ဘားအံမြို့တွင် ၄၃ ကြိမ်မြောက် ကရင်ရိုးရာ ဝါ ခေါင်လချည်ဖြူဖွဲ့မင်္ဂလာကျင်းပ
ကရင်ပြည်နယ်၊ဘားအံမြို့၊ဇွဲကပင်ခန်းမတွင် သြဂုတ် ၇ ရက်(ယနေ့)နံနက် ၉ နာရီက ၄၃ ကြိမ်မြောက် ကရင်ရိုးရာဝါခေါင်လချည်ဖြူဖွဲ့မင်္ဂလာ (လာခုဂ်ခါင်.စူး)ပွဲတော်အား ကျင်းပခဲ့သည်။
အခမ်းအနားတွင် ပွဲတော်အားဦးဆောင်ကျင်းပမည့် အကြီးအမှူးက မကောင်းသောစိတ်ဝိဉာဉ်ဆိုးများ လူတိုင်း၏ခန္ဓာကိုယ်မှ ဖယ်ခွာစွန့်ထုတ်သွားစေရန်နှင့်လူတိုင်း၏ခန္ဓာကိုယ်အား အစဉ်အမြဲစောင့်ရှောက်ပေးသည့် ဝိဉာဉ်လိပ်ပြာကောင်းများ အသီးသီးပြန်လည်ဝင်ရောက်လာစေရန် ကရင်ဘာသာဖြင့် ရွတ်ဆို၍ (၇)ရက်သား၊သမီးများ၏ ဝိဉာဉ်လိပ်ပြာကောင်းများ ရွှင်လန်းဝမ်းမြောက်စေရန် ရိုးရာသီးချင်းဖြင့် ဂုဏ်ပြုကြိုဆိုခဲ့ကြသည်။
ထို့နောက် အခမ်းအနားသို့တက်ရောက်လာသည့် ကရင်ပြည်နယ် ခေတ္တဝန်ကြီးချုပ် လုံခြုံရေးနှင့် နယ်စပ်ရေးရာဝန်ကြီးဗိုလ်မှူးကြီးမျိုးမင်းနောင်နှင့်ဇနီးအပါအဝင် တာဝန်ရှိသူများ၊ကရင်ပြည် နယ် နယ်ခြားစောင့်တပ်(ဗဟို)အကြံပေးနှင့်ကွပ် ကဲရေးအဖွဲ့ အထွေထွေအတွင်းရေးမှူး ဗိုလ်မှူးကြီးစောချစ်သူ၊ငြိမ်းချမ်းရေးအဖွဲ့အစည်းများမှ ကိုယ်စားလှယ်များ၊ ကရင်တိုင်းရင်းသား ရပ်မိ ရပ်ဖများ၊ တိုင်းရင်းသားပြည်သူများက အဖိုး၊အဖွားများထံတွင် ချည်ဖြူဖွဲ့ခံယူခဲ့ကြသည်။
“ဝါခေါင်လရောက်တိုင်း လက်ကောက်ဝတ်မှာ ချည်ဖြူဖွဲ့ထုံးချည်နှောင်တဲ့ ဓလေ့ဟာ မိသားစုတွေ စည်းစည်းရုံးရုံးနဲ့ပြန်တွေ့တာ လက်ရည်တပြင်တည်းဖြစ်တာ လူကြီးနဲ့လူငယ်ကြားမှာ နွေးနွေးထွေထွေး ဆွေးနွေးတိုင်ပင်ကြတာကြောင့် စည်းလုံးညီညွတ်မှုနဲ့ချစ်ခင်ရင်းနှီးမှုတွေ တိုးပွားရရှိစေပါတယ်”ဟု ကရင်ပြည်နယ် ခေတ္တဝန်ကြီး ချုပ် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူး ကြီးမျိုးမင်းနောင်ကပြောသည်။
အလားတူ ကရင်တိုင်းရင်းသား လူငယ်မောင်မယ်များမှလည်း ဝါခေါင်လချည်ဖြူဖွဲ့မင်္ဂလာ(လာခုဂ်ခါင်.စူး)ဖြစ်ပေါ်လာပုံအား ပိုးကရင်ဘာသာ၊စ ကောကရင်ဘာသာ၊ မြန်မာဘာသာတို့ဖြင့် ဖတ်ကြားခဲ့ကြသည်။
ချည်ဖြူဖွဲ့ရာတွင် ငှက်ပျောသီး၊ကောက်ညှင်းထုပ်၊ထမင်းဆုပ်၊နတ်ပန်းညို၊ချည်ဖြူ၊သန့်စင်သောရေ၊ကြံပိုင်း အစရှိသည့်ပစ္စည်း ၇ မျိုးပါဝင်ကာ တစ်ခုချင်းစီ၏ ဂုဏ်သတ္တိများအလိုက် က ရင်တိုင်းရင်းသားတို့အား စုပေါင်းညီညွတ်စွာ နေ ထိုင်စေလိုသည့် အဓိပ္ပါယ်များပါဝင်သည်ဟု သိရသည်။
Photo-စောမျိုးမင်းသိန်း
