ဂျပန်နိုင်ငံမှ နိုင်ငံအတွင်းသို့ ဝင်ရောက်လာမည့်သူများအား ပြည်ဝင်ခွင့်သတ်မှတ်ချက်များနှင့်ပတ်သက်၍ အောက်တိုဘာ ၁၁ ရက်မှစတင်ကာ ပြည်ဝင်ခွင့်ဖြေလျှော့မည့် အစီအစဉ်သစ်(New Border Measures 34)ဖြင့် ဖြေလျော့ပေးသွားမည်ဟု ဂျပန်နိုင်ငံ၊နိုင်ငံခြားရေးဝန်ကြီးဌာန၏ ဆက်သွယ်အကြောင်းကြားမှုကို ဂျပန်နိုင်ငံဆိုင် ရာ မြန်မာသံရုံးမှအသိပေးထုတ်ပြန်ခဲ့ခြင်းဖြစ် သည်။
ပြည်ဝင်ခွင့်ဖြေလျှော့မည့် အစီအစဉ်သစ်(New Border Measures 34)အရ ဂျပန်နိုင်ငံသို့ နိုင်ငံ ခြားသားများ အသစ်ဝင်ရောက်မှုနှင့်ပတ်သက်၍ ဂျပန်နိုင်ငံဘက်မှလက်ခံသည့် အဖွဲ့အစည်း/ကုမ္ပ ဏီမှတစ်ဆင့် တာဝန်ခံလျှောက်ထားပေးရသည့် The Entrants, Returnees Follow-up System (ERFS)အား ဖျက်သိမ်းခဲ့သည်။
ဂျပန်နိုင်ငံသို့ ကာလတိုလာရောက်လည်ပတ်မည့် ကမ္ဘာလှည့်ခရီးသွားများအတွက် အုပ်စုလိုက်ခ ရီးသွားအစီအစဉ်(Package tours)ဖြင့်သာ ဝင်ရောက်ရန် သတ်မှတ်ထားမှုကိုလည်း ရုတ်သိမ်းခဲ့သည်။
ဗီဇာကင်းလွတ်ခွင့်ပြုထားမှုများကို ပြန်လည်စ တင်သွားမည်ဖြစ်ကာ ဂျပန်နိုင်ငံသို့ ဆိုက်ရောက်ချိန်တွင် ကိုဗစ်(၁၉)ရောဂါပိုး ရှိ/မရှိ စစ်ဆေးရသည့် On-arrival test အားဖျက်သိမ်းခဲ့သည်။
WHO အသိအမှတ်ပြု ကိုဗစ်(၁၉)ရောဂါကာ ကွယ်ဆေး (၃)ကြိမ်ထိုးပြီးကြောင်း သက်သေခံလက်မှတ်(သို့)ဂျပန်နိုင်ငံသို့ မဆိုက်ရောက်မီ(၇၂)နာရီအတွင်း စစ်ဆေးထားသည့် Pre-departure COVID-19 test လက်မှတ်ပြသရန်သာလိုအပ်ကြောင်း အသိပေးထုတ်ပြန်ခဲ့သည်။
ဂျပန်နိုင်ငံသို့ တစ်ရက်လျှင် အများဆုံးလူ ၅၀၀၀၀ သာဝင်ရောက်ခွင့်ပြုထားသည့် ကန့် သတ်ချက်အား ပယ်ဖျက်သွားမည်ဖြစ်ပြီး အ ပြည်ပြည်ဆိုင်ရာလေကြောင်းခရီးစဉ်နှင့်ရေ ကြောင်းခရီးစဉ်များကို အပြည့်အဝ ပြန်လည်စ တင်သွားမည်ဖြစ်သည်။
ကိုဗစ်(၁၉)ရောဂါကာကွယ်ဆေးအား WHO မှ အသိအမှတ်ပြုထားသည့် ကာကွယ်ဆေးကို ဂျ ပန်နိုင်ငံမှ အသိအမှတ်ပြုလက်ခံသွားမည်ဖြစ်ကာ ဂျပန်ကျန်းမာရေး၊အလုပ်သမားနှင့်လူမှုဖူလုံ ရေးဝန်ကြီးဌာနတို့မှ အသိအမှတ်ပြု ကာကွယ် ဆေးနှင့်ပတ်သက်၍ ဆက်လက်ထုတ်ပြန်သွားမည်ဖြစ်သည်။
Photo – reuters
