တနင်္သာရီမြို့နယ်တွင် ကျေးရွာအုပ်ချုပ်ရေးမှူးတစ်ဦး သေနတ်ဖြင့်ပစ်သတ်ခံရ
တနင်္သာရီတိုင်း၊တနင်္သာရီမြို့နယ်၊ဇဝဲကျေးရွာ၏ ကျေးရွာအုပ်ချုပ်ရေးမှူးဦးခင်မောင်ထူး(၅၄)နှစ်ခန့်သည် စက်တင်ဘာ ၂၈ ရက်နံနက်ပိုင်းက သေနတ်ဖြင့်ပစ်သတ်ခံခဲ့ရကြောင်း သိရသည်။
ယင်းနေ့နံနက် ၁၀ နာရီကျော်ခန့်က အမည်မသိအမျိုးသားများက ကျေးရွာအုပ်ချုပ်ရေးမှူးဦးခင်မောင်ထူးအား သေနတ်ဖြင့်ပစ်ခတ်ခဲ့ကြခြင်းဖြစ်ကြောင်း သိရသည်။
ထိုသို့ ပစ်ခတ်ခံရမှုကြောင့် ကျေးရွာအုပ်ချုပ်ရေးမှူးဦးခင်မောင်ထူးတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။
“အုပ်ချုပ်ရေးမှူးက ရဲတပ်ကြပ်အဆင့်နဲ့ပစ်စင်ယူထားတာပါ အုပ်ချုပ်ရေးမှူးဖြစ်လာတာတော့ မကြာသေးဘူး”ဟုဒေသခံတစ်ဦးကပြောသည်။
ဖြစ်စဥ်မှ ပြစ်မှုကျူးလွန်သူများအား ဖမ်းဆီးရမိရေးအတွက် လုံခြုံရေးအဖွဲ့ဝင်များက ဇဝဲကျေးရွာအတွင်းနှင့်လမ်းမများပေါ်၌ ပိတ်ဆို့ရှာဖွေစစ်ဆေးမှုများပြုလုပ်ခဲ့ကြကြောင်း သိရသည်။