ရုရှားဖက်ဒရေးရှင်းနိုင်ငံတွင် ရောက်ရှိနေသည့် လျှပ်စစ်စွမ်းအားဝန်ကြီးဌာန၊ပြည်ထောင်စုဝန် ကြီးဦးသောင်းဟန်နှင့်ရုရှားနိုင်ငံရှိ Rosatom ကုမ္ပဏီတို့ ပူးပေါင်းဆောင်ရွက်နိုင်ရေး နားလည် မှုစာချွန်လွှာ(Memorandum of Understanding – MOU)အား နိုဝင်ဘာ ၂၂ ရက်က လက်မှတ်ရေး ထိုးခဲ့ကြခြင်းဖြစ်သည်။
ထိုသို့ လက်မှတ်ရေးထိုးခဲ့သဖြင့် နျူကလီးယားစွမ်းအင်အား ငြိမ်းချမ်းသောရည်ရွယ်ချက်ဖြင့် အသုံးပြု၍ လျှပ်စစ်ဓာတ်အားပေးစက်ရုံတည် ဆောက်ရန် စူစမ်းလေ့လာတိုင်းတာမှုဆိုင်ရာ ကိစ္စများကိုဆောင်ရွက်သွားကြမည်ဖြစ်သည်။
ထို့ပြင် ပြည်ထောင်စုဝန်ကြီးဦးသောင်းဟန်သည် Sirius Park of Science and Art ရှိ Atom ခန်းမတွင်ပြုလုပ်သည့် မျက်နှာစုံညီအစည်းအဝေး (Plenary Session)တွင် “Nuclear Spring: creating sustainable future” ခေါင်းစဉ်ဖြင့်ဆွေး နွေးမှုအား တက်ရောက်ခဲ့သည်။
မြန်မာနိုင်ငံ၌ ရင်းနှီးမြုပ်နှံရန် ရေနံနှင့်သဘာဝ ဓာတ်ငွေ့ကဏ္ဍတွင် ကမ်းလွန်လုပ်ကွက်များရှိသည့်အပြင် ရေအားအရင်းအမြစ်များ၊ဆိုလာနှင့် Wind Power ထုတ်လုပ်နိုင်သည့် နေရာများစွာရှိ၍ စိတ်ပါဝင်စားသူများအနေဖြင့် လာရောက်ရင်းနှီးမြှုပ်နှံရန် ပြည်ထောင်စုဝန်ကြီးက ဆွေး နွေးဖိတ်ကြားခဲ့သည်။
မြန်မာနိုင်ငံအတွင်း ဓာတ်အားထုတ်လုပ်မှုအပိုင်းတွင်လည်း ရုရှားနိုင်ငံရှိ Rosatom နှင့်ပူးပေါင်း၍ Small Moduler Reactor(SMR)အပြင် အသေးစားရေအားနှင့် Wind Power များကိုလည်း ပူး ပေါင်းဆောင်ရွက်မည်ဖြစ်ကာ နိုင်ငံတော်ဖွံ့ဖြိုးတိုးတက်ရေးဆောင်ရွက်ရာတွင် လျှပ်စစ်ဓာတ်အားသည် များစွာလိုအပ်ပြီး လာမည့် ၂၀၃၀ ပြည့်နှစ်တွင် တစ်နိုင်ငံလုံးလျှပ်စစ်ဓာတ်အား အ ပြည့်အဝရရှိနိုင်ရေးကို အထူးကြိုးပမ်းဆောင် ရွက်လျက်ရှိသည်ဟု ဆွေးနွေးပြောကြားခဲ့သည်။
ထို့ပြင် ပြည်ထောင်စုဝန်ကြီးဦးသောင်းဟန်အား နိုင်ငံတကာ အဏုမြူစွမ်းအင်အေဂျင်စီမှ ဒု-ညွှန် ကြားရေးမှူးချုပ် Mikhail Chudakov ကအလွတ် သဘောလာရောက်တွေ့ဆုံဆွေးနွေးခဲ့သည်။
သိပ္ပံနှင့်နည်းပညာဝန်ကြီးဌာန၊ ပြည်ထောင်စုဝန် ကြီးဒေါက်တာမျိုးသိန်းကျော်သည်လည်း မျက် နှာစုံညီအစည်းအဝေးသို့တက်ရောက်၍ လက်ရှိမျက်မှောက် ကမ္ဘာ့စွမ်းအင်လိုအပ်ချက်ဖြည့် ဆည်းနိုင်ရေးနှင့်ပတ်သက်၍ ဆွေးနွေးခဲ့ကြသည်။
ထို့အတူ ပြည်ထောင်စုဝန်ကြီးဒေါက်တာမျိုးသိန်းကျော်အား ရုရှားအကယ်ဒမီသိပ္ပံမှ ဒု-ဥက္ကဋ္ဌက (၁၂)ကြိမ်မြောက် နျူကလီးယားနည်းပညာအ ခြေခံသည့် ဆန်းသစ်တီထွင်မှုဖိုရမ်(၂၀၂၂) တွင် လာရောက်တွေ့ဆုံ၍ မြန်မာနိုင်ငံလူ့စွမ်းအားအ ရင်းအမြစ် ဖွံ့ဖြိုးတိုးတက်မှုအတွက် ပူးပေါင်းဆောင်ရွက်နိုင်ရေးနှင့်နိုင်ငံတကာအဆင့်မီ ကျွမ်း ကျင်မှုပြည့်ဝသည့် ပညာရှင်များပြုစုပျိုးထောင်နိုင်ရေးတို့အတွက် ပူးပေါင်းဆောင်ရွက်မည့် အ ခြေအနေများအား လျင်မြန်စွာ လက်တွေ့ကျကျ အကောင်အထည်ဖော်နိုင်ရန် ဆွေးနွေးခဲ့သည်။
