Category: News

နေပြည်တော်၊ ဥတ္တရသီရိမြို့နယ်၌ ပြည်ထောင် စုတရားလွှတ်တော်ချုပ်၏ မြန်မာနိုင်ငံတွင် ပထမဦးဆုံးအဆင့်မြင့်တရားစီရင်ရေးဆိုင်ရာ သင်ကြားရေးဌာနဖြစ်သော Judicial College အဆောက်အဦသစ်အား ဇန်နဝါရီ ၂ ရက်နံနက်ပိုင်းက စတင်ဖွင့်လှစ်ခဲ့ကြောင်း သိရသည်။ အဆိုပါ Judicial College အဆောက်အဦသစ်အား နစက ဥက္ကဋ္ဌ(ကိုယ်စား) နစက အတွင်းရေးမှူး ဗိုလ်ချုပ်ကြီးအောင်လင်းဒွေး တက်ရောက်ဖွင့်လှစ်၍ အမှာစကားပြောကြားခဲ့ကြောင်း သိရသည်။ Judicial College အဆောက်အဦသစ်ကြီးကို စတင်ဖွင့်လှစ်နိုင်သဖြင့် တရားစီရင်ရေးမဏ္ဍိုင်အတွက်သာမက နိုင်ငံတော်အတွက်ပါ ဂုဏ်ယူဝမ်းမြောက်ရပြီး နိုင်ငံများကြားတရားစီရင်ရေးဖလှယ်မှုအစီအစဉ်(Judicial Exchange Programme)သည် နိုင်ငံအချင်းချင်း ချစ်ကြည်ရင်းနှီးမှုကိုဖြစ်ထွန်းစေရုံသာမက နိုင်ငံခြားရင်းနှီးမြှုပ်နှံမှုအတွက်ပါ အာမခံချက်ပေးနိုင်သည့် အခွင့်အလမ်းဖြစ်၍ နိုင်ငံအတွက် အရေးပါအရာရောက်သည့်နေရာတစ်ခုဖြစ်သည်ဟု အမှာစကားပြောကြားရာ၌ ထည့်သွင်းပြောကြားသည်။ ထို့ပြင် Judicial College အား နိုင်ငံတော်ငွေ ကုန်ကျစရိတ်များစွာဖြင့် တည်ဆောက်ပေးထားခြင်းဖြစ်၍ ပြည်ပသင်တန်းသားများအပြင် မြန်မာနိုင်ငံမှ တရားသူကြီးအသစ်များ၊ အလယ်အလတ်အဆင့်တရားသူကြီးများ၊ အဆင့်မြင့်တရားသူကြီးများအတွက်လည်း လေ့လာသင်ယူဆွေးနွေးပို့ချသည့်နေရာအဖြစ် အသုံးပြုသွားမည်ဖြစ်ရာ တရားသူကြီးအသီးသီး၏ စွမ်းရည်တိုးတက်ရေးကို အကျိုးရှိရှိထိထိရောက်ရောက် အသုံးချနိုင်မည်ဟု ပြောသည်။ တရားစီရင်ရေးမဏ္ဍိုင် တိုးတက်ဖွံ့ဖြိုးစေရေးနှင့် ပြည်သူအများ ယုံကြည်ကိုးစားသည့် တရားစီရင်ရေးစနစ်ဖြစ်ထွန်းစေရန် နိုင်ငံတော်အစိုးရမှ မန္တလေးတိုင်းနှင့် မွန်ပြည်နယ်တို့တွင် တရားလွှတ်တော်(High Court)များကိုအသစ်ဆောက်လုပ်ပေးခဲ့ပြီး ခရိုင်တရားရုံး(၅)ခုကိုလည်း အသစ်ဆောက်လုပ်ပေးခဲ့ကာ တရားစီရင်ရေးကဏ္ဍအတွက်လိုအပ်ချက်များကို ဆောင်ရွက်ပေးလျက်ရှိသည်ဟု ပြောသည်။ ထို့ကြောင့် တရားစီရင်ရေးတွင် တာဝန်ယူဆောင်ရွက်နေသည့် ပြည်ထောင်စုတရားလွှတ်တော်ချုပ်နှင့် လက်အောက်ခံတရားရုံးအဆင့်ဆင့်မှ တရားသူကြီးများအနေဖြင့် “တရားစီရင်ရာတွင် အမှန်ကိုဆုံးဖြတ်ရုံမျှသာမက ထိုသို့အမှန်တရားကိုစီရင်ကြောင်း အများမြင်စေရာသည်”ဆိုသော အသားကျနေသည့် စီရင်ထုံးလမ်းညွှန်ချက်အ တိုင်းဖြစ်စေရန်၊ တရားသူကြီးများသည်...