တနင်္သာရီတိုင်း၊ပုလောမြို့နယ်၊ကဒဲကျေးရွာရှိ နေအိမ်တစ်လုံးအတွင်း၌ လက်နက်ကိုင်အဖွဲ့ဝင်များ၏ ဖမ်းဆီးခြင်းခံထားရသည့် ပြည်သူ ၁၃ ဦးအား လုံခြုံရေးအဖွဲ့ဝင်များမှ ဖေဖော်ဝါရီ ၁၆ ရက်နေ့လည်ပိုင်းက ကယ်တင်နိုင်ခဲ့ကြောင်း နစက ကသတင်းထုတ်ပြန်ခဲ့သည်။
လက်နက်ကိုင်အဖွဲ့ဝင်များသည် တနင်္သာရီတိုင်းအတွင်းရှိ မြို့ရွာအချို့မှ နိုင်ငံ့ဝန်ထမ်းများ၊ကျေး ရွာသူ၊ကျေးရွာသားများအား ပုလောမြို့နယ်၊ကဒဲကျေးရွာအတွင်းရှိ နေအိမ်တစ်လုံးအတွင်း၌ ချုပ်နှောင်ဖမ်းဆီးထားခဲ့ခြင်းဖြစ်သည်။
ထိုသို့ ဖမ်းဆီးခံပြည်သူများအား ညှဥ်းပန်းနှိပ်စက်မှုများပြုလုပ်နေကြောင်း သတင်းအရ ရှာဖွေကယ်တင်နိုင်ရန် လုံခြုံရေးအဖွဲ့ဝင်များက ဆောင်ရွက်ခဲ့ကြသည်။
ထို့ကြောင့် လက်နက်ကိုင်အဖွဲ့ဝင်များ၏ ချုပ်နှောင်ဖမ်းဆီးခြင်းခံထားရသည့် အမျိုးသား ၁၁ ဦးနှင့်အမျိုးသမီး ၂ ဦးတို့အား ကဒဲကျေးရွာရှိ နေအိမ်တစ်လုံးအတွင်းမှ ပြန်လည်ကယ်တင်နိုင်ခဲ့ပြီးနောက် ကျန်းမာရေးစောင့်ရှောက်မှုများပြုလုပ်ပေးလျက်ရှိသည်ဟု နစက ၏သတင်းထုတ်ပြန်ရေးအဖွဲ့မှ သိရသည်။
လုံခြုံရေးအဖွဲ့ဝင်များ၏ မေးမြန်းချက်များအရ ဖမ်းဆီးခံရသူများသည် နိုင်ငံ့ဝန်ထမ်းများနှင့်ဒေ သခံများဖြစ်ကာ ထားဝယ်-မြိတ်ကားလမ်းတစ် လျှောက်ပုံမှန်သွားလာစဉ်နှင့်တောင်ယာလုပ်ငန်းများလုပ်ကိုင်စဉ် ဖမ်းဆီးခံခဲ့ရခြင်းဖြစ်ကြောင်း သိရသည်။
ဖမ်းဆီးခံရချိန်တွင်လည်း လက်နက်ကိုင်အဖွဲ့ဝင်များက ရိုက်နှက်မှုများ ၎င်းတို့ပိုင်ဆိုင်သည့် ဖုန်း၊ငွေနှင့်ပစ္စည်းများအား သိမ်းဆည်းခံရခြင်းများရှိခဲ့ပြီး ကဒဲကျေးရွာရှိ နေအိမ်အတွင်း၌ဖမ်းဆီး ချုပ်နှောင်ထားချိန်၌ နေအိမ်အပြင်မှသော့ခတ်၍ လက်နက်ကိုင်အဖွဲ့ဝင် ၁၀ ဦးခန့်ကစောင့်ကြည့်ခြင်းများရှိသည်ဟုဆိုသည်။
ထို့ပြင် ၎င်းတို့အားချုပ်နှောင်ဖမ်းဆီးထားစဥ် ယခင် ဖမ်းဆီးခံရသူ ၃ ဦးခန့်အား လက်ပြန်ကြိုးတုတ်၍ ခေါ်ဆောင်သွားကာ ပြန်လည်ရောက်ရှိလာခြင်းမရှိကြောင်းလည်း သိရှိရသည်။
