ဟနွိုင်း၊ဇန်နဝါရီ ၂၀
တံတားပိုင်တိုင်ထဲပိတ်မိသေဆုံးသွားသည့် ဗီယက်နမ်ကလေးငယ်၏ရုပ်အလောင်းအား ယမန် နေ့ကဗီယက်နမ်ကယ်ဆယ်ရေးသမားများ သယ်ထုတ်နိုင်ခဲ့ကြောင်း နိုင်ငံပိုင်မီဒီယာများကပြောကြားခဲ့သည်။
အဆိုပါကလေးငယ်သည် ဒီဇင်ဘာလ ၃၁ ရက်နေ့က ဆောက်လုပ်ရေးလုပ်ငန်းခွင် ၌ သံတိုသံစများ ကို ကောက်ရန်သွားစဉ် ၂၅ စင်တီမီတာကျယ်ပြီး ၃၅ မီတာနက်သော ပိုင်တိုင်ထဲသို့ပြုတ်ကျသွားခြင်းဖြစ်သည်။
၎င်းပြုတ်ကျသွားပြီးနောက် ကယ်ဆယ်ရေးလုပ်ငန်းများဆောင်ရွက်ရန် ကယ်ဆယ်ရေးသမားများအပါအဝင် စစ်သားများပါကူညီခဲ့ကြသော်လည်း အချိန်မှီကယ်တင်နိုင်ခဲ့ခြင်းမရှိပဲ လေးရက်မြောက်နေ့၌သေဆုံးသွားခြင်းဖြစ်သည်။
ယင်းနောက်ကလေးငယ်၏ရုပ်အလောင်းအား ပြန်လည်ရရှိရန်လည်း အထူးကိရိယာများအသုံးပြုကာ ခဲရာခဲဆစ်ဆောင်ရွက်ခဲ့ရသည်ဟုဆိုသည်။
တံတားအောက်ခြေတွင် မြေဆီအနှစ်များရှိနေသဖြင့် အလောင်းအားမပျက်မစီးဘဲ ပကတိအတိုင်းသယ်ယူနိုင်ခဲ့ပြီး သင်္ဂြိုလ်နိုင်ရန်မိသားစုထံသို့ပြန်ပို့ပေးခဲ့ကြောင်းလည်းသိရှိရသည်။
Source : AFP
