ပြီးခဲ့သည့် လပိုင်းအတွင်းက နှစ်ဖက်တပ်များ အကြား ယာယီအပစ်အခတ်ရပ်စဲကြောင်း ကြေညာထားသည့် ရခိုင်ပြည်နယ်တစ်ခုလုံးတွင် လူဦးရေစာရင်း ကောက်ခံသွားမည်ဖြစ်ကြောင်း ရခိုင်ပြည်နယ် စီမံအုပ်ချုပ်ရေးကောင်စီက ထုတ်ပြန်ကြေညာထားကြောင်း သိရသည်။
အဆိုပါ ဆောင်ရွက်မှုသည် ၂၀၂၃ ခုနှစ်တွင် ကျင်းပမ ည့် အထွေထွေရွေးကောက်ပွဲအတွက် ကြိုတင်ပြင်ဆင်မှုဖြစ်ပြီး အစီအစဉ်ကို လာမည့် ဇန်နဝါရီလ ဒုတိယပတ်တွင် ဆောင်ရွက်မည်ဖြစ်ကြောင်း သိရသည်။
ပြီးခဲ့သည့် ၂၀၂၀ ရွေးကောက်ပွဲတွင် နယ်မြေတည်ငြိမ်မှု အားနည်းသည့် ရခိုင်ပြည်နယ်အတွင်းက မြို့နယ်အချို့တွင် ရွေးကောက်ပွဲကျင်းပနိုင်ခဲ့ခြင်း မရှိသော်လည်း လာ မည့် ၂၀၂၃ ခုနှစ် ရွေးကောက်ပွဲတွင် တစ်နိုင်ငံလုံးအတို င်းအတာဖြင့် အကြားအလပ်မရှိ ကျင်းပသွားမည်ဟု နစ က ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားထားသည်။
လာမည့် ဇန်နဝါရီလ (၉) ရက်တွင် စတင်မည့် အဆိုပါ လူ ဦးရေစာရင်း ကောက်ခံခြင်း လုပ်ငန်းကို လူဦးရေ (၇၀၀ ၀) နီးပါး အသုံးပြုကာ အဖွဲ့ (၁၂၉၀)ဖြင့် (၂၅) ရက်အတွ င်း အပြီးကောက်ယူမည်ဟုလည်း ပြည်နယ် ကောင်စီထံ မှ သိရသည်။
” ရပ်ကွက်တွေ ၊ ကျေးရွာတွေမှာတော့ ကြိုတင် ပြင်ဆင်တာမျိုးတော့ လုပ်နေကြတယ်။ သေသေချာချာတော့ မသိဘူး။ ရွေးကောက်ပွဲနဲ့ ပတ်သက်လို့တော့ ဘာမှပြောလိုတာ မရှိပါ။ အဓိကတော့ ငြိမ်းချမ်းဖို့ပဲ လိုတာနော်။ ငြိမ်း ချမ်းမှုမရှိရင်တော့ ဘယ်ဟာမှ အဆင်မပြေဘူးလေ” ဟု မင်းပြားမြို့နယ် ဒေသခံတစ်ဦးက ပေါ်ပြူလာ နယူး(စ်) သို့ ပြောသည်။
၂၀၂၃ ခုနှစ် ရွေးကောက်ပွဲနှင့် ပတ်သက်၍ အမြင်အမျိုးမျိုးရှိနေပြီး ရခိုင့်ဦးဆောင်ပါတီ ဥက္ကဋ္ဌ ဒေါက်တာအေးမောင်က အဆိုပါ ရွေးကောက်ပွဲသည် လက်ရှိ မြန်မာပြ ည်၏ နိုင်ငံရေးအကြပ်အတည်းကို ကျော်လွှားနိုင်မည့် နည်းလမ်းတစ်ခုအဖြစ်ရှုမြင်ကြောင်း ပေါ်ပြူလာနယူး (စ်) သို့ ပြောကြားထားဖူးသည်။
UEC သည် လာမည့် ၂၀၂၃ ခုနှစ် ရွေးကောက်ပွဲ အတွက် မဲစာရင်း တိုက်ဆိုင်စစ်ဆေးမှုများကို တစ်နိုင်ငံလုံး အတို င်း အတာဖြင့်ပြုလုပ်နေပြီး ယခုကောက်ယူရရှိသည့် လူ ဦးရေ စာရင်းကိုလည်း ပြည်နယ် ရွေးကောက်ပွဲကော်မ ရှင်က တိုက်ဆိုင်စစ်ဆေးကာ လာမည့်ရွေးကောက်ပွဲအ တွက် မဲပေးခွင့်ရှိသည့် မဲဆန္ဒရှင်စာရင်းကို ပြုစုသွားမည်ဖြစ်ကြောင်းလည်း သိရသည်။
ပုံစာ- မဲစာရင်းပြုစုရာတွင် အခြေခံရမည့် လူဦးရေစာရင်းများ ကိုက်ညီမှန်ကန်စေရေး ကွင်းဆင်းစိစစ်နေသည့်ပုံရိပ်များ
