Myanmar National League 2024-25 Week-15 ပွဲစဉ်ကို ယမန်နေ့ ဇန်နဝါရီ (၁၃)ရက်၌ တောင်ကြီးကွင်း၌ အိမ်ရှင် ရှမ်းယူနိုက်တက်နှင့် သစ္စာအားမာန်အသင်းတို့ ယှဉ်ပြိုင်ကစားခဲ့ရာ ရှမ်းယူနိုက်တက်အသင်းက (၃)ဂိုး (၁) ဂိုးဖြင့် ဂိုးပြတ်အနိုင်ရရှိခဲ့ကြောင်း သိရသည်။
ယမန်နေ့ ပွဲစဉ်အတွင်း ကျောနံပါတ် (၇) ကျော်ကိုကို နှင့် ကျောနံပါတ်(၁၂) Bakayoko တို့ ဂိုးသွင်းယူနိုင်ခဲ့ခြင်းဖြစ်ပြီး၊ ပွဲစဉ်အပြီး ရှမ်းယူနိုက်တက်အသင်း နောက်ခံကစားသမား သက်ဟိန်းစိုး က AYA Pay အကောင်းဆုံး ကစားသမားဆု ရရှိခဲ့သည်။
ချန်ပီယံ ရှမ်းယူနိုက်တက်အသင်းအနေဖြင့် Week(၁၄)ပွဲစဉ်အအပြီးတွင် ရမှတ် (၄၀)မှတ်ဖြင့် ရပ်တည်မှုအဆင့်(၁)၌ ရပ်တည်နေသော အသင်းတစ်သင်းဖြစ်သည်။
၂၀၂၄-၂၀၂၅ မြန်မာနေရှင်နယ်လိဂ် ဘောလုံးပြိုင်ပွဲကို နိုင်ငံတကာဘောလုံးပြက္ခဒိန်နှင့်အညီ ပထမဆုံးအကြိမ် ကျင်းပပြုလုပ်နေခြင်းဖြစ်ပြီး၊ ပြိုင်ပွဲအား ဇူလိုင် (၆)ရက်မှစတင်ခဲ့ကာ ဘောလုံးကလပ်အသင်း (၁၂)သင်း ပါဝင်ကစားနေကြခြင်းလည်းဖြစ်သည်။
ယခုနှစ် ကျင်းပနေသည့် မြန်မာနေရှင်နယ်လိဂ်ပြိုင်ပွဲသည် (၁၅)ကြိမ်မြောက် ရှိပြီဖြစ်ကာ ၂၀၂၄ ဇူလိုင်လ (၆) ရက်မှ ၂၀၂၅ ဖေဖော်ဝါရီလ (၁၆) ရက်ထိ (၈) လကြာ ကျင်းပပြုလုပ်သွားမည်ဖြစ်သည်။