ကရင်ပြည်နယ်၊မြဝတီမြို့၊အမှတ်(၃)ရပ်ကွက်တွင် ဒီဇင်ဘာ ၂၂ ရက်ညပိုင်းက မီးလောင်မှုဖြစ်ပွားကာ နေအိမ် ၁၃ လုံးပျက်စီးပြီး လေဖြတ်နေသည့် အသက်(၇၀)နှစ်ကျော်ရှိ အဘွားအိုတစ်ဦး မီးလောင်သေဆုံးခဲ့သည်ဟု မြဝတီမြို့အခြေ စိုက်လူမှုကူညီရေးအသင်းများမှ သိရသည်။
ယင်းနေ့ည ၁၁ နာရီ ၄၀ မိနစ်ခန့်က မြဝတီမြို့၊အ မှတ်(၃)ရပ်ကွက်၊တောက်တမ်းဘုန်းတော်ကြီးကျောင်းအနောက်ဖက်ရှိ နေအိမ်များတွင် မီး လောင်မှုဖြစ်ပွားခဲ့သဖြင့် မီးသတ်တပ်ဖွဲ့ဝင်များနှင့်လူမှုကူညီရေးအသင်းများက ဝိုင်းဝန်းငြှိမ်းသတ်ခဲ့ကြသည်။
“မီးလောင်အားများသလိုတယ် လမ်းကလည်းဝင်ရတာကျဥ်းတော့ အချိန်မီပေမယ့် ငြှိမ်းသတ်ရတာအခက်အခဲရှိခဲ့တာပါ ပျက်စီးသွားတဲ့အိမ်တွေအကုန်လုံးက ခြံဝင်းကျယ်ထဲမှာဆောက်ထားတဲ့ အဌားလုံးချင်းအိမ်တွေကြီးပဲ လုံးချင်းအိမ် ၁၃ လုံး အကုန်လုံးမီးလောင်ပျက်စီးသွားတယ်”ဟု လူမှုကူညီရေးအသင်းဝင်တစ်ဦးကပြောသည်။
ဖြစ်စဥ်၌ လေဖြတ်နေသည့် အသက်(၇၀)နှစ်ကျော်ခန့်အရွယ်ရှိ အဘွားအိုတစ်ဦးမှာ မီးလောင်သေဆုံးသွားခဲ့ပြီး ၎င်း၏ခင်ပွန်းဖြစ်သူနှင့်ထိခိုက်ဒဏ်ရာ(မစိုးရိမ်ရ)ရရှိခဲ့သည့် အမျိုးသမီးတစ်ဦးတို့အား မြဝတီခရိုင်ပြည်သူ့ဆေးရုံကြီးသို့ ပို့ ဆောင်ပေးခဲ့ကြကြောင်း သိရသည်။
“မီးအားပြင်းတဲ့အတွက် အဘွားကိုအချိန်မီးမကယ်တင်လိုက်နိုင်ဘူး အဘိုးကိုတော့ ကယ်လိုက်နိုင်တယ် အခု အဖိုးကိုတော့ မြဝတီခရိုင်ဆေးရုံကြီးကိုပို့ထားပေးပါတယ် လိုအပ်တဲ့ကုသမှုလုပ်နေရတာတော့ရှိပါတယ်”ဟု လူမှုကူညီရေးအသင်းဝင်တစ်ဦးကပြောသည်။
လက်ရှိအချိန်၌ မီးလောင်ပျက်စီးသွားခဲ့သည့် နေ အိမ် ၁၃ လုံးတွင်နေထိုင်သည့် မီးဘေးသင့်သူ ၄၀ ဦးကျော်ခန့်အား အမှတ်(၃)ရပ်ကွက်ရှိ ငှက်ပျောတောဓမ္မရုံတွင် တာဝန်ရှိသူများက ယာယီကယ် ဆယ်ရေးစခန်းဖွင့်လှစ်ထားရှိပေးကာ ကူညီပေးလျက်ရှိကြောင်း သိရသည်။
Photo-Ko Win Zaw
