CNG Gas ရရှိမှုမလုံလောက်၍ YBS ခရီးသည်တင်ကားအနည်းငယ်သာပြေးဆွဲနိုင်မည်
YBS ခရီးသည်တင်ကားများနှင့်အဌားကားများတွင် အသုံးပြုမှုသည့် CNG Gas ရရှိမှုမလုံ လောက်သဖြင့် လတ်တလောတွင် YBS ခရီးသည်တင်များအနည်းငယ်သာပြေးဆွဲနိုင်မည်ဖြစ် ကြောင်း သိရသည်။
“ညကတော့အိမ်ပြန်ရတာအတော်ဒုက္ခရောက်တယ်ဗျာ လိုင်းကားတွေကမလာဘူး လာတဲ့ကားကိုပဲစုပြုံပြီးတက်ရတော့ ကားပေါ်မှာလည်းကြပ်ညပ်နေတာပဲ Gas မရလို့ကားတွေမထွက်နိုင်ဘူးတဲ့ မှတ်တိုင်တွေမှာလည်းလူတွေပုံနေတာပဲ”ဟု ဒဂုံတောင်မြို့နယ်နေ ကိုဝေဖြိုးကပြောသည်။
“ကျွန်တော်မနက်က ရုံးသွားဖို့ထွက်လာတော့ ကားဂိတ်မှာမေးကြည့်တော့ ကားတွေကထွက်တော့ထွက်မယ် ကားစီးရေနည်းမယ်လို့တော့ပြောတယ် Gas မရလို့ကားတွေသိပ်မထွက်နိုင်ဘူးတဲ့”ဟု ဒဂုံတောင်မြို့နယ်နေ ကိုစည်သူကပြောသည်။
ထိုသို့ YBS ခရီးသည်တင်ကားများပြေးဆွဲမှုလျော့နည်းရခြင်းမှာ CNG Gas လုံလောက်စွာမရရှိခြင်း၊ရရှိသည့် CNG Gas များမှာသန့်ရှင်းမှုမရှိခြင်းတို့ကြောင့် ပြေးဆွဲရန်အခက်အခဲများကြုံ တွေ့နေရသဖြင့် ပြေးဆွဲသည့်ကားစီးရေလျော့ နည်းရခြင်းဖြစ်ကြောင်း သိရသည်။
“ကျွန်တော်တို့က YBS ကိုပဲအားပြုပြီးသွားနေရတာ အခုအဲ့လိုမျိုးတွေဖြစ်တော့ အလုပ်သွားရတာအရမ်းခက်တယ် ပြန်လာတဲ့အချိန်ဆိုရင်လည်း အလုပ်ပင်ပန်းလာတော့ စောစောစီးစီးပြန်နားချင်တယ် အခုလိုကားတွေက Gas မရလို့သိပ်မထွက်ကြတော့ လာတဲ့ကားကိုပဲတိုးဝှေ့စီးရတဲ့အခါ ပိုပြီးပင်ပန်းရတယ်”ဟု ဒဂုံတောင်မြို့နယ်နေ ကိုစည်သူကပြောသည်။
