မြန်မာနိုင်ငံမှ မသန်စွမ်းသူများ၏ဘဝစိုပြည်လှပရန် ပြန်လည်ထူထောင်ရေး၊လူ့ဂုဏ်သိက္ခာမြင့်မားရေးနှင့်သန်စွမ်းသူများနည်းတူ တန်းတူညီမျှအခွင့်အရေးများရရှိရေးကိုရှေးရှုဆောင်ရွက်ပေးလျက်ရှိ
နစက ဥက္ကဋ္ဌက သြဂုတ် ၂၀ ရက်က နေပြည် တော်၊ဝဏ္ဏသိဒ္ဓိအားကစားရုံ B ၌ပြုလုပ်ခဲ့သည့် ၁၁ ကြိမ်မြောက် အာဆီယံမသန် စွမ်းအားကစားပြိုင်ပွဲတွင် ဝင်ရောက်ယှဥ်ပြိုင်ခဲ့သည့် အောင်ပွဲရမသန်စွမ်းအားကစားသမားများအား ဂုဏ်ပြုဆုချီးမြင့်ခြင်းအခမ်းအနားတွင် ပြောကြားခဲ့ခြင်းဖြစ်သည်။
မသန်စွမ်းသူများသည်လည်း လူသားများပင်ဖြစ်၍ ၎င်းတို့၏ ကျန်းမာသန်စွမ်းရန်၊စိတ်ဓာတ်ကြံ့ခိုင်ရန် လိုအပ်လာသဖြင့် မသန်စွမ်းသူတစ်ဦးချင်းစီ၏ စိတ်ဓာတ်ခွန်အားမြင့်မားစေရန်နှင့် ဝါသနာပါရာလုပ်ငန်းဆောင်တာများအား လုပ်ကိုင်ဆောင်ရွက်စေနိုင်ရန် ဆောင်ရွက်ပေးလျက်ရှိသည်ဟု ပြောသည်။
“မသန်စွမ်းသူတွေရဲ့ ခန္ဓာကိုယ်ကျန်းမာသန်စွမ်းမှုကိုရော စိတ်ဓာတ်ကိုပါ မြင့်မားလာစေဖို့အတွက် ဝါသနာပါရာ အားကစားနည်းတွေလုပ်ဆောင်နိုင်ဖို့ကို အားပေးမြှင့်တင်ပေးလျက်ရှိပါတယ်”ဟု နစက ဥက္ကဋ္ဌကပြောသည်။
ထို့ပြင် မြန်မာနိုင်ငံ၌ ၂၀၁၄ ခုနှစ် သန်းခေါင်စာ ရင်းအရ ကွင်းဆင်းဆောင်ရွက်ခဲ့သည့် မသန်စွမ်းမှုလေးမျိုး အခြေခံစစ်တမ်းအရ နိုင်ငံလူဦးရေ၏ ၄ ဒသမ ၆ ရာခိုင်နှုန်းအနက် ၂ ဒသမ ၃ သန်းခန့်သည် မသန်စွမ်းသူများ ဖြစ်သည်ကို တွေ့ရှိခဲ့ရသည်ဟု ပြောသည်။
ထို့ကြောင့် နိုင်ငံတော်အစိုးရနှင့်အတူ နိုင်ငံတကာအဖွဲ့အစည်းများ၊အစိုးရမဟုတ်သောအဖွဲ့အစည်းများ၊စေတနာ့ဝန်ထမ်းအဖွဲ့အစည်းများ၊စေတနာ ရှင်ပြည်သူများအနေဖြင့် မြန်မာနိုင်ငံမှမသန်စွမ်းသူများ၏ဘဝ စိုပြည်လှပစေရန် ပြန်လည်ထူ ထောင်ရေး၊လူ့ဂုဏ်သိက္ခာမြင့်မားရေးနှင့်သန် စွမ်းသူများနည်းတူ တန်းတူညီမျှအခွင့်အရေးများရရှိရေးကိုဆောင်ရွက်ပေးလျက်ရှိသည်ဟု ပြောသည်။
“ဒါ့ကြောင့် မသန်စွမ်းအားကစားသမားတွေ အား ကစားလေ့ကျင့်နိုင်ဖို့အတွက် ရည်ရွယ်ပြီး မသန် စွမ်းသူများ အားကစားလေ့ကျင့်ရေးစခန်းကို တည်ဆောက်ပံ့ပိုးပေးပြီး စခန်းသွင်းလေ့ကျင့်ပေးနေပါတယ်”ဟု နစက ဥက္ကဋ္ဌကပြောသည်။
ထို့ကြောင့် အယူအဆဟောင်းများအားဖယ်ခွာ၍ လူ့အဖွဲ့အစည်း၏ တစ်စိတ်တစ်ပိုင်း အသိုက်အ ဝန်းတစ်ခုဖြစ်သည့် မသန်စွမ်းသူများနှင့်ပတ် သက်သည့် အရေးကိစ္စများအား တစ်ဦးချင်းစီနှင့်သက်ဆိုင်သည့် ကိစ္စရပ်၊မြန်မာ့လူ့အဖွဲ့အစည်း တစ်ရပ်လုံးနှင့်သက်ဆိုင်သည့် ကိစ္စတစ်ရပ်အဖြစ် လက်ခံဆောင်ရွက်ပေးကြရမည်ဟု နစက ဥက္ကဋ္ဌကပြောသည်။
ကမ္ဘာပေါ် တွင် မသန်စွမ်းဖြစ်မှု ရာခိုင်နှုန်းသည် ကမ္ဘာ့လူဦးရေ၏ ၁၅ ရာခိုင်နှုန်းခန့်အထိမြင့်တက်လာသည်ဟု WHO ကထုတ်ပြန်သည့် စာရင်းများအရသိရှိရကာ လူဦးရေသန်းပေါင်း ၁၀၀၀ ကျော်ခန့်ပမာဏရှိသည့် မသန်စွမ်းသူအရေအတွက်သည် အထူးဂရုပြုရမည့် ပမာဏဖြစ်လာသဖြင့် မသန်စွမ်းသူများ၏အရေး၊မသန်စွမ်းသူများ၏ အခွင့်အရေးများကို ပိုမိုအလေးထားရန် လိုအပ်လာသည်ဟု နစက ဥက္ကဋ္ဌကပြောသည်။
