မြန်မာနိုင်ငံ၏ ပြည်တွင်းသုံးငွေစက္ကူများထုတ်ဝေခြင်းနှင့် စီမံခန့်ခွဲခြင်းဆိုင်ရာအခြေအနေများ ဆွေးနွေးပွဲအား ဒီဇင်ဘာ ၂၇ ရက်ကကျင်းပရာ၌ ဗဟိုဘဏ် ဒု-ဥက္ကဋ္ဌဒေါက်တာလင်းအောင်က ပြောကြားခဲ့ခြင်းဖြစ်သည်။
ဗဟိုဘဏ်အနေဖြင့် ပြည်တွင်းသုံးငွေစက္ကူများ ကို တစ်ဦးတည်းထုတ်ဝေသူအဖြစ်ဆောင်ရွက်ခြင်းနှင့်စီမံခန့်ခွဲခြင်းတို့ကိုဆောင်ရွက်လျက်ရှိရာ သန့်ရှင်းကောင်းမွန်ပြီး လုံခြုံမှုအဆင့်အတန်းမြင့် မားသော ငွေစက္ကူများကိုင်တွယ်သုံးစွဲနိုင်ရန် ဆောင်ရွက်လျက်ရှိသည်ဟု ပြောကြားခဲ့သည်။
ပြည်တွင်းသုံးငွေစက္ကူများနှင့်ပတ်သက်၍ ငွေစက္ကူအတု/အစစ်ခွဲခြားစစ်ဆေးရန်၊ဟောင်းနွမ်းငွေစက္ကူများလျော့နည်းပပျောက်စေရန်တို့ကိုလည်း ဒေါက်တာလင်းအောင်က ဆွေးနွေးပြောကြားခဲ့သည်။
“ဒီနေ့ဆွေးနွေးချက်တွေ မိမိတို့ရဲ့လက်အောက်ဝန်ထမ်းတွေကို လက်ဆင့်ကမ်းဖြန့်ဝေပေးပြီး ထုတ်ပြန်ထားသည့် ညွှန်ကြားချက်တွေအတိုင်း လိုက်နာဆောင်ရွက်ဖို့လိုအပ်ပါတယ်”ဟု ဗဟိုဘဏ် ဒု-ဥက္ကဋ္ဌကပြောကြားခဲ့သည်။
ထို့နောက် ပြည်ထဲရေးဝန်ကြီးဌာနမှ ရဲမှူးကြီးစိုးနိုင်က ငွေစက္ကူအတုနှင့်ပတ်သက်၍ အတုပြုလုပ် ရောင်းဝယ်သူများအားဖမ်းဆီးရမိမှု၊ငွေစက္ကူအတုများရောင်းဝယ်ဖောက်ကားရန် လိမ်လည်မှု ပြု လုပ်သည်တို့အား စုံစမ်းစစ်ဆေးအရေးယူမှုကို ရှင်းလင်းတင်ပြခဲ့သည်။
ထို့ပြင် ဆွေးနွေးပွဲသို့ တက်ရောက်လာကြသူများမှနိုင်ငံပိုင်ဘဏ်များနှင့်ပုဂ္ဂလိကဘဏ်များက ပြည်သူများ၏ ပေးသွင်းငွေများအပေါ် စိစစ်ဆောင်ရွက်နေမှု၊ငွေစက္ကူအတုနှင့်ပတ်သက်၍ အသိပေးဆောင်ရွက်နေမှု၊ငွေစက္ကူအတု တွေ့ရှိပါက ငွေစက္ကူအတုနှင့်တကွ အချက်အလက်များကို မြန်မာနိုင်ငံရဲတပ်ဖွဲ့ထံသို့အပ်နှံဆောင်ရွက်နေမှု၊ ဗဟိုဘဏ်၏ညွှန်ကြားချက်များအတိုင်း လိုက် နာဆောင်ရွက်နေမှုများကို ဆွေးနွေးခဲ့သည်။
