ULA/AA နှင့် ပတ်သက်ဆက်နွယ်မှုကြောင့် ဖမ်းဆီးခံ ထားရသည့် အရပ်သားပြည်သူများကို နစက အနေဖြင့် ပြန်လွှတ်ပေးရန် နှောင့်နှေးနေသည်ဆိုသည့် ပြောဆိုမှုသည် တစ်ဖက်သတ်ဆန်သည့် စွပ်စွဲချက်သာဖြစ်ကြောင်း ဗိုလ်ချုပ်ဇော်မင်းထွန်းက ပြောသည်။
ယနေ့ ဖေဖေါ်ဝါရီ (၂၇) ရက် နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ရခိုင်ပြည်နယ် စစ်တွေမြို့သို့ရောက်ရှိနေသည့် အချိန်နှင့် အချိန်ကိုက်ပြုလုပ်ခဲ့သည့် ULA/AA ၏ သတင်းစာရှင်းလင်းပွဲတွင် ဦးခိုင်သုခက အဆိုပါ ကိစ္စနှင့် ပတ်သက်၍ ထည့်သွင်း ပြောကြားခဲ့ခြင်း ဖြစ်သည်။
နစက အနေဖြင့် ULA/AA နှင့် ပတ်သက်ဆက်နွယ်သည်ဟု သံသယရှိသဖြင့် ဖမ်းဆီးကာ တရားစွဲဆို ပြစ်ဒဏ်ချမှတ်ထားသူများကို လွတ်ငြိမ်းချမ်းသာခွင့် ပြန်လွှတ်ပေးလျက်ရှိပြီး လက်ရှိတွင် (၁၂၅) ဦး ပြစ်ဒဏ်လွတ်ငြိ မ်းခွင့်ပေးခဲ့ပြီး ဖြစ်ကြောင်း သိရသည်။
” ULA/AA အနေနဲ့ သူတို့ဆီကနေ သူတို့နဲ့ ပတ်သက်လို့ ကျွန်တော်တို့ ဖမ်းဆီးထားတဲ့ သူတွေကို ကျွန်တော်တို့ လွတ်မပေးဘူးဆိုတဲ့ဟာ တစ်ဖက်သတ်စွတ်စွဲတာမျိုး တွေ့ရတယ်” ဟု နစက ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောသည်။
နစက အစိုးရအနေဖြင့် ULA/AA နှင့် ဆက်နွယ်မှုကြောင့် ဖမ်းဆီးထားသူများကို ပြန်လွှတ်ပေးခဲ့ရာတွင် NCA (၆) နှစ်ပြည့်နေ့၌ (၆၁) ဦး ၊ စိန်ရတု ပြည်ထောင်စုနေ့တွင် (၄၆) ဦး ၊ အမျိုးသားနေ့တွင် (၁၇) ဦးကို ပြစ်ဒဏ် လွတ် ငြိမ်းခွင့်ပေးခဲ့ပြီး ဖြစ်ကြောင်းလည်း ၎င်း ကဆိုသည်။
ထို့အပြင် KIA ၊ TNLA၊ MNDAA ၊ RCSS၊ KNU၊ SSPP စသည့် တိုင်းရင်းသား လက်နက်ကိုင် အဖွဲ့များနှင့် ဆက်နွယ်၍ တရားစွဲဆို ခံထားရသူ စုစုပေါင်း (၂၀၅) ဦးကိုလည်း ပြစ်ဒဏ် လွတ်ငြိမ်းခွင့် ပေးခဲ့ပြီး ဖြစ်ကြောင်း သိရသည်။
AA နှင့် မြန်မာ့တပ်မတော်တို့အကြား ၂၀၂၂ ခုနှစ်အတွ င်း တကျော့ပြန်စစ်ပွဲများ ပြန်လည်ဖြစ်ပွားခဲ့ပြီး နှစ်ဖက်အဖွဲ့အစည်းများက အပြန်အလှန်ဖမ်းဆီးမှုများ ရှိခဲ့ပြီး အချို့မှာ ယခုအချိန်ထိ ပြန်လည်လွတ်မြောက်လာခြင်း မရှိသေးကြောင်း ဒေသတွင်း သတင်းရင်းမြစ်များနှင့် နှစ်ဖက်အဖွဲ့အစည်းများနှင့် နီးစပ်သူများထံမှ သိရသည်။
ရခိုင်ပြည်နယ်အတွင်း စစ်ရေးတင်းမာနေသည့် မြန်မာ့တ ပ်မတော်နှင့် AA တို့အကြား မစ္စတာဆာဆာကာဝါ၏ ကြားဝင်ညှိနှိုင်းပေးမှုဖြင့် ပြီးခဲ့သည့် ၂၀၂၂ ခုနှစ် နိုဝင် ဘာ လကုန်ပိုင်းတွင် အလွတ်သဘော အပစ်အခတ်ရပ်စဲခဲ့ကြသည့်အတွက် လက်ရှိတွင် ရခိုင်ပြည်နယ်အတွင်း၌ စစ်ရေးအခြေအနေ တည်ငြိမ်လျက်ရှိနေသည်။
ယင်းခဲ့သို့ နှစ်ဖက်အလွတ်သဘော အပစ်အခတ်ရပ်စဲထားချိန်တွင် မြန်မာ့တပ်မတော်အနေဖြင့် ရခိုင်ပြည်နယ်အတွင်း စစ်အင်အားတိုးချဲ့မှုများ လုပ်ဆောင်နေသည်ဟု ပြောဆိုမှုများ ရှိနေပြီး ယင်းကဲ့သို့ ပြောဆိုမှုများမှာ ရခိုင်ပြည်သူလူထု အထင်အမြင်လွဲမှားစေရန်အတွက် တစ်ဖက်သတ်ပြောဆိုမှုများသာ ဖြစ်ကြောင်း ဗိုလ်ချုပ်ဇော်မင်းထွန်းက ပြောသည်။
” တပ်မတော်အနေဲ့ ရခိုင်ပြည်နယ်မှာ စစ်အင်အားတွေ တိုးချဲ့နေတယ်ဆိုတဲ့ ပြောဆိုမှုတွေလည်း ရှိပါတယ်။ ဒါဟာ ရခိုင်ပြည်သူလူထုကို ထင်ယောင်ထင်မှားဖြစ်အောင် ဆောင်ရွက်နေတာ ဖြစ်ပါတယ်” ဟု ၎င်းကဆိုသည်။
မြန်မာ့တပ်မတော်အနေဖြင့် ရခိုင်ပြည်နယ်အတွင်း ယခင်က ရှိပြီးသား လုံခြုံရေး အင်အားအတိုင်းသာရှိပြီး အင်အားတိုးချဲ့နေခြင်းမျိုး မရှိကြောင်းလည်း ၎င်းကဆိုသ ည်။
