ဘယ်လ်တီမိုးပြည်နယ်ရှိ အဓိကတံတားတစ်စင်း ကုန်တင်သင်္ဘောတစ်စီးနှင့် တိုက်မိပြီး ကျိုးကျ
အမေရိကန်ပြည်ထောင်စု၊ မေရီလန်းပြည်နယ်၏ မြို့တော် ဘယ်လ်တီမိုးမြို့ရှိ အဓိကတံတားတစ်စင်းဖြစ်သော ဖရန်စစ် စကော့ တံတားရှိ အပိုင်းတစ်ပိုင်းသည် ယနေ့ အင်္ဂါနေ့ ဒေသစံတော်ချိန် နံနက်စောစောပိုင်းက ကုန်တင်သင်္ဘောတစ်စင်းနှင့် တိုက်မိခဲ့ပြီးနောက် ကျိုးကျသွားခဲ့သည်။
ဒေသစံတော်ချိန် နံနက် ၁း၃၀ နာရီခန့်တွင် ကုန်တင်ရေယာဉ်တစ်စီး တံတားနှင့်ဝင်တိုက်မိပြီး မီးစွဲလောင်ကာ နစ်မြုပ်သွားခဲ့ပြီးနောက် တံတားပါ ကျိုးကျခြင်ဖြစ်ကာ၊ X တွင် တင်ထားသော ဗီဒီယိုတစ်ခုတွင်မူ ယာဉ်အစီးရေ အများအပြား တံတားပေါ်မှ ရေထဲသို့ ပြုတ်ကျကုန်ကြကြောင်း မြင်တွေ့ရသည်။
တံတားမှာ အခင်းဖြစ်ရာ ယာဉ်လမ်းကြောင်းနှစ်ခုစလုံးကို ပိတ်ထားပါတယ်။ ယာဉ်ကြောလဲပိတ်ဆို့နေပါတယ်” ဟု မေရီလန်း သယ်ယူပို့ဆောင်ရေး အာဏာပိုင်အဖွဲ့က X တွင်ရေးသားထားသည်။
အရေးပေါ်ကယ်ဆယ်ရေးသမားများသည် ရေထဲတွင်ရှိနေသည်ဟု ယူဆရသည့် လူခုနစ်ဦးထက်မနည်းကို ရှာဖွေနေကြောင်း ဘယ်လ်တီမိုး မီးသတ်ဌာန၏ ဆက်သွယ်ရေးဒါရိုက်တာ ကီဗင်ကာ့တ်ရိုက်တ် က ပြောကြားခဲ့သည်။
ကယ်ဆယ်ရေးအေဂျင်စီများသည် နံနက် ၁ နာရီ ၃၀ ခန့်တွင် 911 အရေးပေါ်ဖုန်းခေါ်ဆိုမှုကို လက်ခံရရှိခဲ့ပြီး ဘယ်လ်တီမိုး မှ ထွက်ခွာလာသည့် ကုန်တင်သင်္ဘောတစ်စင်းသည် တံတားပေါ်ရှိ အကန့်တစ်ကန့်အား တိုက်မိသဖြင့် ပြိုကျသွားကြောင်း သတင်းပေးပို့ခဲ့သည်။
“အခုအချိန်မှာ လူတွေကို ကယ်ဆယ်ဖို့ပဲ ကျွန်တော်တို့ ကြိုးစားနေပါတယ်” ဟု Cartwright က ပြောကြားခဲ့သည်။ လူပေါင်းမည်မျှ ထိခိုက်ခဲ့သည်ကို သိရှိရန်မှာ စောလွန်းသေးသော်လည်း ပြိုကျမှုသည် “လူအစုလိုက်အပြုံလိုက် အေ-သအပျောက် ဖြစ်ထွန်းနေသော ဖြစ်ရပ်တစ်ခု” အဖြစ် ဖော်ပြခဲ့သည်။
“တံတားပေါ်မှ တွဲလောင်းကျနေသော ကုန်တင်ယာဉ်နောက်တွဲ သို့မဟုတ် ကုန်သေတ္တာအချို့” ရှိကြောင်း ကာ့တ်ရိုက်တ် က ပြောကြားခဲ့ပြီး “ဒါက ဆိုးရွားတဲ့ အရေးပေါ်အခြေအနေပဲ” ဟုလည်း သူက ဆိုသည်။
ဘယ်လ်တီမိုးရှိ ကမ်းရိုးတန်းစောင့်တပ်မှ အရာရှိငယ်တစ်ဦးဖြစ်သည့် မက်သယူးဝက်စ်ကမူ ကမ်းခြေစောင့်တပ်ဖွဲ့သည် နံနက် ၁ နာရီ ၂၇ မိနစ်တွင် ထိခိုက်မှုသတင်းကို ရရှိခဲ့ကြောင်း နယူးယော့တိုင်းမ်စ် သတင်းစာသို့ ပြောကြားခဲ့သည်။ အရှည် ၉၄၈ ပေ (၂၉၀ မီတာ) စင်ကာပူအလံတင် ကုန်တင်သင်္ဘော “တာ့လီ”သည် တံတား၏ အစိတ်အပိုင်းတစ်ခု တိုက်မိခဲ့ကြောင်း ပြောကြားခဲ့သည်။
“တာ့လီ”သည် နံနက် ၁ နာရီတွင် ဘယ်လ်တီမိုးမှ ထွက်ခွာခဲ့ပြီး သီရိလင်္ကာနိုင်ငံ၏ မြို့တော် ကိုလံဘိုသို့ ဦးတည်ခုတ်မောင်းနေခြင်းဖြစ်ကြောင်း သိရသည်။
အရေးပေါ်ဝန်ထမ်းများသည် အခင်းဖြစ်ပွားရာနေရာသို့ ရောက်ရှိနေပြီး ကယ်ဆယ်ရေးလုပ်ငန်းများ လုပ်ဆောင်နေကြောင်း ဘယ်လ်တီမိုး မြို့တော်ဝန် ဘရန်ဒန်အမ်စကော့နှင့် ခရိုင်အမှုဆောင်အရာရှိ ဂျွန်နီအော့ဇူးစကီး တို့က ပြောကြားခဲ့သည်။
