နေပြည်တော်၌ ဇန်နဝါရီ ၃၁ ရက်က ကျင်းပခဲ့သည့် ကာလုံအစည်းအဝေးတွင် ပြောကြားချက်များသည် လက်ရှိဖြစ်ရပ်မှန်များဖြစ်၍ထောက်ခံ သည်ဟု USDP ပါတီအပါအဝင် နိုင်ငံရေးပါတီ ၂၂ ပါတီမှပူးတွဲသဘောထားထုတ်ပြန်ခဲ့သည်။
ကာလုံအစည်းအဝေးတွင် ပြောကြားချက်များ၊ “ပြည်သူကရွေးချယ်ထားသည့် ပါတီစုံဒီမိုကရေစီစနစ်ကို မလွဲမသွေလျှောက်လှမ်းရမည်ဖြစ်သည့် အတွက် ရွေးကောက်ပွဲကိုမဖြစ်မနေလုပ်ရမည်ဖြစ်ကြောင်း”ဆိုသည့်အချက်နှင့် နစက ၏ဥပဒေနှင့်အညီဆောင်ရွက်ချက်များသည် လက်ရှိဖြစ် ရပ်မှန်များဖြစ်သည်ဟု သဘောထားထုတ်ပြန်ခဲ့သည်။
အစည်းအဝေးတွင်ပြောကြားခဲ့သည့် ၂၀၂၀ ပြည့်နှစ် ပါတီစုံဒီမိုကရေစီအထွေထွေရွေး ကောက်ပွဲတွင်ဖြစ်ပွားခဲ့သည့် မဲမသမာမှုများ၊မဲမသမာမှုများကို တာ၀န်ရှိသူများကဖြေရှင်းပေးခြင်းမရှိဘဲ နိုင်ငံတော်အာဏာကို အဓမ္မနည်းဖြင့်ရယူရန်ကြိုးပမ်းဆောင်ရွက်ခဲ့မှုများ၊နိုင်ငံတော် တစ်၀န်းလုံး အရေးပေါ်အခြေအနေ ကြေညာခဲ့ရသည်အထိဖြစ်ပွားခဲ့သည့်အခြေအနေများသည် ပဂတိအရှိတရား၊အမှန်တရားသာဖြစ်သည်ဟု ထုတ်ပြန်ခဲ့သည်။
ထို့ပြင် နစက ၏ရှေ့လုပ်ငန်းစဉ်(၅)ရပ် အကောင် အထည်ဖော်ဆောင်ရွက်ခဲ့မှုများ၊ပြည်ထောင်စုရွေးကောက်ပွဲကော်မရှင်အသစ်ဖွဲ့စည်း၍ မဲစာ ရင်းစစ်ဆေးခဲ့မှုနှင့်စစ်ဆေးတွေ့ရှိခဲ့မှု အခြေအနေများ၊မဲမသမာမှုတွင် တာ၀န်ရှိသူများကိုအရေးယူဆောင်ရွက်ခဲ့မှုအခြေအနေများ၊ NLD ပါတီဥက္ကဋ္ဌနှင့်သမ္မတဟောင်းတို့က ပြည်ထောင်စုရွေး ကောက်ပွဲကော်မရှင်အပေါ် တိုက်ရိုက်နှင့်သွယ်ဝိုက်၍ ဖိအားပေးမှုအခြေအနေများ၊ ဒီမိုကရေစီ ဒုတိယသက်တမ်းကာလတွင် NLD ပါတီက အဂတိလိုက်စားမှုဖြစ်စဉ်များနှင့်တရားရုံးအသီးသီးတို့၌ ဥပဒေနှင့်အညီ စစ်ဆေးဆောင်ရွက်ခဲ့သည့် အခြေအနေများသည်လည်း ပဂတိအရှိတရား၊အမှန်တရားသာဖြစ်သည်ဟု ထုတ်ပြန်ရေးသားထားသည်။
