ဆန်စပါးစိုက်ပျိုးထုတ်လုပ်မှုလုပ်ငန်းများနှင့်အ ထွက်နှုန်းကို မှန်မှန်ကန်ကန်ဖြစ်စေရန် အလေး ထားဆောင်ရွက်ရမည်ဟု နစက ဥက္ကဋ္ဌမှာကြား
ပြည်ထောင်စုအစိုးရအဖွဲ့ လုပ်ငန်းဆောင်ရွက်ချက်များနှင့်စပ်လျင်းသည့် ညှိနှိုင်းအစည်းအဝေးအား သြဂုတ် ၈ ရက်က နေပြည်တော်၌ပြုလုပ်ရာတွင် စပါးစိုက်ပျိုးထုတ်လုပ်မှုနှင့်ပတ်သက်၍ နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က မှာကြားခဲ့ခြင်းဖြစ်သည်။
မြန်မာနိုင်ငံ၌ မိုးစပါးစိုက်ဧက ၁၅ သန်းနှင့်နွေစပါးစိုက်ဧက ၃ သန်းခန့်(စုစုပေါင်း စိုက်ဧက ၁၇ သန်း)ကျော်ရှိသော်လည်း နွေစပါး၊ မိုးစပါး စိုက် ပျိုးထုတ်လုပ်မှုသည် ရည်မှန်းချက်မပြည့်မီသေးသဖြင့် သတိထားရမည့်အခြေအနေမျိုးရှိသည်ကို တွေ့ရသည်ဟုပြောသည်။
“မိုးစပါးကို တစ်ဧက ၇၅တင်းခန့် နွေစပါးကို တစ်ဧက တင်း၉၀ခန့် ထွက်ရှိဖို့ကို ခန့်မှန်းထားပါတယ် ပထမအဆင့်အနေဖြင့် မိုးစပါးကို တစ်ဧက ပျှမ်းမျှ တင်း၈၀ခန့် ထွက်ရှိအောင်ဆောင်ရွက်မည် ဆိုပါက စပါးတင်း ၄၅သန်းခန့် ပိုမိုထွက်ရှိလာမည်ဖြစ်ပြီး နွေစပါးကို တစ်ဧက တင်း၉၀ခန့် ထွက်ရှိမည်ဟု ခန့်မှန်းထားပြီး ပထမအဆင့် တစ်ဧက တင်း ၁၀၀ခန့် ထွက်ရှိအောင် ဆောင်ရွက်မည်ဆိုပါက စပါးတင်း သန်း၃၀ ခန့် ပိုမိုထွက်ရှိမည်ဖြစ်ပြီး နွေစပါး မိုးစပါး ၂ခုပေါင်းပါက စပါးတင်း စုစုပေါင်း ၇၅သန်းခန့် ပိုလာမှာ ဖြစ်တဲ့အတွက် နိုင့်ငံ့ဝင်ငွေပိုမိုရရှိလာမှာပါ”ဟု နစကဥက္က က ပြောသည်
ထို့ကြောင့် ရည်မှန်းချက်ပန်းတိုင်များချမှတ်၍ အသေအချာဆောင်ရွက်ရန်လိုကာ ဆန်စပါးစိုက်ပျိုးထုတ်လုပ်မှုလုပ်ငန်းများနှင့်အထွက်နှုန်းအား မှန်မှန်ကန်ကန်ဖြစ်စေရန် အလေးထားဆောင်ရွက်ရမည်ဟု ပြောသည်။
“အစိုးရပိုင်းအနေနဲ့က မြေဩဇာ၊ပိုးသတ်ဆေးနဲ့ စိုက်ပျိုးရေများရဖို့အတွက် မဖြစ်မနေဆောင် ရွက်ပေးရပါမယ်”ဟု နစက ဥက္ကဋ္ဌကပြောသည်။
