မကွေးတိုင်းဒေသကြီး မြိုင်နှင့် ပေါက်မြို့နယ်အတွင်းရှိ PDF များထံ ပို့ဆောင်ရန် သယ်ဆောင်လာသည့် သေနတ် အလက် (၂၀) နှင့် ကျည်ဆံများကို သယ်ဆောင်လာသူ (၂) ဦးကို မွန်ပြည်နယ်အတွင်း၌ ဖမ်းဆီးရမိခဲ့ကြောင်း နစကက သတင်း ထုတ်ပြန်သည်။
ယမန်နေ့ ဖေဖေါ်ဝါရီ (၂၇) ရက် ညပိုင်း ထုတ်ပြန်သည့် နစက၏ သတင်းထုတ်ပြန်ချက်အရ သထုံမြို့မှ မော်လမြိုင်မြို့ဘက်သို့ ဇော်လွင်ဦး (ခ) ဥူးတေဘာသနှင့် ယာ ဉ်မောင်း ဝင်းဇော်တို့ မောင်းနှင်လာသည့် မော်တော်ယာဉ်အား ကျိုက်ထိုမြို့အထွက်တွင် စစ်ဆေးရာမှ ယခုလို ဖ မ်းဆီးရမိခဲ့ခြင်းဖြစ်ကြောင်း သိရသည်။
အဆိုပါ လက်နက်သယ်ဆောင်သူများနှင့် လက်နက်ခဲယမိးများကို ဖေဖေါ်ဝါရီ (၂၄)ရက် နံနက်ပိုင်းက ကော့ကရိတ်-သထုံကားလမ်း၊ သထုံမြို့အထွက် ကားဂိတ်မှ မော်လမြိုင်ဘက်ကို မောင်းလာသည့် ယာဉ်ကို ရှာဖွေစစ်ဆေးခဲ့ရာမှ MK-12 သေနတ် (၂) လက်၊ M-4 ကာဘိုင် (၂) လ က်၊ M-16 သေနတ် (၁) လက်၊ ပွိုင့်-၃၈၀ ရိုင်ဖယ် (၁) လ က်၊ AK- 47 သေနတ် (၁) လက်၊ Glock ပစ္စတို (၁၀) လက်၊ Sigsauer ပစ္စတို (၃) လက်၊ ကျည်မျိုးစုံ (၃၉၈၀) တောင့်၊ ကျည်အိမ်မျိုးစုံ (၄၆) ခု၊ ရီမုခလုတ် (၄၉) ခုတို့ကို ဖမ်း ဆီးရမိခဲ့ေကြာင်း သိရသည်။
စစ်ဆေးချက်များအရ ၎င်းတို့ နှစ်ဦးသည် KNLA တပ်မ ဟာ (၆) နယ်မြေမှ ဝယ်ယူလာသည့် ဒီလက်နက်ခဲယမ်းများကို မြိုင်မြို့နယ်နှင့် ပေါက်မြို့နယ်ရှိ PDF အဖွဲ့များမှ ရဲသော်တာ (ခ) ကျောက်တိုင် ၊ ဗိုလ်လက်ယာနဲ့ မြိုင်ကြီး (ခ) ယက္ခတို့ထံ အခကြေးငွေဖြင့် ပို့ဆောင်ပေးရန် သယ် ဆောင်လာခြင်း ဖြစ်ပြီး ယခင်ကလည်း ပို့ဆောင်ခဲ့ဖူးကြောင်း သိရသည်။
ဖမ်းဆီးရမိသူများ၏ ထွက်ဆိုချက်အရ လက်နက်/ခဲယ မ်းများအား မွေ့ယာ၊ မြက်ဖျာများ၊ အဝတ်အစားဘေထု ပ်အိတ်များနှင့် မုန့်ပုံးများအတွင်း၌ ထည့်သွင်းသိုဝှက်၍ ခရီးသည်တင်ကားများဖြင့်ပို့ဆောင်ခြင်း၊ လိုင်စင်မဲ့မော် တော်ယာဉ်များအား သာသနာပိုင်ယာဉ်၊ လူမှုကယ်ဆယ်ရေးယာဉ် နံပါတ်ပြားများ တပ်ဆင်၍ ပုံမှားရိုက်ခရီးသွားဟန်လွဲ ပြုလုပ်ပို့ဆောင်ခြင်း၊ ယာဉ်အောက်ကြမ်းခင်းများအတွင်း အံဝှက်များပြုလုပ်၍ ထည့်သွင်းပို့ဆောင်ကာ လမ်းကြောင်းတစ်လျှောက် အဆင့်ဆင့်လက်ပြောင်း လက်လွှဲပြုလုပ်၍ လျှို့ဝှက်စွာသယ်ဆောင်ခဲ့သော်လည်း လုံခြုံရေးတပ်ဖွဲ့ဝင်များ၏ လက်ဦးမှု သတင်းရယူကာ စနစ်တကျ ပိတ်ဆို့ရှာဖွေစစ်ဆေးမှုများကြောင့် ဖမ်းဆီးခံခဲ့ရခြင်းဖြစ်ကြောင်း သိရသည်။
အဆိုပါ ဖမ်းဆီးရမိ တရားခံများအား ဥပဒေအရ ထိရော က်စွာအရေးယူနိုင်ရေး ဆက်လက်ဆောင်ရွက်သွားမည်ဖြစ်ကြောင်း နစကဘက်က သတင်းထုတ်ပြန်ထားသည်။
