မိုးရေချိန်နှင့် ဒီရေမြင့်တက်မူကြောင့် ရန်ကုန်မြို့အတွင်းစံချိန်တင် ရေကြီးရေလျှံ နေမူများအတွက် ရေစီးကောင်းအောင် လုပ်နေရ
ရန်ကုန်မြို့တွင် ယမန်နေ့ နံနက်မှ ယနေ့နံနက်အထိ မိုးရေ ချိန် (၆.၆၉) လက်မအထိ သည်းထန်စွာရွာသွန်းခဲ့ပြီး ဒီ ရေမြင့်တက်မှု အနေဖြင့်လည်း ယနေ့နံနက်ပိုင်းတွင် (၁၉. ၈ ၈) ပေထိ မြင့်တက်ခဲ့သည့်အတွက် ရန်ကုန် မြို့တွင်း ရေ ကြီးရေလျှံမှုများအား ရေစီးရေလာကောင်းသွားစေရန် လုပ်ဆောင်နေရကြောင်း သိရသည်။
လမ်းမတော်မြို့နယ်၊ (၁) ရပ်ကွက်၊ အောင်ရတနာလမ်း တွင် လသာမြို့နယ်၊ လမ်းမတော်မြို့နယ်များ တစ်လျှော က် စီးဆင်းလာပြီး ရွာသစ်ချောင်းအတွင်းသို့ စီးဝင်သည့် ကျုံးကြီးမြောင်း ရေစီးရေလာအခြေအနေ၊ မော်တင်ယာယီဈေးရပ်ကွက်၊ ကမ်းနားလမ်းရှိ ရွာသစ်ချောင်း မြစ်ထွက်ပေါက်တွင် ရေတံခါးများပိတ်၍ တစ်နာရီလျှင် ရေဂါလံ (၁၉၀,၀၀၀) စုပ်ယူနိုင်သည့် ရေစုပ်စက်ဖြင့် ရန်ကုန်မြစ်အတွင်းသို့ ရေစုပ်ထုတ်နေမှုတို့ကို YCDC က ချိန်ညှိလုပ်ဆောင်နေသည်။
ရန်ကုန်မြို့တော်စည်ပင်သာယာရေးကော်မတီ၊ အင်ဂျင် နီယာဌာန(ရေစီးရေလာစီမံခန့်ခွဲမှု)သည် ရန်ကုန်မြို့တွင် မိုးသည်းထန်စွာရွာသွန်းချိန်နှင့် ဒီရေတက်ချိန်တိုက်ဆိုင်ပါက မြို့တွင်းရှိချောင်းများ၊ ရေနုတ်မြောင်းများမှ ရန်ကုန်မြစ်၊ ပဲခူးမြစ်၊ ငမိုးရိပ်ချောင်းများအတွင်းသို့ စီးဝင်သည့် မြစ်ထွက်ပေါက် များ၏ ရေတံခါးများပိတ်၍ တပ်ဆင်ထားသည့် ရေစုပ်စက်များဖြင့်မြို့တွင်းမှ ရေအားစုပ်ထုတ်၍ ရေကြီးရေလျှံမှုမဖြစ်အောင် စီမံဆောင်ရွက်လျက်ရှိသည်။
ယခုအခါ မုတ်သုန်လေအားအလွန်ကောင်းခြင်းနှင့် အ ရှေ့ဘက်မှဆင်းလာသည့် လေပွေလှိုင်းများကြောင့် ကမ်း ရိုးတန်းဒေသတစ်လျှောက် ရခိုင်ပြည်နယ်၊ ဧရာဝတီတိုင်းဒေသကြီး၊ ရန်ကုန်တိုင်းဒေသကြီး၊ မွန်ပြည်နယ်နှင့် ကရင်ပြည်နယ်တို့တွင် ဆက်လက်၍ မိုးထစ်ချုန်းရွာရန် ခန့်မှန်းထားသဖြင့် ရေကြီးနိုင်ခြေများလျက်ရှိသည်။
အရင်နှစ်တွေက စပြီးလုပ်နေသော မြေအောက်ရေစုကန် Downtown Drainage Project ကြောင့်ခါတိုင်း ရေလျှံလေ့ရှိသည့် မြို့တွင်းလမ်းအများစု အခြေအနေမဆိုးလောက်သော်လည်း ဝေဇယန္တာမီးပွိုင့်နားတဝိုက် ရေကျန်နေတတ်လေ့ရှိသည်။ ငါးမိုးရိပ်ချောင်းနှင့်နီးသော သုဝဏ္ဏဝန်းကျင်တွင်လည်း အိမ်တွင်း ရေဝင်မူများ ကြုံတွေ့ခဲ့ကြရသည်။
