ကျိုင်းတုံမြို့၌ အများပြည်သူစိတ်အနှောင့်အယှက်ဖြစ်စေသည့် အသံကျယ်လောင်သဖြင့် ဖမ်း ဆီးထားသော ဆိုင်ကယ်ပါဝါအိတ်ဇောများအား ဒီဇင်ဘာ ၉ ရက်(ယနေ့)နံနက်ပိုင်းက ဖျက်ဆီးခဲ့ခြင်းဖြစ်သည်။
ဖမ်းဆီးရမိထားသည့် ဆိုင်ကယ်ပါဝါအိတ်ဇော်များအား ကျိုင်းတုံမြို့၊အမှတ်(၁)ရပ်ကွက်၊နောင် ရေးလမ်းရှိ ယာဥ်ထိမ်းရဲတပ်ဖွဲ့ရုံးရှေ့၌ လမ်း ကြိတ်စက်ဖြင့်ကြိတ်၍ ဖျက်ဆီးခဲ့ခြင်းဖြစ်သည်။
ကျိုင်းတုံမြို့၌ အသံဆူညံမှုကြောင့်အများပြည်သူများအနှောက်ယှက်ဖြစ်စေသည့် ဆိုင်ကယ်ပါဝါအိတ်ဇောတပ်ဆင်မောင်းနှင်သည့် ဆိုင်ကယ်များအားဖမ်းဆီးခြင်း၊ဆိုင်ကယ်အပိုပစ္စည်းအရောင်းဆိုင်များမှပါဝါအိတ်ဇောများအား သိမ်း ဆည်းအရေးယူခြင်းတို့ကို တာဝန်ရှိသူများက ဆောင်ရွက်လျက်ရှိသည်။
