၂၀၂၃ ခုနှစ် (၇၅)နှစ်မြောက် စိန်ရတုလွတ်လပ် ရေးနေ့အထိမ်းအမှတ် ဂုဏ်ထူးဆောင်ဘွဲ့များချီးမြှင့်အပ်နှင်းခြင်းအခမ်းအနားအား ဇန်နဝါရီ ၁ ရက်နံနက်ပိုင်းက နေပြည်တော်၌ကျင်းပရာ နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင် လှိုင် တက်ရောက်၍ အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
နိုင်ငံတော်၏ အရေးအရာများနှင့်နိုင်ငံ့တာဝန်များအား ထမ်းဆောင်ခဲ့ကြသည့် ခေတ်အဆက်ဆက်တွင် အမြင်တူခြင်းမတူခြင်း၊မူဝါဒကွဲပြားခြင်း မကွဲပြားခြင်းများရှိခဲ့သည်ဟု ဆိုသည်။
“လက်ရှိအချိန်မှာလည်း အမြင်တူခြင်းမတူခြင်း၊ မူဝါဒကွဲပြားခြင်း မကွဲပြားခြင်းတွေ ရှိနေသေးပါတယ်။ ဒီနှစ် ဂုဏ်ထူးဆောင်ဘွဲ့တံဆိပ်တွေ ချီးမြှင့်ခြင်းဟာ တိုင်းပြည်လွတ်လပ်ရေးရရှိဖို့နှင့်လွတ်လပ်ရေးကို အဓွန့်ရှည်တည်တံ့ရေးအတွက် အသက်ခန္ဓာပေးဆပ်ခဲ့ကြသူတွေနဲ့ ဂုဏ်ပြုချီးမြှင့်ထိုက်သူတွေအားလုံးကို ဂုဏ်ပြုချီးမြှင့်ပေးအပ်ခြင်းဖြစ်ပါတယ်”ဟု နစက ဥက္ကဋ္ဌကပြောသည်။
နိုင်ငံတစ်နိုင်ငံ၏ လွတ်လပ်ရေးနှင့်အချုပ်အခြာ အာဏာတည်တံ့ခိုင်မြဲရေးဆိုသည်မှာ တစ်ခဏတာအတွင်း ဆုံးရှုံးသွားနိုင်သော်လည်း လွတ်လပ် ရေးရရှိနိုင်ရန် ကြာမြင့်စွာကြိုးပမ်းဆောင်ရွက်ရ သည်ဟု ဆိုသည်။
မြန်မာနိုင်ငံတွင် လွတ်လပ်ရေးပြန်လည်ရရှိရန် နှစ်ပေါင်း ၁၀၀ ကျော် မိဘဘိုးဘွားများ၏ အသက်၊သွေး၊ချွေးမြောက်များစွာစတေးပြီး အလွန် တရာခက်ခဲပင်ပန်းစွာ ကြိုးစားအားထုတ်ခဲ့ရသဖြင့် အလွယ်တကူရရှိခဲ့ခြင်းမဟုတ်သည်ကို မမေ့အပ်ဟုပြောကြားခဲ့သည်။
“အမျိုးသားခေါင်းဆောင်ကြီးဗိုလ်ချုပ်အောင်ဆန်းရဲ့ ခေါင်းဆောင်မှုအောက်မှာ တိုင်းရင်းသားအားလုံး ဇွဲ၊လုံ့လ၊သတ္တိအပြည့်နဲ့စွန့်လွှတ်စွန့်စားပြီး ညီညီညွတ်ညွတ်ကြိုးပမ်းခဲ့ကြလို့ လွတ်လပ် ရေးကိုအရယူနိုင်ခဲ့တာပါ”ဟု နစက ဥက္ကဋ္ဌက ထည့်သွင်းပြောကြားသွားသည်။
ရယူခဲ့ရသည့် လွတ်လပ်ရေးနှင့်အချုပ်အခြာအာ ဏာသည် မြန်မာနိုင်ငံသားအားလုံး၏ အသက်ခန္ဓာပင်ဖြစ်ကာ အမျိုးသားခေါင်းဆောင်ကြီးများနှင့်ဘိုးဘေးဘီဘင်၊မျိုးချစ်ပုဂ္ဂိုလ်များ စွန့်လွှတ်စွန့်စားအားထုတ်ကြိုးပမ်းရယူခဲ့သည့် မြန်မာ့လွတ်လပ်ရေး အစဉ်ထာဝရတည်တံ့နေစေရန် ယခုကျရောက်သည့် (၇၅)နှစ်မြောက်စိန်ရတုလွတ်လပ်ရေးနေ့ အမျိုးသားရေးဦးတည်ချက်များကို အလေးအနက်ခံယူပြီး တိုင်းရင်းသားအားလုံးဥမကွဲသိုက်မပျက် သွေးစည်းညီညွတ်စွာ အကောင်အထည်ဖော်ဆောင်ရွက်သွားရေးကို နစက ဥက္ကဋ္ဌကတိုက်တွန်းပြောကြားခဲ့သည်။
“လွတ်လပ်တဲ့ နိုင်ငံတော်ကြီးတည်ငြိမ်အေးချမ်းမှုရှိပြီး ခေတ်မီဖွံ့ဖြိုးတိုးတက်ဖို့ ဆောင်ရွက်ရမယ့်တာဝန်ဟာ မြန်မာနိုင်ငံသားအားလုံး၊တိုင်းရင်း သားပြည်သူအားလုံးရဲ့တာဝန်ဖြစ်ပါတယ်”ဟု နစက ဥက္ကဋ္ဌကပြောသည်။
ထို့ပြင် မိဘဘိုးဘွားများ၏ နိုင်ငံတော်အတွက် ဆောင်ရွက်ခဲ့သည့် ကြီးမြတ်သောဂုဏ်ကို ဆက် လက်စောင့်ထိန်းပေးရန်လည်း နစက ဥက္ကဋ္ဌကတိုက်တွန်းခဲ့သည်။င
