မွန်ပြည်နယ်၊ မုဒုံမြို့တွင် အနှေးယာဥ်(ဆိုက်ကား) တိမ်းမှောက်ကာ နင်းလာသူမှာ ကန်အတွင်း ပြုတ်ကျသေဆုံးခဲ့သည့် ဖြစ်စဉ်တစ်ခု ယနေ့ ဧပြီလ (၃) ရက် နံနက်ပိုင်းက ဖြစ်ပွားခဲ့ကြောင်း သိရသည်။
ယနေ့ နံနက် (၆) နာရီ ဝန်းကျင်က မုဒုံမြို့ ကန်တော်ကြီး မင်္ဂလာကန်အနီးတွင် အနှေးယာဉ် တိမ်းမှောက်ကာ အနှေးယာဉ်နင်းသူမှာ ကန်အတွင်းသို့ ပြုတ်ကျပြီး ရေနစ်သေဆုံးခဲ့ခြင်း ဖြစ်သည်။
” ကျွန်တော်တို့ရဲ့မိတ်ဖက်အသင်း ကန်ကြီးလူမှုကူညီရေးအသင်း(K-Rescue)က အကြောင်းကြားလို့ သွားပြီးကူညီပေးခဲ့တာပါ။ ရဲတွေလာပြီး စစ်ဆေးတယ်။ သေမှုသေခင်းလည်း ဖွင့်ထားတယ်လို့ သိရပါတယ်”ဟု အခင်းဖြစ်နေရာသို့ ရောက်ရှိခဲ့သည့် လူမှုကူညီရေးအသင်းဝင်တစ်ဦးက ပြောသည်။
အဆိုပါ ဖြစ်စဥ်မှ အနှေးယာဉ်နင်းသူအား မြန်မာ့လူငယ်အရေးပေါ် ကယ်ဆယ်ရေးအဖွဲ့ (Y-Rescue)မှ မိတ်ဖက်အသင်းများနှင့်အတူ ရှာဖွေကယ်ဆယ်ရေး လုပ်ငန်းများပြုလုပ်ခဲ့ဆောင်ခဲ့ရာ မုဒုံမြို့၊ စာစင်အလယ်ပိုင်း၊ မုန့်တီချောင်းလမ်းနေ ဦးသိန်းထွန်း (ခ) ဦးတာပေါ (၅၈) နှစ်အား သေဆုံးလျက်ပြန်လည်တွေ့ရှိခဲ့သဖြင့် ရုပ်အလောင်းအား မုဒုံမြို့နယ် ပြည်သူ့ဆေးရုံကြီး ရင်ခွဲရုံသို့ပို့ဆောင်ပေးခဲ့ကြောင်း သိရသည်။
Photo – Y-Rescue
