မန္တလေးတိုင်း၊ချမ်းအေးသာစံမြို့နယ်၌ စက်သုံးဆီများအား တရားမဝင်ရောင်းချသူ ၄ ဦးကို သက်ဆိုင်ရာရဲစခန်းတွင် ရေနံနှင့်ရေနံထွက်ပစ္စည်းဆိုင်ရာဥပဒေပုဒ်မ ၃၇ ဖြင့် အမှုဖွင့်အရေးယူထား သည်။
လိုင်စင်မရှိဘဲ စက်သုံးဆီများအား တရားမဝင်ရောင်းချနေမှုများရှိနေသဖြင့် တာဝန်ရှိသူများက မတ် ၂၃ ရက်မှစတင်၍ ရှာဖွေဖမ်းဆီးမှုများကို စီမံချက်အနေဖြင့်ပြုလုပ်နေကြသည်။
ယင်းနေ့၌ပင် ချမ်းအေးသာစံမြို့နယ်၊ လမ်း ၇၀ နှင့် ၃၂ လမ်းထောင့်၊ ၈၉ လမ်း၊ ၃၃ လမ်းနှင့် ၃၄ လမ်းကြား၊ လမ်း၉၀၊ ၃၂ လမ်းနှင့် ၃၃ လမ်း ကြား၊ ၃၃ လမ်းနှင့် ၈၈ လမ်းထောင့်တို့တွင် တရားမဝင်ဖွင့်လှစ်ရောင်းချနေသည့် စက်သုံးဆီအရောင်းဆိုင် ၄ ဆိုင်အားတွေ့ရှိခဲ့ကြသည်။
ထို့ပြင် စက်သုံးဆီများဖြစ်သည့် 92 ၊ 95 ဆီများ၊ဘတ္ထရီသုံးစက်သုံးဆီပန့်၊သုံးဘီးဆိုင်ကယ်များ၊စက်သုံးဆီချင်တွယ်ရာတွင် အသုံးပြုသည့် ဆက်စပ်ပစ္စည်းများကိုလည်း တာဝန်ရှိသူများက သိမ်းဆည်းလိုက်သည်။
ရေနံထွက်ပစ္စည်းကြီး ကြပ်စစ်ဆေးရေးဦးစီးဌာနမှ တရားလိုပြုလုပ်၍ဖမ်းမိခဲ့သည့် တရားမဝင်စက်သုံးဆီရောင်းချသူ ၄ ဦးအား အမှုဖွင့်အရေးယူထားကြောင်း သိရသည်။
