ကိုဗစ်ကြောင့်အိမ်ကနေမကြာခဏအလုပ်လုပ်ဖြစ်တယ်္။ပြီးခဲ့တဲ့၂နှစ်နီးပါးကမဲလ်ဘုန်းမှာကိုဗစ်ပြင်းထန်တုန်းကဆို၃လလောက်ဆက်တိုက် အိမ်ကနေအလုပ်လုပ်ဖြစ်တာတွေရှိခဲ့တယ်။
နောက်ပိုင်းလည်း၂ရက်သို့မဟုတ်၃ရက်လောက်အိမ်မှာလုပ်ကျန်တဲ့ရက် အလုပ်ကိုသွားနဲ့လုပ်ခဲ့ကြတာ။
ခုနောက်ပိုင်းကိုဗစ်ပြန်ငြိမ်သွားလို့မဟုတ်ပေမဲ့သာမန်ဗိုင်းရပ်လောက်သဘောထားတဲ့ကိုဗစ်လို့ပြောရမယ့်အချိန်မှာတောင်အလုပ်တွေက hybrib သဘောမျိုးနဲ့ အချို့ရက်တွေမှာ
အိမ်ကနေလည်းအလုပ်လုပ်ဖို့အခွင့်ရေးပေးတာတွေရှိတယ်။
ကိုယ်ကတော့အိမ်ကနေလုပ်တာထက်အလုပ်ကိုသွားပြီးတော့ရုံးမှာလုပ်တာကိုပိုသဘောကျသလိုပဲဒါပေမဲ့လည်း တစ်ခါတစ်လေတော့ဒီနေ့လိုမျိုးမှာအိမ်ကနေပဲလုပ်ဖြစ်ပါတယ်။
ကိုဗစ်ဖြစ်ပြီးနောက်ပိုင်းနည်းပညာပိုင်းဆိုင်ရာ၊ဆော့ဖ်ဝဲစသဖြင့်ကို ကမ်ပဏီတွေအတော်များများကမြှင့်တင်လိုက်ကြသလိုနောင်တစ်ချိန်ကပ်ဆိုးတွေထပ်ဖြစ်လာ၊လက်ရှိဖြစ်နေတာတွေနဲ့အန်တုရင်ဆိုင်ရင်းအလုပ်မပျက်ဘဲစီးပွားရေးဆက်လက်ဖွံ့ဖြိုး၊အဆက်မပြတ်အောင်ကြံဆောင်လုပ်ကိုင်နေကြပါတယ်။
ဆော့ဖ်ဝဲတွေအားလုံးကို cloud based မှာလုပ်ထားပြီးလူတိုင်းအချိန်မရွေး၊နေရာမရွေးလွယ်လွယ်ကူကူဝင်ရောက်လုပ်ကိုင်နိုင်အောင်လုပ်ထားကြပါတယ်။
စက်မှုတော်လှန်ရေး (၁) Industrial Revolution (IR 1.0) ရေနွေးငွေ့စက်ခေါင်းလိုစက်ကိရိယာတွေတည်ထွင်တဲ့ခေတ်
စက်မှုတော်လှန်ရေး (၂) Industrial Revolution (IR 2.0) လျှပ်စစ်ဖြင့် စက်မှုလုပ်ငန်းများ တိုးတက်ထွန်းကားသော ခေတ် (mass production)
စက်မှုတော်လှန်ရေး (၃) Industrial Revolution (IR 3.0) ကွန်ပျူတာအီလက်ထရွန်နစ်ပစ္စည်းများ နှင့် အင်တာနက်အသုံးချမှုတွင်ကျယ်သော ခေတ်
စတုတ္ထစက်မှုတော်လှန်ရေး-4th Industrial Revolution (IR 4.0) ကျတော့
အဆင့်မြင့်ဉာဏ်တု AI (Artificial Intelligence)၊ ဆိုက်ဘာနည်းပညာ နှင့်Internet of Things (IoT) ဆိုတဲ့အရာရာကုန်ထုတ်လုပ်မှုနဲ့ပစ္စည်းတွေအားလုံးကိုအင်တာနက်နဲ့ချိတ်ဆက် အသုံးချနိုင်မှု ဥပမာကိုယ့်အိမ်ကအဲယားကွန်းကိုအိမ်ပြန်မရောက်ခင်အင်တာနက်ကလှမ်းဖွင့်တာ၊လက်ရှိသုံးနေတဲ့ အိုင်ဝပ်ချ်လိုနာရီမျိုးတွေ၊လက်ရှိရောင်းနေကျတဲ့အချို့ရေခဲသေတ္တာတွေ၊အိမ်လုံခြုံရေး စနစ်တွေ၊မကြာခင်ပေါ်လာတော့မဲ့အလိုအလျှောက်မောင်းတဲ့ကားတွေ စသဖြင့်လူတွေရဲ့နေ့စဉ်ဘဝထဲကိုဝင်လာမဆဲတသဲသဲတွေဟာ
