ယခုအခါတွင်အိန္ဒိယ ဘီလီယံနာ အဒါနီ (အိန္ဒိယဝန်ကြီးချုပ်မိုဒီနှင့်နီးကပ်သော ဆက်ဆံရေးရှိသူ)၏ စီးပွားရေးမှာ ကမ္ဘာလုံးဆိုင်ရာ စိစစ်မှုနှင့်ကြုံနေရချိန်ဖြစ်သည်
အဒါနီအုပ်စုနှင့် သဘောတူညီချက်များလက်မှတ်ထိုးထားသည့်တောင်အာရှနိုင်ငံများက စာချုပ်များအားပြန်လည်သုံးသပ်ဖို့ တောင်းဆိုနေကြသည်။
ဘင်္ဂလားဒေ့ရှ်နိုင်ငံသည်လည်း ၂၀၁၇ ခုနှစ်တွင် အဒါနီနှင့်ချုပ်ဆိုခဲ့သော လျှပ်စစ် စာချုပ်အား ပြန်လည်ပြင်ဆင်ပေးရန် တောင်းဆိုနေသည်။
“သဘောတူညီချက်ကို ပြန်လည်ပြင်ဆင်ဖို့ အိန္ဒိယကုမ္ပဏီနဲ့ ကျွန်တော်တို့ ဆက်သွယ်ထားပါတယ်” ဟု ဘင်္ဂလားဒေ့ရှ်အစိုးရပိုင် BPDB မှ တာဝန်ရှိသူတစ်ဦးက ပြောကြားခဲ့သည်။
အိန္ဒိယဝန်ကြီးချုပ် မိုဒီ သည် ဘင်္ဂလားဒေ့ရှ်နိုင်ငံသို့ ၂၀၁၅ခုနှစ်ကလာရောက်သည့် ခရီးစဉ်အတွင်း ဘင်္ဂလားဒေ့ရှ်ဝန်ကြီးချုပ် ရှိတ်ဟာစီနာ အား “ဘင်္ဂလားဒေ့ရှ် လျှပ်စစ်ဓာတ်အားထုတ်လုပ်ရေး၊ သွယ်တန်းရေးနှင့် ဖြန့်ဖြူးရေးကဏ္ဍတွင် အိန္ဒိယကုမ္ပဏီများ ဝင်ရောက်လုပ်ကိုင်လိုကြောင်းနှင့်အဆင်ပြေစေရန်”တောင်းဆိုခဲ့ဖူးသည်။
အိန္ဒိယအစိုးရနှင့် ပုဂ္ဂလိကကုမ္ပဏီများမှဘင်္ဂလားဒေ့ရှ်သို့ ကန်ဒေါ်လာ ၄ ဒသမ ၅ ဘီလီယံတန်ဖိုးရှိလျှပ်စစ်ဓာတ်အားများရောင်းချရန် သဘောတူညီမူရခဲ့သည်။
Source:thediplomat