အိန္ဒိယနိုင်ငံသည် ဂြိုဟ်တု ၃၆ လုံးကို LVM3 ဒုံးပျံကြီးဖြင့် သယ်ဆောင်ကာ ကမ္ဘာပတ်လမ်းကြောင်းအတွင်းသို့ အောင်မြင်စွာလွှတ်တင်လိုက်ပြီဖြစ်ကြောင်း အိန္ဒိယ အာကာသ သုတေသနအဖွဲ့ကြီးက သတင်းထုတ်ပြန်သည်။
LVM3 ဒုံးပျံကြီးသည် အိန္ဒိယနိုင်ငံ၏ အကြီးမားဆုံးနှင့် အင်အားအကောင်းဆုံး ဝန်တင်ဒုံးပျံကြီးဖြစ်ပြီး ယင်းကို အိန္ဒိယနိုင်ငံတာင်ပိုင်း အန်ဒရာပရာဒက်ရှ်ပြည်နယ်ရှိ Satish Dhawan အာကာသဗဟိုဌာနမှ တနင်္ဂနွေနေ့ ဒေသစံတော်ချိန် နံနက် ၁၂ နာရီ ၇ မိနစ်က ပစ်လွှတ်ခဲ့ခြင်းဖြစ်သည်။
“LVM3 ရဲ့ M2/OneWeb India-1 မစ်ရှင်ဟာ အောင်မြင်စွာပြီးစီးခဲ့ပါတယ်။ သယ်ဆောင်သွားတဲ့ ဂြိုဟ်တု ၃၆ လုံးစလုံးကို သတ်မှတ်ပတ်လမ်းတွေအတွင်း အောင်မြင်စွာပို့လွှတ်ပေးခဲ့ပြီးပါပြီ”ဟု အိန္ဒိယ အာကာသ သုတေသနအဖွဲ့ကြီး၏ သတင်းထုတ်ပြန်ချက်တွင် ဖော်ပြထားသည်။
