မန္တလေးတိုင်း၊သပိတ်ကျင်းမြို့နယ်၊ဆယ်ဇင်းကုန်းကျေးရွာအုပ်စု၊မင်းကုန်းကျေးရွာရှိ တောင် ယာတဲတွင် ကလေးငယ်တစ်ဦးအပါအဝင် အရပ် သား ၃ ဦးအား လက်နက်ကိုင်အဖွဲ့ဝင်များမှ စက် တင်ဘာ ၃၀ ရက်နေ့လည်ပိုင်းက သေနတ်ဓားများဖြင့်ဖြင့်ပစ်သတ်ထိုးခုတ်ခဲ့ကြသည်ဟု နစက ကထုတ်ပြန်ခဲ့သည်။
ယင်းနေ့နေ့လည် ၁ နာရီခန့်က မင်းကုန်းကျေးရွာ ၏ အရှေ့ဘက်(၅)မိုင်ခန့်အကွာရှိ တောင်ယာတဲသို့ လက်နက်ကိုင်အဖွဲ့ဝင်များရောက်ရှိလာကာ “ဒလန်”ဟုစွတ်စွဲ၍ တဲအတွင်းရှိနေသူများအား သေနတ်၊ဓားများဖြင့် ပစ်ခတ်ထိုးခုတ်ခဲ့ကြသည်။
ထို့ကြောင့် တောင်ယာတဲအတွင်းရှိ ဦးရင်မောင်နှင့်ဇနီးဖြစ်သူ ဒေါ်အေးအေးသင်းတို့မှာ ထိခိုက်ဒဏ်ရာများရရှိ၍ အခင်းဖြစ်နေရာ၌ သေဆုံးသွားခဲ့ပြီး မောင်ဆန်းသစ်အောင်(၅)နှစ်၏ လက်ဖျံနှင့် လက်မောင်းတို့တွင် ကျည်ဖောက်ဝင်ဒဏ်ရာများ(စိုးရိမ်ရ)ရရှိခဲ့ကြောင်း သိရသည်။
ကလေးငယ်အား လုံခြုံရေးအဖွဲ့ဝင်များက နယ်မြေခံပြည်သူ့ဆေးရုံသို့ ပို့ဆောင်၍ ဆေးကုသမှုများ ပြုလုပ်ပေးခဲ့ကြကြောင်း သိရသည်။
လုံခြုံရေးအဖွဲ့ဝင်များက ပြစ်မှုကျူးလွန်သူများအား ဖမ်းဆီးရမိရေးနှင့်ဥပဒေအရထိရောက်စွာအရေးယူနိုင်ရန် ဆောင်ရွက်လျက်ရှိသည်။
