နိုင်ငံကူး လက်မှတ်ထုတ်ပေးခြင်းကို ယာယီပိတ်ထားပြီး ပြန်ဖွင့်မည့်ရက်ကို ကြေညာပေးမည်ဟုဆို

၂၀၂၃ ခုနှစ် ဇန်နဝါရီ ပထမပတ်အတွင်း ရန်ကုန်မြို့စက် မှု (၁) လမ်းရှိ ပတ်စပို့စ်ရုံးကို ယာယီပိတ်ထားမည်ဖြစ်ပြီး ပြန်လည်ဖွင့်လှစ်မည့်ရက်ကို ကြေညာပေးသွားမည်ဖြစ် ကြောင်း နိုင်ငံကူး လက်မှတ်ထုတ်ပေးရေးရုံးနှင့် နီးစပ်သူ များထံမှ သိရသည်။

ယနေ့ ဇန်နဝါရီ (၂) ရက်မှ စတင်ပိတ်ထားခြင်းဖြစ်ပြီး ယ ခင် QR Code ရရှိထားပြီးသူများအပြင် နိုင်ငံကူးလက် မှတ်လျှောက်ထားသူအသစ်များပါ လက်ခံဆောင်ရွက်ပေးမည်မဟုတ်ကြောင်း သိရသည်။

” (၅) ရက်နေ့ ပြန်ဖွင့်မယ်လို့တော့ ကြားတယ် ။ ဒါပေမယ့် အတိအကျတော့ ပြောမရဘူး ။ ဒီနေ့က စပိတ်လိုက်တာပေါ့။ ဘယ်သူမှ လုပ်လို့မရတာ ။ အထဲဝင်တဲ့ အပေါက်ပါပိတ်ထားလိုက်တာ‌” ဟု  နီးစပ်သူ တစ်ဦးက ပြောသည်။

အဆိုပါ ပိတ်စပို့စ်ရုံးပိတ်ထားခြင်းမှာ ရုံးလုပ်ငန်းများ လု ပ်ကိုင်ရန် ရှိနေခြင်းနှင့် QR စနစ်အဆင့်မြှင့်တင်ခြင်းများကြောင့် ယာယီပိတ်ထားခြင်းသာဖြစ်ပြီး ရက်ပိုင်းအတွ င်း ပြန်လည်ဖွင့်လှစ်ပေးသွားမည် ဖြစ်ကြောင်းလည်း သိရသည်။

ပြီးခဲ့သည့် ဒီဇင်ဘာ (၅) ရက်က အွန်လိုင်းမှ ရက်ချိန်းယူရသည့် QR စနစ်တုံကင်ယူသည့် လုပ်ငန်းစဉ်ကို ရပ်နားခဲ့ပြီး ပြန်လည်အဆင့်မြှင့်တင်နေကြောင်း နိုင်ငံကူးလက်မှ တ် ထုတ်ပေးရေးရုံး (ရန်ကုန်) က ထုတ်ပြန်ကြေညာ ခဲ့ပြီး အရေးပေါ် ပြည်ပထွက်ခွာရန် ရှိသူများအနေဖြင့် လိုအပ်သည့် အထောက်အထားများ တင်ပြကာ ရုံးတွင်လာရော က်လျှောက်ထားနိုင်ကြောင်း အသိပေးထားသော်လည်း လက်ရှိတွင် လုပ်ငန်းစဉ်အားလုံးကို ရပ်နားထားခြင်းဖြစ် ကြောင်း နီးစပ်သူများ၏ ပြောကြားချက်အရ သိရသည်။

“ထုတ်​ပေးရုံပဲ ကျန်တဲ့စာအုပ်ပါ ထုတ်မရတာ။ စာကပ် ထားလို့ ရုံးနား လူမရှိ​ပေမယ့် ရလိုရငြား သွားတဲ့သူ အ ချို့လည်း ဒီ​​နေ့ သွားကြတယ်။ System breakdown ဖြစ်တယ်လို့​လည်း ပြောတာပဲ။ တချို့က စာအုပ်ရ​တော့မှာမို့ ​လေယာဥ်လက်မှတ်ဝယ်ပြီးဖြစ်​နေသူ​တွေလည်း ဘယ်လို ဆက်လုပ်ရမှန်းမသိဖြစ်နေတာပေါ့” ဟု ပတ်စပို့စ် လျှော က် ထားသူ တစ်ဦးက ပြောသည်။

လက်ရှိတွင် နိုင်ငံကူးလက်မှတ် ထုတ်ပေးခြင်း လုပ်ငန်းကို ရက်အကန့်အသတ်မရှိ ရပ်နားထားကြောင်း ရုံးတွင် စာကပ်အသိပေးထားပြီး မည်သည့်ရက်တွင် ပြန်လည်ဖွင့်လှစ်မည်ကို အသိပေးထားခြင်း မရှိသေးပေ။

နစကအနေဖြင့် နိုင်ငံကူးလက်မှတ် လျှောက်ထားသူများအား အွန်လိုင်းမှ QR Code ဖြင့် ရက်ချိန်းရယူသည့် စနစ်ကို ပြီးခဲ့သည့် ၂၀၂၂ ခုနှစ်က စတင်ခဲ့ခြင်းဖြစ်ပြီး ဒီဇင် ဘာ (၅) ရက်တွင် ရပ်နားခဲ့ခြင်း ဖြစ်သည်။