တရုတ်နှင့်စင်ကာပူ နှစ်နိုင်ငံဆက်ဆံရေးကိုမြှင့်တင်ပြီးနောက် ပူးပေါင်းဆောင်ရွက်မှုများ ရှေ့သို့တက်လှမ်းမည်ဟု လီရှန်လွန်းဆို

စင်ကာပူနှင့် တရုတ်နိုင်ငံအကြား နှစ်နိုင်ငံဆက်ဆံရေးကို အဆင့်မြှင့်တင်ပြီးနောက် နှစ်နိုင်ငံပူးပေါင်းဆောင်ရွက်မှုနယ်ပယ်များစွာတွင် လက်မှတ်ရေးထိုးထားသည့် သဘောတူညီချက်များဖြင့် နောက်တစ်ဆင့်တက်လှမ်းမည်ဖြစ်ကြောင်း စင်ကာပူနိုင်ငံ ဝန်ကြီးချုပ် လီရှန်လွန်းက တရုတ်နိုင်ငံသို့ သွားရောက်သည့် ၎င်း၏တရားဝင်ခရီးစဉ်အပြီး ဧပြီလ (၁) ရက်နေ့တွင် ပြောကြားခဲ့သည်။

တရုတ်နိုင်ငံအနေဖြင့်လည်း စင်ကာပူအပါအဝင် အခြားအာရှနိုင်ငံများ တည်ငြိမ်အေးချမ်းမှုနှင့် ပူးပေါင်းဆောင်ရွက်မှုတို့ကို လိုလားကြောင်း မစ္စတာလီက စင်ကာပူ သတင်းထောက်များအား ပြောကြားခဲ့သည်။

လေးနှစ်နီးပါးအတွင်း ၎င်း၏ ပထမဆုံး တရုတ်နိုင်ငံသို့ ခြောက်ရက်ကြာ ခရီးစဉ်နှင့်ပတ်သက်သည့် အင်တာဗျူးတစ်ခုတွင် မစ္စတာလီက စီးပွားရေးတိုးတက်မှုနှင့် အကျိုးစီးပွားများ အပြောင်းအလဲကြောင့် တရုတ်နိုင်ငံနှင့် ပူးပေါင်းဆောင်ရွက်မှုများ ချိတ်ဆက်မှုအစဉ်ရှိနေရန် လိုအပ်ကြောင်း ပြောကြားခဲ့သည်။

၁၉၉၄ ခုနှစ်တွင် စတင်ခဲ့သော နှစ်နိုင်ငံအစိုးရများအကြား ပထမဆုံးစီမံကိန်းဖြစ်သည့် တရုတ်-စင်္ကာပူ Suzhou စက်မှုဥယျာဉ်ကို ကိုးကား၍ လီက မြို့ပြဖွံ့ဖြိုးတိုးတက်ရေးပုံစံမှာ ယခုအခါ နည်းပညာမြင့်မားသော ဖန်တီးဆောင်ရွက်မှုများကို ဆွဲဆောင်ရန် ပြောင်းလဲလာကြောင်း မှတ်ချက်ပြုခဲ့သည်။

“ထို့အတူပင်၊ တရုတ်နှင့် ကျွန်ုပ်တို့၏ ပူးပေါင်းဆောင်ရွက်မှုသည်လည်း ခေတ်မီနေရန် လိုအပ်သည်” ဟု မစ္စတာလီက ပြောကြားခဲ့သည်။