ရုရှားတနိုင်ငံမှ စက်သုံးဆီ ဝယ်ယူရန် တပ်မတော်က ဒုတိယဗိုလ်ချုပ်ကြီး ဦးဆောင်သည့် ဆီဝယ်ယူရေး ဦးဆောင် ကော်မတီဖွဲ့
တပ်မတော်က ဒုတိယ ဗိုလ်ချုပ်ကြီးတစ်ဦးမှ ဦးဆောင်ကာ ရုရှားနိုင်ငံမှ စက်သုံးဆီဝယ်ယူပြီး သိုလှောင်ဖြန့်ဖြူးရေး ဦးဆောင်ကော် မတီတစ်ရပ်ကို ဖွဲ့စည်းထားကြောင်း သိရသည်။
ယင်း ကော်မတီကို သြဂုတ်လ (၁) ရက် ရက်စွဲဖြင့် ဖွဲ့စည်း ခဲ့ခြင်းဖြစ်ပြီး ဒုတိယ ဗိုလ်ချုပ်ကြီး ညိုစောက ဥက္ကဋ္ဌအဖြစ်တာဝန်ယူကာ အတွင်းရေးမှုး ၊ တွဲဖက်အတွင်းရေးမှုးအပါအဝင် စုစုပေါင်း (၁၀) ဦးပါဝင်ကြောင်း သိရသည်။
အဆိုပါ ရုရှားနိုင်ငံမှ စက်သုံးဆီဝယ်ယူသိုလှောင် ဖြန့် ဖြူးရေးဦးဆောင်ကော်မတီသည် နိုင်ငံတော်၏ မူဝါဒများ၊ စီးပွားရေးမူဝါဒ လုပ်ထုံးလုပ်နည်းများအတိုင်း နိုင်ငံတော်၏ လိုအပ်ချက် အပေါ်မူတည်၍ စက်သုံးဆီများ မှာယူတင် သွင်း၍ သိုလှောင်ဖြန့်ဖြူးခြင်း ဆောင် ရွက်ရန်၊ အရည်အသွေးပြည့်မီ မှန်ကန်ပြီး စျေးနှုန်း သ က်သာသည့် စက်သုံးဆီများ ဝယ်ယူတင် သွင်း၍ ပြည် တွင်းတွင် သိုလှောင်ဖြန့်ဖြူးနိုင်ရေး ဆောင်ရွက်ရန်ဟု ဩဂုတ်လ (၁) ရက်ရက်စွဲဖြင့် ထုတ်ပြန်ခဲ့သည့် အမိန့်ကြော်ငြာစာအမှတ် (၁၂၇/ ၂၀၂၂)တွင် ပါရှိသည်။
ထို့အပြင် စက်သုံးဆီဝယ်ယူခြင်း၊ တင်သွင်းခြင်း၊ သယ် ယူခြင်းတို့အတွက် သက်ဆိုင်ရာ အစိုးရဌာနများ၊ ပုဂ္ဂလိ ကအဖွဲ့အစည်းများဖြင့် ညှိနှိုင်းဆောင်ရွက်ရန်၊ လစဉ်လို အပ်သည့် နိုင်ငံခြားငွေကြေး ပမာဏအား နိုင်ငံတော်သို့ တင်ပြတောင်းခံရန်၊ စက်သုံးဆီတင် ဆောင်လာသည့် သ င်္ဘောများ အချိန်မီရောက်ရှိရေး ဆက်သွယ်ကြပ်မတ်ဆောင်ရွက်ရန်ဟုလည်း ယင်းအမိန့်က ညွှန်ကြားထား သည်။
စက်သုံးဆီတင်ဆောင်လာသည့် သင်္ဘောများ ရောက်ရှိလာချိန်တွင် အချိန်မီအရည်အသွေး (စံချိန်စံညွှန်း) အ ရေအတွက်မှန်ကန်မှုရှိ မရှိ သက်ဆိုင်ရာအ ဖွဲ့အစည်းများနှင့် စစ်ဆေးရန်နှင့် သိုလှောင်ထားသော စက်သုံးဆီများအား တပ်မတော်နှင့် ဝန်ကြီးဌာနများ အဖွဲ့အစည်းများအား ဖြန့်ဖြူးပေးနိုင်ရေး ဆောင်ရွက်ရန်လည်း အဆိုပါ ရုရှားနိုင်ငံမှ စက်သုံးဆီဝယ်ယူ သိုလှောင်ဖြန့်ဖြူးရေး ဦးဆောင်ကော်မတီ၏ လုပ်ငန်းတာဝန်များတွင် ဖော်ပြထားသည်။
