မသန်စွမ်းသူများ၏ အခွင့်အရေးများဆိုင်ရာ အ မျိုးသားကော်မတီ ဥက္ကဋ္ဌ၊ နစက ဒု-ဥက္ကဋ္ဌ၊ ဒု-ဗိုလ် ချုပ်မှူးကြီးစိုးဝင်းက ဒီဇင်ဘာ ၃ ရက်နံနက်ပိုင်းတွင် နေပြည်တော်၌ကျင်းပသည့် ၂၀၂၂ ခုနှစ် အ ပြည်ပြည်ဆိုင်ရာမသန်စွမ်းသူများနေ့ အထိမ်းအ မှတ်အခမ်းအနားတွင် မှာကြားခဲ့ခြင်းဖြစ်သည်။
နိုင်ငံတော်မှ မသန်စွမ်းသူများ၏ အခွင့်အရေးများဆိုင်ရာ အရင်းမပျောက်မတည်ရန်ပုံငွေ ကျပ် ၃ ဘီလီယံအား ထုတ်ပေးထားသည်ဟု နစက ဒု-ဥက္ကဋ္ဌကဆိုသည်။
ယင်း မတည်ငွေအား မသန်စွမ်းသူများ၊မသန်စွမ်းအဖွဲ့အစည်းများကို ထိရောက်စွာပံ့ပိုးပြီး တိုးပွား လာသည့် ရန်ပုံငွေဖြင့် မသန်စွမ်းသူများ၏ ပညာ ရေး၊ကျန်းမာရေး၊လူမှုရေးနှင့်မသန်စွမ်းသူများအတွက် အကျိုးပြုလုပ်ငန်းများတွင် အကျိုးရှိအောင် အသုံးပြုရမည်ဟု မှာကြားခဲ့သည်။
ထို့ပြင် မသန်စွမ်းသူများ၏ဘဝအခြေအနေမြင့်မားတိုးတက်စေရေးနှင့်နောက်ကျမကျန်ရစ်စေရေးအတွက် တီထွင်ဆန်းသစ်မှု၊နည်းပညာနှင့်ပြု ပြင်ပြောင်းလဲနိုင်သည့် နည်းလမ်းများကို ရှာဖွေဖော်ထုတ်ပြီး လက်လှမ်းမီရယူအသုံးပြုနိုင်မည့် ညီမျှသည့် လူ့အသိုင်းအဝိုင်းဖြစ်ပေါ်လာစေရန် ဆောင်ရွက်ပေးရမည်ဟု မှာကြားသည်။
နစက မှ မသန်စွမ်းသူများ၏ အခွင့်အရေးများဆိုင်ရာအမျိုးသားကော်မတီက မသန်စွမ်းသူများအတွက် ပညာရေး၊ကျန်းမာရေး၊အသက်မွေးဝမ်း ကျောင်းနှင့်အခြားလုပ်ငန်းစဉ်များမှတဆင့် လေ့ ကျင့်ပျိုးထောင်ပေးမှုများနှင့်စွမ်းဆောင်ရည်ပြည့်ဝစေပြီး မသန်စွမ်းသူများအား ပတ်ဝန်းကျင်နှင့်လူ့အဖွဲ့အစည်းတွင် ပါဝင်ခွင့်ရရှိရန်အလေး ထားဆောင်ရွက်လျက်ရှိသည်ဟု ပြောသည်။
ထို့ကြောင့် မသန်စွမ်းသူများ၏ အခွင့်အရေးဥပ ဒေနှင့်အညီ မသန်စွမ်းသူများကို နိုင်ငံရေး၊စီးပွား ရေး၊လူမှုရေး၊ပညာရေး၊ကျန်းမာရေး၊ယဉ်ကျေး မှုပြည်သူ့ရေးရာနှင့်အခြားနယ်ပယ်အသီးသီးမှ လူမှုအဖွဲ့အစည်းများတွင် ဘေးဖယ်ချန်လှပ်ထား ခြင်းမျိုးမဖြစ်စေဘဲ ပါဝင်လှုပ်ရှားဆောင်ရွက်နိုင်ရန် ကြိုးစားပေးရမည်ဟု မှာကြားသည်။
မသန်စွမ်းသူများအနေဖြင့်လည်း စိတ်ဆင်းရဲအား ငယ်မှုများမဖြစ်ဘဲ ဘဝကို ကြံ့ကြံ့ခံရင်ဆိုင်၍ စိတ်ရောကိုယ်ပါ ကျန်းမာသန်စွမ်းအောင် လေ့ ကျင့်နေထိုင်ပြီး နိုင်ငံတော်တည်ဆောက်ရေးတွင် အုတ်တစ်ချပ်သဲတစ်ပွင့်အဖြစ် ကျရာတာဝန်ကို ကျေပွန်စွာထမ်းဆောင်နိုင်ရန် ကြိုးစားလုပ် ဆောင်ပေးစေလိုသည်ဟု တိုက်တွန်းမှာကြားခဲ့သည်။
ASEAN Enabling Master Plan(2025)အရ လုပ် ငန်းများအကောင်အထည်ဖော်ရာတွင် မသန်စွမ်းသူများ လူမှုအဖွဲ့အစည်းအတွင်းပါဝင်နိုင်စေရန် အတားအဆီးကင်းသည့် ပတ်ဝန်းကျင်(Barrier Free Environment)၊အလွယ်တကူလက်လှမ်းမီရယူအသုံးပြုနိုင်မှု(Accessibility)တို့အား ထည့် သွင်းစဉ်းစားပြီး သုတေသနလုပ်ငန်းများကိုလည်း ဆောင်ရွက်သွားရမည်ဟုဆိုသည်။
ထို့ပြင် မြန်မာနိုင်ငံ၌ ပထမဆုံးအနေဖြင့် မသန် စွမ်းမှုအဆင့်သတ်မှတ်ခြင်းနှင့်မသန်စွမ်းသူများ မှတ်ပုံတင်ခြင်း ကနဦးစီမံကိန်းအား နေပြည်တော်ရှိ ပုဗ္ဗသီရိမြို့နယ်၊ ရန်ကုန်တိုင်းရှိ လှိုင်သာယာမြို့ နယ်၊ ကရင်ပြည်နယ်ရှိ ဘားအံမြို့နယ်နှင့်ရှမ်းပြည်(တောင်ပိုင်း)ရှိ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ဟိုပုံးမြို့နယ်တို့တွင် ဆောင်ရွက်လျက်ရှိပြီး တစ်နိုင်ငံလုံးရှိ မြို့နယ်အားလုံးကို လွှမ်းခြုံနိုင်ရန် ဆက်လက်ဆောင်ရွက်သွားမည်ဟုဆိုသည်။