ရန်ကုန်တိုင်း၊ ကမာရွတ်မြို့နယ်တွင် ယနေ့နံနက်ပိုင်းက အရက်အမူးလွန်ပြီး ပြုတ်ကျနေသူအား ကူညီပေးခဲ့ရကြောင်း မြန်မာနိုင်ငံ မီးသတ်တပ်ဖွဲ့ထံမှ သိရသည်။
ယနေ့ အောက်တိုဘာ ၁ ရက်၊ နံနက် ၇ နာရီအချိန်ခန့်တွင် ကမာရွတ်မြို့နယ်၊ (၃)ရပ်ကွက်၊ ဗဟိုလမ်းနှင့်ပတ္တမြားလမ်းကြား (နောက်ကျော)ရှိ အနက်(၃)ပေခန့် ရှိသော ရေမြောင်းအတွင်း အရက်အမူးလွန်ပြီး လူတစ်ဦးကျ၍ အော်ဟစ်နေကြောင်းသတင်းရရှိသည့်အတွက် ကမာရွတ်မြို့နယ်မီးသတ်စခန်းမှ မီးသတ်ယာဉ် (၁)စီး၊ စမ်းချောင်းမြို့နယ်မှ ရှာဖွေကယ်ဆယ်ရေးယာဉ် (၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ကြက်ခြေနီတပ်ဖွဲ့ဝင်များ၊ “မန်း” ပရဟိတတို့နှင့်ပူးပေါင်း၍ ကူညီကယ်ထုတ်ပေးခဲ့ရသည်။
ထိုသူအား ရေချိုးသန့်စင်ပေးခြင်း၊ အဝတ်စားခြောက်များလဲလှယ်ခြင်းတို့ ကူညီဆောင်ရွက်ပေးခဲ့ပြီး မိသားစုထံ ပြန်လည်အပ်နှံပေးခဲ့သည်ဟုလည်း သိရသည်။