ထို့အပြင် တင်သွင်းသည့်ကုမ္ပဏီများအနေဖြင့် စီးပွားကူး သန်းဝန်ကြီးဌာနမှ ဖွဲ့စည်းထားသော စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော် မတီ၏ သတ်မှတ်ချက်များအတိုင်းလိုက် နာဆောင်ရွက်ရေး ကြပ်မတ်ရန်၊ ဦးဆောင်ကော်မတီအနေဖြင့် ရုရှားနိုင် ငံမှ ထွက်ရှိသော စက်သုံးဆီနှင့် ရေနံထွက် ဓာတုဗေဒပ စ္စည်းများအပြင် အခြားလိုအပ်ချက်များကိုလည်း နစက ၏ ညွှန်ကြားချက်နှင့်အညီ အကောင်အထည်ဖော် ဆောင်ရွက်ရန်စသည့် အချက်များကို ဆောင်ရွက်သွားမည်ဖြစ်ကြောင်း သိရသည်။
ဦးဆောင်ကော်မတီတွင် တပ်မတော်မှ ဒုတိယ ဗိုလ်ချုပ်ကြီး ညိုစောက ဥက္ကဋ္ဌ၊ စွမ်းအင်ဝန်ကြီးဌာန ရေနံထွက်ပစ္စည်း ကြီးကြပ်စစ်ဆေးရေး ဦးစီးဌာနမှ ညွှန်ကြားရေး မှူးချုပ်က အတွင်းရေးမှူးနှင့် မြန်မာ့စီးပွားရေးကော် ပိုရေးရှင်း ထုတ်ကုန်များစျေးကွက်ရှာဖွေရေးနှင့် သုတေ သနဌာနမှ အထွေထွေမန်နေဂျာက တွဲဖက်အတွင်းရေးမှူးအဖြစ် တာဝန်ယူ ဆောင်ရွက် မည်ဖြစ်ကြောင်း သိရသည်။
အဖွဲ့ဝင်များအနေဖြင့် စွမ်းအင်ဝန် ကြီးဌာန ဒုတိယဝန် ကြီး၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အမြဲတမ်း အတွင်းဝန်၊ Star High Co.,Ltd မှ အမှုဆောင်အရာရှိချုပ် ဦးလှဝင်း၊ Brighter Energy မှ ဒါရိုက်တာ ဦးဆန်းနောင်၊ Best Oil Co., Ltd မှ ဥက္ကဋ္ဌ ဦးဝင်းဆွေ၊ စီးပွား ရေးနှင့် ကူးသန်းရောင်းဝယ်ရေးဝန်ကြီး ဌာနမှ ညွှန်ကြားရေးမှူး ဦးတင်ရဲဝင်းနှင့် Yetagon Energy Trading Co., Ltd မှ အမှု ဆောင်အရာရှိချုပ် ဦးမောင်မောင်နိုင်တို့က အဖွဲ့ဝင်အဖြစ် ပါဝင်မည်ဖြစ်ကြောင်း အမိန့်ကြော်ငြာစာအမှတ် (၁၂၇/၂၀၂၂) တွင် ဖော်ပြထားချက်အရ သိရသည်။
ပုံစာ – ၂၀၁၉ခုနှစ်က ဒုတိယဗိုလ်ချုပ်ကြီးညိုစော ရုရှားတပ်မတော်မှ စစ်အင်ဂျင်နီယာ ညွှန်ကြား ရေးမှူးချုပ် ဦးဆောင်သော ကိုယ်စားလှယ် အဖွဲ့အား လက်ခံတွေ့ဆုံစဉ်
