မန္တလေးတိုင်း၊ပြင်ဦးလွင်မြို့ရှိ ပွဲကောက်ရေတံ ခွန်အပန်းဖြေစခန်း(B.E FALLS)တွင် အရှည် ၅၅၄ မီတာရှိ Sky Cable တည်ဆောက်လျက်ရှိကြောင်း သိရသည်။
ထိုသို့ တည်ဆောက်နေမှုနှင့်ပွဲကောက်ရေတံခွန် အပန်းဖြေစခန်း(B.E FALLS)အတွင်းအား နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင် လှိုင်က ဒီဇင်ဘာ ၁ ရက်နံနက်ပိုင်းတွင် ကြည့်ရှုစစ်ဆေးခဲ့သည်။
အပန်းဖြေစခန်းအတွင်း ပြည်သူများစိတ်ချမ်းမြေ့စွာအပန်းဖြေအနားယူနိုင်ရေးအတွက် အမြဲသန့် ရှင်းသာယာလှပအောင်ဆောင်ရွက်ရန်နှင့်တောတွင်းလျှောက်လမ်းများတွင် ရေညှိများကပ်ငြိမှု မရှိစေရေး စနစ်တကျဆောင်ရွက်ရန် နစက ဥက္ကဋ္ဌကမှာကြားခဲ့သည်။
နစက ဥက္ကဋ္ဌအား ပွဲကောက်ရေတံခွန်အတွင်း လုပ် ငန်းဆောင်ရွက်နေမှု၊အများပြည်သူများလာရောက်အပန်းဖြေမှု၊တောတွင်းလျှောက်လမ်းများတိုးချဲ့ရန်ဆောင်ရွက်နေမှုနှင့် Sky Cable တည် ဆောက်နေမှုတို့အား မြန်မာစီးပွားရေးကော်ပိုရေး ရှင်းဥက္ကဋ္ဌ ဒု-ဗိုလ်ချုပ်ကြီးညိုစောက ရှင်းလင်းတင်ပြခဲ့သည်။
ထို့နောက် နစက ဥက္ကဋ္ဌသည် အရှည် ၅၅၄ မီတာရှိ Sky Cable တည်ဆောက်နေမှု၊ဆင်းသက်မည့်နေ ရာတည်ဆောက်နေမှုနှင့်ရေတံခွန်သို့ လာရောက်လည်ပတ်အပန်းဖြေသူများ သဘာဝတောတွင်း အလှအပများကို လှည့်လည်ကြည့်ရှုနိုင်ရန်ဖောက်လုပ်ထားသည့် တောတွင်းလျှောက်လမ်းတို့အား ကြည်ရှုစစ်ဆေးခဲ့သည်။
ပွဲကောက်ရေတံခွန်သည် ယခင်က စနစ်ကျသည့် အကွက်ချမှုမရှိခြင်း၊ဈေးဆိုင်ခန်းများ များပြားလာခြင်း၊စည်းကမ်းမဲ့အမှိုက်စွန့်ပစ်ခြင်း၊သစ်ပင်များခုတ်လှဲခြင်းများကြောင့် သဘာဝပတ်ဝန်းကျင်နှင့်ဂေဟစနစ်ပျက်စီးယိုယွင်းမှုများဖြစ်ပေါ်ခဲ့သည်။
ထို့ကြောင့် နစက ဥက္ကဋ္ဌ၏ လမ်းညွှန်ချက်များအရ အဆင့်မြှင့်တင်ပြုပြင်ထိန်းသိမ်းဆောင်ရွက်ခဲ့၍ ရေတံခွန်အတွင်းရေသန့်စင်စေရေးသဘာဝ ရေသန့်စင်စနစ်ကို အသုံးပြုထားသဖြင့် ရေက စားလိုသူများ သန့်ရှင်းပြီးကျန်းမာရေးနှင့်ညီ ညွတ်စွာရေကစားမှုနိုင်ကြောင်း သိရသည်။
အပန်းဖြေစခန်းအတွင်း၌ ရေတံခွန် ၃ ခုရှိပြီး မှန်တံတားအောက်ခြေရှုခင်းများအား ကြည့်ရှုနိုင်မည့် မြန်မာနိုင်ငံ၏ ပထမဆုံး LED မှန်တံတားကိုလည်း ကမ္ဘာ့အဆင့်မီထည့်သွင်းဆောက်လုပ်ထားပြီး ပန်းမျိုးစုံစိုက်ပျိုးထားကာ နှစ်စဉ်ပန်းပွဲတော်များ ကျင်းပသွားမည်ဖြစ်သည်။
ထို့ပြင် လာရောက်လည်ပတ်သူများစိတ်အပန်း ပြေစေရန်ရည်ရွယ်၍ မှန်တံတား၊ကြိုးတံတားများအပြင် log house၊ coffee shop၊ တောတွင်း လျှောက်လမ်းများ၊အပန်းဖြေနေရာများ၊ ကလေးကစားကွင်းများကိုလည်း ပြည့်စုံအောင်ထည့် သွင်း၍အဆင့်မြှင့်တင်ထားကာ Sky Cable ကိုလည်း မကြာမီအချိန်အတွင်းဖွင့်လှစ်နိုင်ရန် တည်ဆောက်လျက်ရှိသည်။
