ဒါရိုက်တာ ရာဇဝင်ကို ရဲ့ ငွေချေးယူမှုနဲ့ပတ်သက်ပြီး တခြားသော အနုပညာရှင် များ ကို ဖုန်းဆက်ဆဲဆို ခြင်းနဲ့ပတ်သက်ပြီး ဒါရိုက်တာရာဇဝင်ကို က တစ်ပါးသူဆီက ချေးယူခြင်းမပြုလုပ်ချင်တဲ့ အတွက် စကားမပြောရတဲ့ Application ကနေ ချေးဌားမိခဲ့ကြောင်း ရင်ဖွင့်ပြောပြလာပါတယ်။
“ကျွန်တော်ကသူတို့ကိုအတိုးပေးရတာ ၄၅ရာခိုင်နှုန်းလောက်ပေးရတာ။ငါးသောင်းချေးရင် သူတို့ကသုံးသောင်းပတ်ဝန်းကျင်လောက်ပဲပေးပြီး အတိုးကိုတစ်ခါတည်းနှုတ်ထားတာ။သူတစ်ပါးဆီကပိုက်ဆံချေးရတာအရမ်းရှက်တယ်။ကိုယ်ရှိရင်သာပေးလိုက်ချင်တာ။ဒီတော့ကျွန်တော်ကစကားတွေအများကြီး မပြောရတဲ့ Application ကနေတဆင့် ငွေချေး လိုက်တာလို့”ဒါရိုက်တာ ရာဇဝင်ကို က ငွေချေးယူဖြစ်ခဲ့တဲ့အကြောင်းနဲ့ ပတ်သက်ပြီး ပြောပြလာပါတယ်။
အရေပြားမှိုစွဲတဲ့ တပည့်တစ်ယောက်ကို ဆေးကုပေးချင်တဲ့ ဆန္ဒနဲ့ ငွေချေးယူမိခဲ့ပြီး အဆိုပါချေးငွေ လုပ်ငန်း မှာ ငွေချေးပါက ကိုယ်တိုင် အသုံးပြုနေတဲ့ဖုန်း ရဲ့ Privacy ကို ထိန်းချုပ်ခံနိုင်မှသာချေးယူလို့ရတယ်လို့ ဒါရိုက်တာရာဇဝင်ကို က “ ကင်မရာ Access လုပ်ပေးရတယ်။ဖုန်းရဲ့ Location ကို Access လုပ်ပေးရတယ်။ဖုန်း နံပတ်တွေ ပုံတွေ SMS တွေကအစ အကုန်ထိန်းချုပ်ထားခဲ့တာပါ။ဒီအတွက် ကျွန်တော်နဲ့ အလုပ်လုပ်ဖူးတဲ့ဖုန်းနံပတ်တွေကိုလိုက်ဆက်ပြီးပြောတာပါ။”လို့ ရှင်းပြလာပါတယ်။
ဒါရိုက်တာ ရာဇဝင်ကို က ဆိုရှယ်မီဒီယာကို မသုံးဖြစ်တာ တစ်နှစ်ကျော် ပြီဖြစ်တဲ့အတွက် ယခုလို အနုပညာရှင်များထံလိုက်လံဖုန်းဆက်တဲ့အကြောင်းများကိုမသိရှိဘဲ သရုပ်ဆောင် ဝါဝါအောင် မှ ဖုန်းဆက်ပြောပြမှသာ သိခဲ့ရတာလို့ပြောပါတယ်။
အလှမယ် သရုပ်ဆောင် ထက်ထက်ထွန်း က သူမလူမှုကွန်ယက် စာမျက်နှာ မှာ ဒါရိုက်တာ ရာဇဝင်ကို ရဲ့ငွေချေးယူမှုကြောင့် ဆဲဆို ခံရကြောင်းတင်ခဲ့ပြီး သူမရဲ့ စာအောက်မှာလည်း အနုပညာရှင်များစွာ ကလည်း ယခုလိုထပ်တူပြောဆိုခံရတယ်လို့ရေးသားထားလာတာတွေ့ရပါတယ်။
ဒါရိုက်တာ ရာဇဝင်ကို က ဟာသရုပ်ရှင်ဇာတ်ကားကြီး များ နဲ့ ပရိသတ်အားပေးမှုရရှိတဲ့သူတစ်ယောက်ဖြစ်ပြီး လက်ရှိမှာတော့ အနုပညာအလုပ်ကို မလုပ်ဖြစ်သေးဘူးလို့သိရပါတယ်။