ကိုဗစ်(၁၉)ရောဂါကာကွယ်ရေး၊ကုသရေးနှင့် ကာကွယ်ဆေးထိုးနှံပေးမှုအခြေအနေများ၊ နိုင်ငံတော်စီးပွားရေးဖွံ့ဖြိုးတိုးတက်စေရေးနှင့် ထာ၀ရငြိမ်းချမ်းရေးအတွက် ကြိုးပမ်းဆောင် ရွက်ခဲ့သည့်အခြေအနေများ၊ပြစ်ဒဏ်လွတ်ငြိမ်း ချမ်းသာခွင့်နှင့်လွတ်ငြိမ်းသက်သာခွင့်ပေးခဲ့သည့် အခြေအနေများ၊နောင်လာမည့်ရွေးကောက်ပွဲတွင် မဲစာရင်းများမှန်ကန်မှုရှိစေရေးဆောင်ရွက်လျက်ရှိသည့် အခြေအနေများ၊မူးယစ်ဆေးဝါး ဖော် ထုတ်ဖမ်းဆီးရမိမှုအခြေအနေများသည်လည်း ပဂတိအရှိတရား၊အမှန်တရားဖြစ်သည်ဟု ထုတ်ပြန်ရေးသားထားသည်။
အကြမ်းဖက်အုပ်စုဖြစ်သည့် CRPH, NUG နှင့် ၎င်းတို့၏ လက်ခံ PDF အမည်ခံ အကြမ်းဖက် သမားများ၏ အကြမ်းဖက်လုပ်ရပ်များနှင့်အဖျက်အမှောင့်လုပ်ရပ်များလုပ်ဆောင်နေမှုကြောင့် အပြစ်မဲ့ပြည်သူများ သေဆုံးဒဏ်ရာရရှိမှုနိုင်ငံပိုင် နှင့်ပုဂ္ဂလိကပိုင်ပစ္စည်းများ ပျက်စီးဆုံးရှုံးခဲ့ရမှု အခြေအနေများနှင့်နိုင်ငံတော်အာဏာကို ဆူပူ သောင်းကျန်းမှု၊အကြမ်းဖက်မှုများဖြင့်ရယူရန် ကြိုးပမ်းလုပ်ဆောင်လာမှုအခြေအနေများမှာလည်း ပကတိအရှိတရား၊အမှန်များသာဖြစ်သည်ဟု ပူးတွဲသဘောထားထုတ်ပြန်ချက်၌ရေးသားထားသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ အ မျိုးသားဒီမိုကရေစီပါတီသစ်ပါတီ၊ အမျိုးသားတိုးတက်ရေးပါတီ၊ ဒီမိုကရက်တစ်ပါတီ(မြန်မာ)၊ ခေတ်သစ်ပြည်သူ့ပါတီ၊ အမျိုးသားနိုင်ငံရေးမ ဟာမိတ်များ အဖွဲ့ချုပ်ပါတီ၊ ရခိုင်ပြည်နယ်အ မျိုးသားအင်အားစုပါတီ၊ ဒီမိုကရေစီနှင့်ငြိမ်းချမ်းရေးပါတီ၊ မတူကွဲပြားခြင်းနှင့်ငြိမ်းချမ်းရေးပါတီ၊ မြန်မာနိုင်ငံတောင်သူလယ်သမား ဖွံ့ဖြိုးတိုးတက်ရေးပါတီ၊ မြန်မာပြည်သူ့ဒီမိုကရက်တစ်ပါတီ၊ အ ခြေခံလူတန်းစားဘဝမြင့်မားရေးပါတီ၊ ပြည်သူ့အကျိုးပြုကျောင်းသားများပါတီ၊ ပြည်သူ့အင် အားပါတီ၊ ပြည်သူ့အလုပ်သမားပါတီ၊ ၈၈ မျိုး ဆက် ဒီမိုကရေစီပါတီ၊ ပြည်ထောင်စုလယ်သမား အလုပ်သမား အင်အားစုပါတီ၊ လူထုပါတီ၊ အမျိုး သားတိုးတက်မြင့်မားရေးပါတီ၊ မြိုတိုင်းရင်းသားဖွံ့ဖြိုးတိုးတက်ရေးပါတီ၊ ပြည်ထောင်စုမြန်မာ နိုင်ငံ အမျိုးသားနိုင်ငံရေးအဖွဲ့ချုပ်ပါတီ၊ ၈၈ မျိုး ဆက်ကျောင်းသားလူငယ်များ(ပြည်ထောင်စုမြန် မာနိုင်ငံ)ပါတီတို့မှ ပူးတွဲသဘောထားထုတ်ပြန်ခဲ့ခြင်းဖြစ်သည်။
