မကြာခနဖမ်းမိနေသော စိတ်ကြွဆေးပြားများနှင့် လူငယ်ထု၏သုံးစွဲမှု၊စိတ်ပိုင်းဆိုင်ရာတက်ကြွမှုတို့ကဆေးမသုံးလျှင်မတက်ကြွခြင်း စသည့် လူငယ့်အနာဂတ် အတွက်အားလုံး၏ကဏ္ဍကိုယ်စီသည်အရေးပါလာသည့် ကာလဖြစ်သည်။ ယခုလည်း ထပ်မံဖမ်းမိနေသည်။
ရန်ကုန်တိုင်း၊မရမ်းကုန်းနှင့်ဒဂုံမြို့သစ်(အရှေ့ပိုင်း)မြို့နယ်တို့မှ ဖေဖော်ဝါရီ ၂၃ ရက်ညပိုင်းက ဖမ်းဆီးရမိခဲ့ခြင်းဖြစ်ကြောင်း ရဲတပ်ဖွဲ့မှသိရသည်။
ဖေဖော်ဝါရီ ၂၃ ရက်ည ၆ နာရီခန့်က မူးယစ်ဆေး ဝါးတားဆီးနှိမ်နင်းရေးရဲတပ်ဖွဲ့ဝင်များသည် မရမ်းကုန်းမြို့နယ်၊(၁၀)ရပ်ကွက်၊မြကျွန်းသာပန်း ခြံအနီးတွင် ကျော်ကိုလွင် မောင်းကာ လှထွေး (ခ)ကိုထွေး လိုက်လာသည့် ISUZU BIGHORN ကားအားသတင်းအရရှာဖွေစစ်ဆေးခဲ့ကြသည်။
ကားပေါ်မှ စိတ်ကြွဆေးပြား ၂ သိန်းအား ဖမ်းဆီးရမိခဲ့သဖြင့် စစ်ဆေးရာမှ ည ၇ နာရီတွင် ဒဂုံမြို့သစ်(အရှေ့ပိုင်း)မြို့နယ်၊(၁၃၃)ရပ်ကွက်ရှိ ကျော်ကိုလွင် ၏နေအိမ်မှ စိတ်ကြွဆေးပြား၂ ဒသမ ၁ သိန်းအား ထပ်မံဖမ်းဆီးရမိခဲ့သည်ဟု ရဲတပ်ဖွဲ့မှသိရသည်။
အဆိုပါ ငွေကျပ်သိန်း ၄၁၀၀ တန်ဖိုးရှိ စိတ်ကြွ ဆေးပြား ၄ ဒသမ ၁ သိန်းအားရှမ်းပြည်နယ် (တောင်ပိုင်း)မှ ရန်ကုန်တိုင်းသို့ သယ်ဆောင်ခြင်းဖြစ်ကြောင်း ဖော်ထုတ်သိရှိခဲ့ရသည်။
ထို့ကြောင့် ဖမ်းဆီးရမိသူများအား မူးယစ်ဆေး ဝါးနှင့်စိတ်ကိုပြောင်းလဲစေသောဆေးဝါးများဆိုင် ရာဥပဒေအရအမှုဖွင့်ကာ စစ်ဆေးလျက်ရှိကြောင်း သိရသည်။
သုံးစွဲချင်နေသူများ၏စိတ်အခြေခံ၊ စီးပွားဖြစ်ဖြန့်ချင်နေသူများ၏ ဗဟုသုတ နှင့်ကျင့်ဝတ်၊ဖြန့်၍ရနေသည့်နေရာများ၊ကာကွယ်နိုင်သည့်နည်းလမ်းများ စသည်တို့ကို ဝိုင်းဝန်းဆွေးနွေး အဖြေရှာပေးကြပါစို့။
