ASEAN Futsal Championship 2024 ပြိုင်ပွဲဝင်အသင်းအား ယမန်နေ့ နိုဝင်ဘာ (၂) ရက်တွင် မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်က သွားရောက်တွေ့ဆုံအားပေးခဲ့ကြောင်း ဖူဆယ်ကော်မတီထံမှသိရသည်။
ယနေ့ နိုဝင်ဘာ (၃) ရက်၊ နံနက် (၇) နာရီအချိန်တွင် ထိုင်းနိုင်ငံ Nakhon Ratchasima သို့ ရောက်ရှိနေပြီဖြစ်သော မြန်မာ့လက်ရွေးစင် ဖူဆယ်အသင်းသည် ပြိုင်ပွဲကျင်းပမည့် Terminal 21 Korat တွင် Official Training အဖြစ် လေ့ကျင့်မှုများ ပြုလုပ်ခဲ့ကြောင်း သိရသည်။
မြန်မာ့လက်ရွေးစင် ဖူဆယ်အသင်းသည် ၂၀၂၄ အာဆီယံ ဖူဆယ် ချန်ပီယံရှစ် ပြိုင်ပွဲတွင် အုပ်စု (ခ)တွင် ပါဝင်ယှဉ်ပြိုင်ရမည်ဖြစ်ပြီး၊ နိုဝင်ဘာ (၄) ရက်တွင် ဩစတြေးလျ အသင်း၊ နိုဝင်ဘာ (၅) ရက်တွင် ကမ္ဘေဒီးယား၊ နိုဝင်ဘာ (၆) တွင် အင်ဒိုနီးရှား အသင်းတို့နှင့် အုပ်စုပွဲစဉ်များ ယှဉ်ပြိုင်ကစားသွားရမည် ဖြစ်သည်။
ပြိုင်ပွဲဝင်ရောက်ယှဉ်ပြိုင်မည့် မြန်မာ့လက်ရွေးစင် ဖူဆယ်အသင်းသည် အုပ်ချုပ်နည်းပြ (၁၀) ဦး ကစားသမား (၁၄) ဦးဖြင့် ပြိုင်ပွဲကျင်းပမည့် Nakhon Ratchasima မြို့သို့ ရောက်ရှိနေပြီဖြစ်သည်။
