နစက ဥက္ကဋ္ဌသည် အရှေ့ဖျားစီးပွားရေးဖိုရမ်အား တက်ရောက်ရင်း ရုရှားနိုင်ငံ အစိုးရအဖွဲ့တာဝန်ရှိသူများနှင့်လည်း တွေ့ဆုံဆွေးနွေးမည်

နစက ဥက္ကဋ္ဌသည်  အရှေ့ဖျားစီးပွားရေးဖိုရမ်အား တက်ရောက်ရင်း ရုရှားနိုင်ငံ အစိုးရအဖွဲ့တာဝန်ရှိသူများနှင့်လည်း တွေ့ဆုံဆွေးနွေးမည်

နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် ရုရှားနိုင်ငံ၊ဗလာဒီဗော့ စတော့ခ်မြို့တွင် ပြုလုပ်မည့် ၇ ကြိမ်မြောက် အ ရှေ့ဖျားစီးပွားရေးဖိုရမ်သို့တက်ရောက်ရန် ရုရှားနိုင်ငံအစိုးရ၊အရှေ့ဖျားစီးပွားရေးဖိုရမ်(EEF)၏ ဖိတ်ကြားချက်အရ စက်တင်ဘာ ၄ ရက်(ယနေ့) နံနက်ပိုင်းက နေပြည်တော်တပ်မတော်လေဆိပ်မှ MAI အထူးလေယာဥ်ဖြင့် ထွက်ခွာသွားခဲ့ခြင်းဖြစ် သည်။

နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်း၊ နစက အဖွဲ့ဝင်များ၊ ကောင်စီအတွင်းရေးမှူး၊ ပြည် ထောင်စုဝန်ကြီးများ၊ ကာကွယ်ရေးဦးစီးချုပ်ရုံး (ကြည်း)မှအရာရှိကြီးများ၊ နေပြည်တော်တိုင်း စစ်ဌာနချုပ်တိုင်းမှူး၊ မြန်မာနိုင်ငံဆိုင်ရာ ရုရှားနိုင် ငံသံရုံးမှ သံရုံးဒု-အကြီးအကဲ Mr. Pavel A.KLABUKOV၊ ရုရှားနိုင်ငံဆိုင်ရာ မြန်မာနိုင်ငံစစ်သံမှူး Colonel Sergei KURCHENKO နှင့်တာဝန်ရှိသူများက ပို့ဆောင်နှုတ်ဆက်ခဲ့ကြသည်။

ရုရှားနိုင်ငံ၊ ဗလာဒီဗော့စတော့ခ်လေ ဆိပ်သို့ ရောက်ရှိလာသည့် နစက ဥက္ကဋ္ဌအား ဗ လာဒီဗော့စတော့ခ် ဒု-ပြည်နယ်အုပ်ချုပ်ရေးမှူး Mr. Stegniy Daria ၊ ရုရှားနိုင်ငံဆိုင်ရာ မြန်မာနိုင်ငံသံအမတ်ကြီးဦးလွင်ဦးနှင့်မြန်မာစစ်သံ (ကြည်း၊ ရေ၊ လေ)ဗိုလ်မှူးချုပ်မိုးကျော်၊ နိုင်ငံခြားရေးဝန် ကြီးဌာန၊ သံတမန်ရေးရာဦးစီးဌာန ညွှန်ကြားရေး မှူးချုပ်နှင့်တာဝန်ရှိသူများက ကြိုဆိုခဲ့ကြသည်။

ခရီးစဥ်အတွင်း၌ နစက ဥက္ကဋ္ဌသည် ၇ ကြိမ်မြောက် အရှေ့ဖျားစီးပွားရေးဖိုရမ်အား တက်ရောက်သွားမည်ဖြစ်ကာ ရုရှားနိုင်ငံ အစိုးရအဖွဲ့တာဝန်ရှိသူများနှင့်လည်း တွေ့ဆုံဆွေးနွေးသွားမည်ဖြစ်သည်။

ရုရှားနိုင်ငံရှိ အထင်ကရနေရာများ၊ တ က္ကသိုလ်များနှင့်စက်ရုံ၊အလုပ်ရုံများကိုလည်း သွားရောက်လေ့လာမည်ဖြစ်ကာ လိုက်ပါလာသည့် ပြည်ထောင်စုဝန်ကြီးများ၊ ဒု-ဝန်ကြီးများနှင့်တာဝန်ရှိသူများမှလည သက်ဆိုင်ရာကဏ္ဍ များအလိုက် အလုပ်သဘောဆိုင်ရာတွေ့ဆုံဆွေး နွေးမှုများ ပြုလုပ်သွားမည်ဖြစ်သည်။

ရုရှား-မြန်မာနှစ်နိုင်ငံအစိုးရနှင့်ပြည်သူ များကြား ချစ်ကြည်ရေး၊စီးပွားရေးနှင့်ကဏ္ဍ ပေါင်းစုံ ပူးပေါင်းဆောင်ရွက်မှုများ ပိုမိုတိုးတက်ခိုင်မာစေရန်လည်း ဆွေးနွေးသွားမည်ဖြစ် ကြောင်း သိရသည်။

နစက ဥက္ကဋ္ဌနှင့်အတူ ကောင်စီဝင် ဦးမောင်းဟာ၊ ဦးစောဒန်နီယယ်၊ကောင်စီတွဲဖက်အတွင်းရေးမှူး ဒု-ဗိုလ်ချုပ်ကြီးရဲဝင်းဦးနှင့်ပြည်ထောင်စုအဆင့် တာဝန်ရှိပုဂ္ဂိုလ်များ၊ကာကွယ်ရေးဦးစီးချုပ်ရုံး (ကြည်း)မှအရာရှိကြီးများ၊နိုင်ငံခြားရေးဝန်ကြီး ဌာနနှင့်ပြန်ကြားရေးဝန်ကြီးဌာနတို့မှ ဒု-ဝန်ကြီးများ၊ စစ်ဘက်၊နယ်ဘက်မှ တာဝန်ရှိ သူများ လိုက်ပါသွားခဲ့သည်။