နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်က ခရစ်တော်မွေးနေ့(ခရစ္စမတ်) ကျေးဇူးတော်ချီးမွမ်းခြင်းအခမ်းအနားသို့တက်ရောက်ချီးမြှင့်စဥ် ငြိမ်းချမ်းရေးနှင့်ပတ်သက်၍ ပြောကြားခဲ့ခြင်းဖြစ်သည်။
ခရစ်တော်မွေးနေ့(ခရစ္စမတ်)ကျေးဇူးတော်ချီး မွမ်းခြင်းအခမ်းအနားအား ဒီဇင်ဘာ ၂၃ ရက်ညနေပိုင်းက ရန်ကုန်တိုင်း၊ပန်းဘဲတန်းမြို့နယ်၊ဗိုလ်ချုပ်အောင်ဆန်းလမ်းနှင့်ရွှေတိဂုံဘုရားလမ်းထောင့်ရှိ Holy Cathedral Church ၌ကျင်းပခဲ့သည်။
ဘာသာတရားတိုင်းသည် ငြိမ်းချမ်းမှုကိုအခြေပြုထားသဖြင့် လူ့အဖွဲ့အစည်းတိုင်းတွင်လည်း ငြိမ်း ချမ်းမှုလိုအပ်သည်ကိုတွေ့ရှိရ၍ နစက အနေဖြင့် ငြိမ်းချမ်းရေးတံခါးများကိုအမြဲဖွင့်ထားပြီး တပ်မ တော်အနေဖြင့်လည်း ငြိမ်းချမ်းရေးအတွက် အမြဲအသင့်ရှိနေသည်ဟု ဆိုသည်။
“မြန်မာနိုင်ငံရဲ့ သမိုင်းကြောင်းအရ နိုင်ငံတော်ကို တာဝန်ယူအုပ်ချုပ်တဲ့ အစိုးရတိုင်းဟာ ငြိမ်းချမ်း ရေးအတွက် ကြိုးပမ်းဆောင်ရွက်ခဲ့ကြပါတယ်” ဟု နစက ဥက္ကဋ္ဌကပြောသည်။
မိမိတို့အစိုးရလက်ထက်တွင်လည်း ငြိမ်းချမ်းရေးအတွက် လုပ်ငန်းစဉ်များချမှတ်၍ အားသွန်ခွန် စိုက်ကြိုးပမ်းဆောင်ရွက်လျက်ရှိ၍ ယနေ့ကြွ ရောက်လာသည့် ခရစ်ယာန်ဘာသာဂိုဏ်းပေါင်းစုံအသီးသီးမှ ဆရာတော်ကြီးများနှင့်ဘာသာပေါင်းစုံမှ အကြီးအကဲများအနေဖြင့်လည်း မြန်မာနိုင်ငံထာဝရငြိမ်းချမ်းရေးရရှိနိုင်ရန် မိမိတို့တတ်နိုင်သည့်ဘက်က တတ်နိုင်သမျှနည်းလမ်းများဖြင့် အုတ်တစ်ချပ်သဲတစ်ပွင့်အဖြစ်ပါဝင်ဆောင်ရွက်ပေးကြပါရန် တိုက်တွန်းပြောကြားခဲ့သည်။
မြန်မာနိုင်ငံအတွက် အမျိုးသားရေးမျှော်မှန်းချက် (၂)ရပ်မှာ တိုင်းပြည်သာယာဝပြောရေး၊စားရေရိ က္ခာဖူလုံပေါများရေးတို့ဖြစ်သည်ဟု ဆိုသည်။
“ဘာသာသာသနာရဲ့ အဓိကအဆုံးအမမှာ “သာယာဝပြောခြင်း” ဖြစ်တဲ့အတွက် တိုင်းပြည်သာ ယာဝပြောဖို့ မိမိဆန္ဒပြုတဲ့ ငြိမ်းချမ်းရေးနဲ့အတူ လူသားအားလုံးဝိုင်းဝန်းဆောင်ရွက်ပေးကြဖို့ထပ်မံတိုက်တွန်းလိုပါတယ်”ဟု နစက ဥက္ကဋ္ဌကပြောသည်။
စည်းကမ်းတကျနေထိုင်လုပ်ကိုင်ခြင်းသည် သာ ယာဝပြောမှုကိုရစေမည်ဖြစ်ကာ စားရေရိက္ခာဖူ လုံပေါများခြင်းသည် တိုင်းပြည်သာယာဝပြောခြင်းကို တိုက်ရိုက်အထောက်ကူပြု၍ နိုင်ငံတဝှမ်းရှိ ရဟန်းရှင်လူအားလုံး ကိုယ်စီထိန်းသိမ်းကြိုး စားလုပ်ဆောင်သွားကြရန်လိုသည်ဟု ဆိုသည်။
“၂၀၂၂ ခုနှစ်အတွက်ကျင်းပတဲ့ ခရစ္စမတ်နေ့ထူးနေ့မြတ်အခါသမယကစပြီး မြန်မာနိုင်ငံမှာ အဓိ ကလိုအပ်နေတဲ့ တည်ငြိမ်အေးချမ်းရေး၊လုံခြုံ ရေး၊ငြိမ်းချမ်းရေးတွေ အမြန်ရောက်ရှိနိုင်ဖို့နဲ့ဘာ သာတရားအားလုံး ငြိမ်းချမ်းစွာအတူလက်တွဲ နေထိုင်ရေးဆိုတဲ့ ကောင်းမြတ်သော အခွင့်အရေးတွေကို နိုင်ငံသားအားလုံးရရှိနိုင်အောင် ဝိုင်းဝန်းကြိုးပမ်းဆောင်ရွက်သွားကြပါ”ဟု နစက ဥက္ကဋ္ဌက တိုက်တွန်းပြောကြားခဲ့သည်။