Internet of Things (IoT) တွေပါပဲ။
Cloud Computing and analytics တွေ Machine Learning၊ Edge Computing၊ Cyber Security၊ Digital Twin တွေအစရှိသဖြင့်
လူမှုဘဝကို မြှင့်တင်ပေးသော စက်မှုတော်လှန်ရေးစတုတ္ထစက်မှုတော်လှန်ရေး ဆိုပြီးကိုဗစ်မဖြစ်ခင်ကတည်းကပြောနေကျတဲ့အရာတွေဟာကိုဗစ်လည်းဖြစ်လိုက်ရောဒစ်ဂျစ်တယ်ပြုပြင်ပြောင်းလဲရေးအရှိန်ကိုပိုမြှင့်ဖို့လိုတယ်ဆိုတာအစိုးရတွေရော၊စီးပွားရေးသမားတွေကပါသဘောပေါက်လာကြပြီးတော့
Industrial Revolution 4.5 တွေ
Industrial Revolution 5.0 တွေကို
အစပြုနေကျပြီဆိုပါတယ်။
ကျနော့်အထင်ကျနော်တတ်ထားတဲ့ပညာလက်ရှိလုပ်နေတဲ့အလုပ်တွေဟာလွန်ရောကျွန်ရောနောက်ထပ် ၅နှစ်ကနေ ၁၀နှစ်လောက်အတွင်းမှာသိပ်လိုအပ်တော့မှာမဟုတ်သလိုစက်ရုပ်တွေနဲ့ automation တွေကအစားထိုးဝင်ရောက်တော့မှာဆိုတော့အလုပ်လက်မဲ့တွေလည်းပိုများလာမဲ့သဘောရှိသလိုကျနော်တို့လိုအသက်အရွယ်ကတော့ဒီလိုပဲဖင်လှည့်ခေါင်းလှည့်နဲ့ပင်စင်စားချိန်သိပ်မဝေးတော့လို့နေလို့ရပေမဲ့၊လက်ရှိလူငယ်တွေအများစုဟာကိုယ့်အနာဂတ်အတွက်ဘယ်လိုပညာမျိုးရှာဖွေဆည်းပူးပြီးကိုယ့်ဘဝရပ်တည်မလည်းဆိုတာအသေချာစဉ်းစားရမဲ့အချိန်လည်းဖြစ်ပါတယ်
ကမ္ဘာကြီးမှာဘယ်လိုပဲ စက်မှုတော်လှန်ရေး ၄ တွေ ၅ တွေပြောနေပါစေ အဓိကမောင်းနှင်ပေးတဲ့အရာကတော့ပညာရေးစနစ်ပဲလို့ပြောရမှာဖြစ်ပြီးဝမ်းနည်းစရာကောင်းတဲ့ကျနော်တို့ရွှေပြည်ကြီးမှာတော့တိုင်းပြည်အေးချမ်းတုန်းကတောင်
စက်မှုတော်လှန်ရေး ၄ နဲ့အနေဝေးသေးတာခုလိုကာလကျောင်းမတက်နဲ့ကျောင်းထွက်ကျဆိုပြီးတစ်ဖက်နဲ့တစ်ဖက်-တ်နေကြပြီးစက်မှုတော်လှန်ရေး (၂) တုန်းကအတွေးခေါ်တွေနဲ့ဆက်သွားကြရင်ဖြင့်ရွှေပြည်တော်မျှော်လေတိုင်းရင်လေးတယ်ပြောရင်းပြီးခဲ့တဲ့တစ်လကျော်လောက်ကမှပေါ်လာတဲ့အဆင့်မြင့်ဉာဏ်တု AI အက်ပ်တစ်မျိုးဖြစ်တဲ့၅ရက်လောက်အတွင်းမှာကိုသုံးစွဲသူ ၁သန်းကျော်သွားတဲ့ChatGPT အကြောင်းနောက်မှလေ့လာပြီးအကြမ်းဖျဥ်းရေးဖို့ကြိုးစားကြည့်ပါမယ်။
မြန်မာလူငယ်များ Industrial Revolution 4.5 တွေ
Industrial Revolution 5.0 တွေနဲ့အပြိုင်တွေးခေါ်နိုင်ကြပါစေကြောင်းဆုတောင်းပေးပါတယ်ဗျာ……
ချစ်ကို(မဲလ်ဘုန်း)
