မြောက်ကိုရီးယား၏ရန်စမှုကို လက်တုံ့ပြန်မည်ဟု တောင်ကိုရီးယားပြော

0
132

ဆိုးလ်၊ဒီဇင်ဘာ ၂၈

မြောက်ကိုရီးယားဒရုန်းများက တောင်ကိုရီးယားလေပိုင်နက်အတွင်းသို့ ကျူးကျော်ဝင်ရောက်လာပြီးနောက် ၎င်းတို့၌နျူကလီယား လက်နက်များရှိနေသော်လည်း ၄င်းတို့၏ရန်စမှု မှန်သမျှကို လက်တုံ့ပြန်မည်ဖြစ်ကြောင်း တောင်ကိုရီးယားသမ္မတကပြောကြားခဲ့သည်။

တနင်္လာနေ့က မြောက်ကိုရီးယားဒရုန်းငါးစင်းသည် တောင်ကိုရီးယားလေပိုင်နက်အတွင်းသို့ ဝင်ရောက်လာသဖြင့် တောင်ကိုရီးယားတိုက်လေယာဉ်များ အရေးပေါ်ပျံတက်ကာသတိပေးခဲ့ရသည်။

အဆိုပါဖြစ်ရပ်ကြောင့် လေကြောင်းကာကွယ်ရေးအားနည်းခြင်းနှင့်ပတ်သက်၍ တောင်ကိုရီးယား၌ဝေဖန်မှုများမြင့်တက်လာခဲ့ပြီး ဒရုန်းများကိုပစ်မချနိုင်ခဲ့သဖြင့်လည်း သမ္မတကစစ်တပ်အားဝေဖန်ခဲ့သည်။

တောင်ကိုရီးယားဘက်ကလည်း မြောက်ကိုရီးယားလေပိုင်နက်သို့ ဒရုန်းများသုံးနာရီကြာပျံသန်းပြီး တုံ့ပြန်ခဲ့သည်ဟုဆိုသည်။ယင်းအပြင် လာမည့်ငါးနှစ်အတွင်း နိုင်ငံ၏ကာကွယ်ရေးအသုံးစရိတ်ကိုလည်း တိုးမြှင့်သွားမည်ဖြစ်ကြောင်းကြေငြာခဲ့သည်။

Source : Reuters


LEAVE A REPLY

Please enter your comment!
Please enter your name here