မတ်လ (၂၈) ရက်က လှုပ်ခတ်ခဲ့သည့် အင်အားပြင်း ငလျင်ကြောင့် မန္တလေးမြို့ရှိ SKY Villa ကွန်ဒိုပြိုကျမှုတွင် ကွယ်လွန်သွားပြီဟု ယူဆထားသည့် သုခဒိုင်းမွန်း စိန်တိုက်ပိုင်ရှင်၏ အသံကို အပျက်အစီးများအောက်မှ ကြားနေရသည့်အတွက် အသက်ရှင်လျက် ကယ်ဆယ်နိုင်ရေး လုပ်ဆောင်နေကြောင်း သုခဒိုင်းမွန်း စိန်တိုက်က သတင်းထုတ်ပြန်သည်။
” သတင်းကောင်းလေး ပြောပါရစေရှင့်။ မေမိုး အသံကိုကြားရပါပြီနော်။ ထုတ်တန်းတွေကြောင့် အခုချိန်ထိတော့ ပြန်လည်ထွက်ရှိနိုင်ဖို့ ကြိုးစားနေပါတယ်ရှင့်” ဟု သုခဒိုင်းမွန်းစိန်တိုက်က သတင်းထုတ်ပြန်ထားသည်။
သုခဒိုင်းမွန်း စိန်တိုက်ပိုင်ရှင် သီရိသုဓမ္မသိင်္ဂီ ဒေါ်မိုးသီတာရွှေ အပါအဝင် Sky Villa ကွန်ဒို ပြိုကျမှုတွင်ပိတ်မိနေသူများကို လက်ရှိအချိန်တွင် တရုတ်နိုင်ငံမှ ရောက်ရှိလာသည့် ကယ်ဆယ်ရေးအဖွဲ့ဝင်များ၊ မြန်မာနိုင်ငံ မီးသတ်တပ်ဖွဲ့ မှ ကယ်ဆယ်ရေးအဖွဲ့များ၊ ကြက်ခြေနီတပ်ဖွဲ့ဝင်များ၊ လူမှုကူညီရေးအဖွဲ့များ ပူးပေါင်း ကယ်ဆယ်လျက်ရှိပြီး ေ-သဆုံး ရုပ်အလော-င်းများစွာလည်း သယ်ထုတ်ရန် ကျန်နေသေးကြောင်း ကယ်ဆယ်ရေးအဖွဲ့ဝင်များက ဆိုသည်။