နစက ဥက္ကဋ္ဌ၊ ဝန်ကြီးချုပ် ၊ ဗိုလ်ချုပ်မှူးကြီးမင်းအောင်လှိုင်မှ ဒီဇင်ဘာ ၁၄ ရက်နံနက်ပိုင်းတွင် ကချင်ပြည်နယ်၊ပူတာအိုမြို့ သို့ရောက်ရှိနေစဥ် ဒုတ္ထန်ရပ်ကွက်ရှိ ရဝမ်အမျိုးသားဥယျာဉ်ရှိ ရဝမ်ယဉ်ကျေးမှုပြတိုက်သို့ သွားရောက်လေ့လာကြည့်ရှုခဲ့သည်။
ရဝမ်ယဥ်ကျေးမှုပြတိုက်သည် ရဝမ်တိုင်းရင်း သားတို့၏ ယဉ်ကျေးမှုနှင့်သမိုင်းကို ထိန်းသိမ်းနိုင်ခြင်းဖြစ်၍ ဝမ်းမြောက်ဂုဏ်ယူကြောင်းပြောကြားခဲ့သည်။
“ရှေးဟောင်းရိုးရာလက်မှုအသုံးအဆောင်တွေဟာ အဖိုးမဖြတ်နိုင်တဲ့ သမိုင်းအထောက်အထားတွေဖြစ်လို့ ရေရှည်တည်တံ့မှုရှိစေဖို့ စနစ်တကျ ထိန်းသိမ်းဖို့နဲ့သန့်ရှင်းသပ်ယပ်အောင် ပြသထားရှိဖို့လိုပါတယ်”ဟု နစက ဥက္ကဋ္ဌကမှာကြားသည်။
သဘာဝဘေးအန္တရာယ်နှင့်ပိုးမွှားများ၏ ဖျက်ဆီးမှုကြောင့် ပျက်စီးယိုယွင်းမှုများမဖြစ်စေရန်လည်း ထိန်းသိမ်းစောင့်ရှောက်ရမည်ဟု နစက ဥက္ကဋ္ဌကမှာကြားခဲ့သည်။
ထို့နောက် နစက ဥက္ကဋ္ဌသည် ရဝမ်ယဥ်ကျေးမှုပြတိုက်အတွင်းရှိ ကျောက်လက်နက်ကိရိယာပြကွက်၊ကျောက်ဖြင့်ပြုလုပ်ထားသည့် အသုံးအဆောင်ပစ္စည်းများပြကွက်၊သစ်သားထည်အိုးခွက်ပန်းကန်အသုံးအဆောင်များပြကွက်၊သစ်သားနှင့်ကြိမ်နှီးရက်ဦးဆောင်းများပြကွက်၊ရိုးရာတူရိယာပြကွက်၊ဝါးနှီးရက်အသုံးအဆောင်ပစ္စည်းများပြကွက်၊ကြိမ်နှီးဖြင့်ရက်လုပ်သည့် အသုံးအဆောင်ပစ္စည်းများပြကွက်၊ဓါးလှံပုဆိန်လေးမြှားလက် နက်များပြကွက်၊ဝါးအသုံးအဆောင်ပစ္စည်းများပြကွက်၊ရိုးရာခရီးဆောင်လွယ်အိတ်များပြကွက်၊ဒေသထွက်တိုင်းရင်းဆေးများပြကွက်၊ရိုးရာဂျက်ခုတ်အထည်ရက်ကိရိယာများပြကွက်၊ရဝမ်ရိုးရာ လက်ဝတ်ရတနာများပြကွက်၊ရဝမ်လူမျိုးများ ဆင်းသက်လာရာပြမြေပုံ၊နိုင်ငံတော်ခေါင်းဆောင်များနှင့်ပြည်နယ်ယဉ်ကျေးမှု ခေါင်းဆောင်များပြကွက်တို့အား ကြည့်ရှုခဲ့သည်။
နစက ဥက္ကဋ္ဌသည် ရဝမ်ရိုးရာ ရိန်ဒန်(ခ)မနောတိုင်ရှေ့တွင်လည်း ရဝမ်တိုင်းရင်းသားများနှင့်အတူ စုပေါင်းမှတ်တမ်းဓာတ်ပုံရိုက်ကူးခဲ့သည်။
