ကိုဗစ်၏နောက်ထပ်မျိုးကွဲတစ်ခု ပျံ့နေသဖြင့် ကမ္ဘာ့နိုင်ငံများအနေဖြင့် ခရီးဝေးလေယာဉ်ခရီးစဉ်များ၌ ခရီးသွားများကို နှာခေါင်းစည်းတပ်ဆင်ရေး စည်းကမ်းကို စဥ်းစားသင့်သည်ဟု ကမ္ဘာ့ကျန်းမာရေးအဖွဲ့ကပြောကြားခဲ့သည်။
ဥရောပတွင် XBB.1.5 အမည်ရှိ မျိုးကွဲအသစ်ကိုအနည်းငယ်တွေ့ရှိခဲ့ရပြီး ဆက်လက်မြင့်တက်လာနေကြောင်း ကမ္ဘာ့ကျန်းမာရေးအဖွဲ့မှ တာဝန်ရှိသူတစ်ဦးက သတင်းစာရှင်းလင်းပွဲ၌ပြောကြားခဲ့သည်။
ဥရောပကမ္ဘာ့ကျန်းမာရေးအဖွဲ့မှ အကြီးတန်းအရာရှိ ကက်သရင်းစမော်ဝုဒ်ထ်ကမူ ခရီးသွားများအနေဖြင့် လေယာဉ်ခရီးရှည်စီးခြင်းကဲ့သို့သော ကူးစက်နိုင်ချေမြင့်မားသည့် နေရာများ၌ နှာခေါင်းစည်းမဖြစ်မနေတပ်ဆင်သင့်သည်ဟု ပြောကြားခဲ့သည်။
အမေရိကန်ပြည်ထောင်စုရှိ ဖြစ်ပွားမှုအားလုံး၏ ၂၇ ဒသမ ၆ ရာခိုင်နှုန်းအားတိုင်းတာမှုများအရ XBB.1.5 ကရာကန်မျိုးကွဲသည် အိုမီခရွန်၏ကူးစက်မှုအမြင့်ဆုံးမျိုးကွဲတစ်ခုဖြစ်ကြောင်းသိရှိရသည်။
XBB.1.5 မျိုးကွဲသည် ကမ္ဘာတစ်ဝန်း၌ ကူးစက်မှုလှိုင်းများဖြစ်ပေါ်စေနိုင်ခြင်းရှိမရှိ မသေချာသေးသဖြင့် နိုင်ငံများအနေဖြင့် ခရီးမထွက်မီစစ်ဆေးထားသည့် ရလဒ်အပေါ်သာအာရုံစိုက်သင့်ပြီး မည်သည့် နိုင်ငံ မှ လာသည် ဟူ၍ နိုင်ငံပေါ်မူတည်၍ မဆုံးဖြတ်ရန်လည်းအရေးကြီးကြောင်းပြောကြားခဲ့သည်။
Source : Khmer times
