ဗန္ဓုလခရီးသည်ပို့ဆောင်ရေးကုမ္ပဏီပိုင် YBS ယာဥ်လိုင်း ၉ လိုင်းမှ အောက်တိုဘာ ၁ ရက်မှစ တင်၍ ယာဥ်စီးခများပြောင်းလဲကောက်ခံမည်

ဗန္ဓုလခရီးသည်ပို့ဆောင်ရေးကုမ္ပဏီပိုင် YBS ယာဥ်လိုင်း ၉ လိုင်းမှ အောက်တိုဘာ ၁ ရက်မှစ တင်၍ ယာဥ်စီးခများပြောင်းလဲကောက်ခံမည်

ဗန္ဓုလခရီးသည်ပို့ဆောင်ရေးကုမ္ပဏီပိုင် YBS ခရီးသည်တင်ယာဥ်လိုင်း ၉ လိုင်းမှ အောက်တို ဘာ ၁ ရက်မှစတင်၍ ယာဥ်စီးခနှုန်းထားများအား ပြောင်းလဲကောက်ခံသွားမည်ဖြစ်ကြောင်း သိရသည်။

ယာဥ်စီးခပြောင်းလဲကောက်ခံမည့် ယာဥ်လိုင်းများမှာ YBS 12 , YBS 13 , YBS 14 , YBS 25 , YBS 30 , YBS 38 , YBS 55 , YBS 117 , YBS 128 တို့ဖြစ်ကြောင်း သိရသည်။

ထိုသို့ ပြောင်းလဲကောက်ခံရာ၌ YBS 12 ယာဥ်လိုင်းသည် ယာဥ်စီးနင်းခဖြင့်စီးနင်းသူများသည် ဒဂုံမြို့သစ်(မြောက်ပိုင်း)မြို့နယ် ၅၀ ကွေ့မှ တောင်ဥက္ကလာပမြို့နယ် စာတိုက်မှတ်တိုင်အထိ ၂၀၀ ကျပ်နှင့်ခရီးစဥ်စ/ဆုံး ၃၀၀ ကျပ်ကျသင့်မည်ဖြစ်ကာ YPS ကတ်ဖြင့်ပေးချေပါက ခရီးစဥ်မှတ်တိုင် ၂၂ ခုအထိ ၂၀၀ ကျပ်နှင့် ခရီးစဥ် စ/ဆုံးအား ၂၈၀ ကျပ်ကျသင့်မည်ဖြစ်ကြောင်း သိရသည်။

YBS 13 ယာဉ်လိုင်းမှာ ယာဥ်စီးနင်းခထည့်သွင်းသူများသည် ပုံသေ ၂၀၀ ကျပ်ဖြစ်ပြီး YPS ကတ်များသည် မှတ်တိုင် ၁၇ ခုအထိ ၁၄၀ ကျပ်နှင့် မှတ်တိုင် ၁၇ ခုထက်ကျော်လွန်ပါက ၁၈၀ ကျပ်၊ YBS 14 သည် ပါရမီမှ ရန်ကင်း ကြားမှတ်တိုင်အထိ ၂၀၀ ကျပ်၊ ခရီးစဥ် စ/ဆုံး ၃၀၀ ကျပ်၊ YPS ကတ်ဖြင့် မှတ်တိုင်(၂၄)ခုအထိ ၂၀ဝ ကျပ်၊ခရီး စဉ်စ/ဆုံး ၂၈ဝ ကျပ်ကျသင့်မည်ဖြစ်သည်။

YBS 25 ယာဉ်လိုင်းမှာ ဒဂုံတက္ကသိုလ်မှကားကြီးဂိတ်(ငမိုးရိပ်)အထိ ၂၀ဝ ကျပ်၊ခရီးစဥ်စ/ဆုံး ၃၀၀ ကျပ် YPS ကတ်ဖြင့် မှတ်တိုင် ၂၅ ခုအထိ ၂၀၀ ကျပ်၊ခရီးစဥ်စ/ဆုံး ၂၈၀ ကျပ်၊ YBS 30 သည် ဒဂုံတက္ကသိုလ်မှစာတိုက်(ကမ္ဘာအေး)အထိ ၂၀ဝ ကျပ်၊ခရီးစဉ်စ/ဆုံး ၃၀ဝ ကျပ်၊ YPS ကတ်ဖြင့် မှတ်တိုင် ၃၀ ခုအထိ ၂၀၀ ကျပ်၊ခရီးစဥ်စ/ဆုံး ၂၈၀ ကျပ်တို့ဖြစ်သည်။

ထို့အတူ YBS 38 သည် ပါရမီမှ ၁၂လုံးတန်း(ရန် ကင်း)အထိ ၂၀ဝ ကျပ်၊ခရီးစဉ်စ/ဆုံး ၃၀ဝ ကျပ်၊YPS ကတ်ဖြင့် မှတ်တိုင် ၁၆ ခုအထိ ၂၀၀ ကျပ်၊ခရီးစဥ်စ/ဆုံး ၂၈၀ ကျပ်၊ YBS 55 သည့် ပုံသေ  ၂၀ဝ ကျပ်၊ YPS ကတ်ဖြင့် မှတ်တိုင် ၂၄ ခုအထိ ၁၄၀ ကျပ်၊ ၂၄ ခုကျော်ပါက ၁၈၀ ကျပ်ဖြစ်သည်။

ထို့ပြင် YBS 117 သည် ဒဂုံတက္ကသိုလ်မှစာတိုက် (ကမ္ဘာအေး)အထိ ၂၀ဝ ကျပ်၊ခရီးစဥ်စ/ဆုံး ၃၀၀ ကျပ်၊ YPS ကတ်ဖြင့် မှတ်တိုင် ၂၇ ခုအထိ ၂၀၀ ကျပ်၊ခရီးစဉ်စ/ဆုံး ၂၈၀ ကျပ်၊ YBS 128 သည် ဒဂုံတက္ကသိုလ်မှတောင်ဥက္ကလာပဘုရားအထိ ၂၀ဝ ကျပ်၊ခရီးစဥ်စ/ဆုံး ၃၀၀ ကျပ်၊ YPS ကတ်ဖြင့် မှတ်တိုင် ၂၇ ခုအထိ ၂၀၀ ကျပ်၊ ခရီးစဥ်စ/ဆုံး ၂၈၀ ကျပ်တို့သို့ အသီးသီးပြောင်းလဲကောက်ခံသွားမည်ဖြစ်ကြောင်း သိရသည်။

“ကားခတွေပြောင်းသွားလည်း မိသားစုစားဝတ် နေရေးကအရေးကြီးတော့ သွားရမှာပဲလေ”ဟု ဒဂုံမြို့သစ်(တောင်ပိုင်း)မြို့နယ်နေ ကိုဝေဖြိုးကပြောသည်။