀၀ ကျော်ဖြစ်ပေါ်

ရက်ပိုင်းအတွင်းက စက်သုံးဆီစျေးနှုန်းများကျဆင်းပြီးနောက် ဇူလိုင် ၂၉ ရက်(ယနေ့) တွင် ပြန်တက်လာခဲ့သည်ကို စက်သုံးဆီတင်သွင်းသို လှောင်ဖြန့်ဖြူခြင်းလုပ်ငန်းကြီးကြပ်ရေးကော်မ တီမှထုတ်ပြန်သည့် ရည်ညွှန်းလက်လီစျေးနှုန်းများအရ သိရသည်။

ထိုသို့ ပြန်တက်လာသဖြင့် ရန်ကုန်တိုင်းအတွင်း 92 Ron တစ်လီတာလျင် ၁၈၂၀ ကျပ်အထိဖြစ် လာခဲ့ကြောင်း သိရသည်။

အလားတူ မန္တလေးတိုင်း၊နေပြည်တော်၊ပဲခူး၊မကွေး၊ထားဝယ်၊မုံရွာ၊ပုသိမ်၊ဘားအံ၊မော်လမြိုင်တို့တွင် စက်သုံးဆီစျေးနှုန်းမှာ 92 Ron တစ်လီတာလျင် ၁၈၀၀ ကျပ်အထက်၌ရှိသည်။

ထို့ပြင် မြစ်ကြီးနား၊စစ်တွေ၊လားရှိုး၊တောင်ကြီးနှင့်လွိုင်ကော်တို့တွင် 92 Ron တစ်လီတာလျင် ၁၉၀၀ ကျပ်ကျော်၊ဟားခါးနှင့်ကျိုင်းတုံတို့တွင် တစ်လီတာ ၂၀၀၀ ကျပ်ကျော်ဖြစ်ပေါ်လျက်ရှိကြောင်း သိရသည်။

စက်သုံးဆီတင်သွင်းသိုလှောင်ဖြန့်ဖြူခြင်းလုပ် ငန်းကြီးကြပ်ရေးကော်မတီ၏ ယနေ့ ထုတ်ပြန်ခဲ့သည့် စက်သုံးဆီရည်ညွှန်းစျေးနှုန်းများအရ ရန် ကုန်တိုင်းအတွင်း၌ လက်လီစျေးအဖြစ် 92 Ron တစ်လီတာလျင် ၁၈၂၀ ကျပ်၊ 95 Ron တစ်လီတာလျင် ၁၁၈၉၀ ကျပ်၊ HSD (500 ppm) တစ်လီတာလျင် ၂၁၆၅ ကျပ် သတ်မှတ်ခဲ့သည်။

အလားတူ HSD (50 ppm)နှင့် HSD (10 ppm)တို့မှာ တစ်လီတာလျင် ၂၂၂၀ ကျပ်အဖြစ် စက်သုံးဆီရည်ညွှန်းလက်လီစျေးနှုန်းများအဖြစ် သတ်မှတ်ခဲ့သည်။

အဆိုပါ စျေးနှုန်းများအား စက်သုံးဆီတင်သွင်းသိုလှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီမှ MOPS စျေးနှုန်းအပေါ်တွင် အခြေခံတွက်ချက်ထားခြင်းဖြစ်ကာ စက်သုံးဆီဝယ်ယူသူများအနေဖြင့် ကျေနပ်မှုမရှိပါက ကော်မတီသို့ဆက်သွယ်တိုင်ကြားနိုင်ကြောင်း သိရသည်။

ထို့ပြင် စက်သုံးဆီတင်သွင်းသိုလှောင်ဖြန့်ဖြူခြင်းလုပ်ငန်းကြီးကြပ်ရေးကော်မတီ၏ စက်သုံးဆီရည်ညွန်းလက်ကားစျေးနှုန်းမှာလည်း ရန်ကုန်တိုင်း ၌ 92 Ron တစ်လီတာလျင် ၁၇၂၉ ကျပ်၊ 95 Ron တစ်လီတာလျင် ၁၇၉၅ ကျပ်အထိပြန်တက်လာခဲ့ကာ HSD(500 ppm) တစ်လီတာလျင် ၂၀၆၂ ကျပ်၊ HSD (50 ppm)နှင့် HSD(10 ppm)တို့မှာ တစ်လီတာလျင် ၂၁၁၇ ကျပ်တို့ဖြစ်သည်။