ကိုဗစ်အလွန် ဂျပန်စီးပွားရေးပြန်လည်ကောင်းမွန်လာ
ဂျပန်နိုင်ငံ၏ စီးပွားရေးသည် ပုဂ္ဂလိကသုံးစွဲမှုအားေကာင်းလာသဖြင့် သုံးလပတ်သုံးကြိမ်ဆက်တိုက် တိုးတက်လာခဲ့ကြောင်း ဧပြီလမှဇွန်လအထိ အချက်အလက်များအရတွေ့ရှိခဲ့ရသော်လည်း ထပ်မံ၍ကိုဗစ်ဖြစ်ပွားလာသဖြင့်စီးပွားရေးကျဆင်းမှုမှ ပြန်လည်ကောင်းမွန်လာစေရန် နှောင့်နှေးသည့် လက္ခဏာရှိနေသေးသည်။
ကိုဗစ်ကူးစက်မှု ပြန်လည်များပြားလာခြင်း၊ ကမ္ဘာလုံးဆိုင်ရာ ဖွံ့ဖြိုးတိုးတက်မှု နှေးကွေးခြင်း၊ ထောက်ပံ့မှု ကန့်သတ်ချက်များ နှင့် လူနေမှုစရိတ်များကို မြင့်တက်စေသည့် ကုန်ကြမ်းဈေးနှုန်းများတက်လာခြင်းကြောင့်ပြန်လည်တိုးတက်ရန် အလားအလာမသေချာပေ။
ကမ္ဘာ့တတိယစီးပွားေရးအင်အားအကြီးဆုံးဂျပန်တွင် ဂျီဒီပီသည် ဒုတိယသုံးလပတ်အတွင်း နှစ်အလိုက် ၂ ဒသမ ၂ ရာခိုင်နှုန်းတိုးလာကာ ဇန်နဝါရီမှ မတ်လအထိ စိစစ်ထားသော ၀ ဒသမ ၁ ရာခိုင်နှုန်းထက်အရှိန်မြင့်လာသည်ဟု အစိုးရအချက်အလက်များက ဖော်ပြသည်။ သို့သော် ခန့်မှန်းထားသည့် ၂ ဒသမ ၅ ရာခိုင်နှုန်းထက်မူလျော့နည်းနေသေးသည်။
ဂျပန်နိုင်ငံဂျီဒီပီ၏ ထက်ဝက်ကျော်ရှိသော ပုဂ္ဂလိကသုံးစွဲမှု၌ ၁ ဒသမ ၁ ရာခိုင်နှုန်း တိုးလာသည်ဟု အချက်အလက်များက ဖော်ပြသည်။သို့သော် မြင့်တက်မှုသည် စျေးကွက်ခန့်မှန်းချက် ၁ ဒသမ ၃ ရာခိုင်နှုန်း အထိတိုးလာခြင်းမဟုတ်ပဲနိမ့်နေသေးဆဲဖြစ်သည်။
ငွေလုံးငွေရင်းအသုံးစရိတ်သည် ၁ဒသမ၄ ရာခိုင်နှုန်း တိုးလာပြီး ပျမ်းမျှစျေးကွက်ခန့်မှန်းချက် ၀ဒသမ၉ ရာခိုင်နှုန်းထက် တိုးလာကြောင်း အချက်အလက်များတွင် ဖော်ပြထားသည်။ပြင်ပဝယ်လိုအားကိုမူ ဂျီဒီပီ တိုးတက်မှုနှုန်းတွင် ပေါင်းထည့်ခြင်းမျိုး မဟုတ်ပဲ ခန့်မှန်းထားသည့် ၀ ဒသမ ၁ ရာခိုင်နှုန်းနှင့်သာနှိုင်းယှဉ်ခြင်းဖြစ်သည်။
မူဝါဒချမှတ်သူများကမူ လူနေမှုစရိတ်များ တိုးမြင့်လာချိန်တွင် လစာများလုံလောက်စွာတက်လာပြီး စားသုံးမှုအားကောင်းစေရန်တွန်းအားပေးလိမ့်မည်ဟု မျှော်လင့်ကြသည်။
သို့သော် ကမ္ဘာလုံးဆိုင်ရာဝယ်လိုအား နှေးကွေးစေမည့် အန္တရာယ်များမြင့်မားနေသည့်အ ခြေအနေတွင် ကုမ္ပဏီများကလစာတိုးပေး၊မတိုးပေးဟူသည့်အချက်သည် မသေချာကြောင်း လေ့လာသူများကပြောသည်။
Source – Reuters/ng
