ကွာလာလမ်ပူ၊ဇန်နဝါရီ ၁၀
မလေးရှားရှိ အပြည်ပြည်ဆိုင်ရာလေဆိပ်၌ တရုတ်ခရီးသွားများအတွက် သီးသန့်လမ်းကြောင်းတစ်ခုအသုံးပြုကာ လဝက ကစစ်ဆေးမည်ဖြစ်ကြောင်းသိရှိရသည်။
ယခုလိုပြုလုပ်ခြင်းသည် မလေးရှားနိုင်ငံ၌ ကိုဗစ်ကူးစက်မှုထိန်းချုပ်နိုင်ရန်သာ ရည်ရွယ်ခြင်းဖြစ်သည်ဟု ကျန်းမာရေးဝန်ကြီးဌာနကပြောကြားခဲ့သည်။
နိုင်ငံအတွင်းဝင်ရောက်ချိန်၌ ကိုဗစ်ရှိကြောင်းစစ်ဆေးတွေ့ရှိပါက စောင့်ကြည့်ကုသနိုင်ရန် ကွာရန်တင်းနေရမည်ဟုလည်းသိရသည်။
ကိုယ်ပူချိန်စစ်ဆေးသည့်ကိရိယာများလည်း ထပ်မံတပ်ဆင်မည်ဖြစ်ပြီး ရောဂါလက္ခဏာရှိပါက သက်ဆိုင်ရာကျန်းမာရေးဌာနများသို့ ဆက်လက်လွှဲပြောင်းစစ်ဆေးသွားမည်ဟုလည်းဆိုသည်။
ရောဂါရှိကြောင်းသေချာသည့် ခရီးသွားများအနေဖြင့် ၎င်းတို့၏အိမ် (သို့) တည်းခိုရာနေရာများ၌ သီးသန့်ခွဲနေထိုင်ရမည်ဖြစ်ကာ ရောဂါပြင်းထန်မှုအခြေအနေပေါ်မူတည်၍ လိုအပ်ပါကဆေးရုံသို့ပို့ဆောင်ပေးမည်ဟုလည်းဖော်ပြထားသည်။
Source : CNA
